ਪੰਜਾਬ ਸਰਕਾਰ ਦਾ ਸਾਰਥਕ ਕਦਮ: ਉਪਰੇਸ਼ਨ ਜੀਵਨ ਜੋਤ 2.0
ਭੀਖ ਮੰਗਣਾ ਸਭਿਅਤ ਸਮਾਜ ਲਈ ਇਕ ਕਲੰਕ ਹੈ। ਜੇ ਅਸੀਂ ਆਪਣੇ ਸੂਬੇ ਪੰਜਾਬ ਦੀ ਗੱਲ ਕਰੀਏ ਤਾਂ ਪਿਛਲੇ ਕੁਝ ਸਾਲਾਂ ਵਿਚ ਇਥੇ ਭਿਖਾਰੀਆਂ ਦੀ ਗਿਣਤੀ ਵਿਚ ਹੈਰਾਨੀਕੁੰਨ ਵਾਧਾ ਹੋਇਆ ਹੈ। ਜੇ ਇਸ ਦੇ ਕਾਰਨਾਂ ਦੀ ਗੱਲ ਕਰੀਏ ਤਾਂ ਪਹਿਲਾ ਕਾਰਨ ਤਾਂ ਇਹ ਹੈ ਕਿ ਪੰਜਾਬ ਇਕ ਖੁਸ਼ਹਾਲ ਪ੍ਰਾਂਤ ਹੈ ਤੇ ਦੂਸਰਾ ਪੰਜਾਬੀ ਲੋਕ ਕਿਸੇ ਉੱਪਰ ਵੀ ਬਹੁਤ ਜਲਦੀ ਯਕੀਨ ਕਰ ਲੈਂਦੇ ਹਨ। ਪੰਜਾਬੀ ਲੋਕਾਂ ਨੂੰ ਭਾਵਨਾਤਮਿਕ ਤੌਰ ਤੇ ਬਹੁਤ ਜਲਦੀ ਪ੍ਰਭਾਵਿਤ ਕੀਤਾ ਜਾ ਸਕਦਾ ਹੈ।
Read More
ਪੰਜਾਬ ਸਰਕਾਰ ਦਾ ਸਾਰਥਕ ਕਦਮ: ਉਪਰੇਸ਼ਨ ਜੀਵਨ ਜੋਤ 2.0
ਭੀਖ ਮੰਗਣਾ ਸਭਿਅਤ ਸਮਾਜ ਲਈ ਇਕ ਕਲੰਕ ਹੈ। ਜੇ ਅਸੀਂ ਆਪਣੇ ਸੂਬੇ ਪੰਜਾਬ ਦੀ ਗੱਲ ਕਰੀਏ ਤਾਂ ਪਿਛਲੇ ਕੁਝ ਸਾਲਾਂ ਵਿਚ ਇਥੇ ਭਿਖਾਰੀਆਂ ਦੀ ਗਿਣਤੀ ਵਿਚ ਹੈਰਾਨੀਕੁੰਨ ਵਾਧਾ ਹੋਇਆ ਹੈ। ਜੇ ਇਸ ਦੇ ਕਾਰਨਾਂ ਦੀ ਗੱਲ ਕਰੀਏ ਤਾਂ ਪਹਿਲਾ ਕਾਰਨ ਤਾਂ ਇਹ ਹੈ ਕਿ ਪੰਜਾਬ ਇਕ ਖੁਸ਼ਹਾਲ ਪ੍ਰਾਂਤ ਹੈ ਤੇ ਦੂਸਰਾ ਪੰਜਾਬੀ ਲੋਕ ਕਿਸੇ ਉੱਪਰ ਵੀ ਬਹੁਤ ਜਲਦੀ ਯਕੀਨ ਕਰ ਲੈਂਦੇ ਹਨ। ਪੰਜਾਬੀ ਲੋਕਾਂ ਨੂੰ ਭਾਵਨਾਤਮਿਕ ਤੌਰ ਤੇ ਬਹੁਤ ਜਲਦੀ ਪ੍ਰਭਾਵਿਤ ਕੀਤਾ ਜਾ ਸਕਦਾ ਹੈ।
Read More
ਲਾਲ ਫੀਤਾਸ਼ਾਹੀ : ਆਮ ਨਾਗਰਿਕ ਦੇ ਸਬਰ ਦਾ ਇਮਤਿਹਾਨ
ਮਾਲਵੇ ਦੇ ਮਕਬੂਲ ਪੰਜਾਬੀ ਸ਼ਾਇਰ ਜਗਸੀਰ ਜੀਦਾ ਜੋ ਆਪਣੀਆਂ ਬੋਲੀਆਂ ਲਈ ਸਟੇਜੀ ਕਵੀ ਦੇ ਤੌਰ ਤੇ ਪ੍ਰਸਿਧ ਹਨ, ਉਨਾਂ ਦੀ ਇਕ ਬੋਲੀ ਹੈ –
Read More
ਸਰਕਾਰਾਂ ਦਾ ਸੈਰ ਸਪਾਟਾ, ਪਹਾੜਾਂ ਦੀ ਤਬਾਹੀ
ਕਦੇ ਅਪਰੈਲ ਵਿੱਚ ਸਰਦੀਆਂ ਵਾਂਗ ਠੰਢ, ਤਾਂ ਕਦੇ ਜੂਨ ਵਿਚ ਮੀਂਹ। ਮੀਂਹ ਵੀ ਕਦੇ ਮਹੀਨੇ ਤੱਕ ਨਹੀਂ ਹੋਣਾ, ਤੇ ਕਦੇ ਬੱਦਲ ਫਟਕੇ ਬਰਸਣਾ, ਮੌਸਮ ਹੁਣ ਆਪਣੇ ਰਵਾਇਤੀ ਚੱਕਰ ਤੋਂ ਹਟ ਗਿਆ ਹੈ। ਹਾਲ ਦੇ ਸਾਲਾਂ ਵਿਚ, ਅਸੀਂ ਬੱਦਲ ਫਟਦੇ ਵੇਖ ਰਹੇ ਹਨ, ਜੋ ਘਰ ਤੋੜਦੇ ਹਨ, ਸੜਕਾਂ ਬੰਦ ਕਰਦੇ ਹਨ, ਅਤੇ ਜਾਨਾਂ ਲੈ ਜਾਂਦੇ ਹਨ। ਇਹ ਖ਼ਤਰਨਾਕ ਘਟਨਾਵਾਂ ਹੁਣ ਵਾਰ-ਵਾਰ ਹੋ ਰਹੀਆਂ ਹਨ।
Read More
ਇੰਨਸਾਨ ਦਾ ਬਾਲ ਅਵਸਥਾ ਤੋਂ ਬੁਢਾਪੇ ਤੱਕ ਦਾ ਸਫ਼ਰ
ਨਿਰੰਤਰ ਪਰਿਵਰਤਨ ਦੀ ਪ੍ਰਕ੍ਰਿਆ ਦਾ ਨਾਂ ਹੀ ਜੀਵਨ ਹੈ | ਇੰਨਸਾਨ ਬਾਲ ਅਵਸਥਾ ਤੋਂ ਸ਼ੁਰੂ ਹੋ ਕੇ ਬੁਢਾਪੇ ਦਾ ਸਫ਼ਰ, ਅਣਗਿਣਤ ਟੇਢੇ ਮੇਢੇ ਰਾਹਾਂ ਵਿਚੋਂ ਗੁਜ਼ਰ ਕੇ ਤੈਅ ਕਰਦਾ ਹੈ | ਭਾਰਤ ਵਿਚ ਬਹੁਤ ਸਾਰੇ ਰਾਜਾਂ ਵਿਚ ਸੇਵਾ ਮੁਕਤੀ ਦੀ ਉਮਰ 58 ਸਾਲ ਹੈ ਜਦਕਿ ਕੇਦਰੀ ਸਰਕਾਰ ਦੇ ਕਰਮਚਾਰੀਆਂ ਲਈ ਇਹ ਮਿਆਦ 60 ਸਾਲ ਰੱਖੀ ਗਈ ਹੈ | ਰਵਾਇਤੀ ਤੌਰ ਤੇ ਬੁਢਾਪੇ ਦੀ ਉਮਰ 65 ਸਾਲ ਮੰਨੀ ਗਈ ਹੈ, ਪਰ ਇਸ ਦੇ ਕਾਰਨ ਜੀਵ ਵਿਗਿਆਨ ਵਿਚ ਨਹੀਂ ਸਗੋਂ ਇਤਿਹਾਸ ਵਿਚ ਮਿਲਦੇ ਹਨ
Read More
ਸਾਡੇ ਨੌਜਵਾਨਾਂ ਦੇ ਦਰਦ ਨੂੰ ਸੁਣਨ ਦੀ ਲੋੜ
ਪਿਛਲੇ ਕੁੱਝ ਹਫ਼ਤਿਆਂ ਵਿਚ ਚੰਡੀਗੜ੍ਹ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ’ਚ ਅਨੇਕ ਨੌਜਵਾਨਾਂ ਨੇ ਆਤਮਹੱਤਿਆ ਕਰ ਲਈ ਹੈ। ਪਰ ਇਹ ਸੰਵੇਦਨਸ਼ੀਲ ਖ਼ਬਰ ਵੀ ਜ਼ਿਆਦਾਤਰ ਲੋਕਾਂ ਲਈ ਅਣਸੁਣੀ ਹੋਵੇਗੀ। ਸੱਤਾਰਾਂ, ਇਹ ਸਿਰਫ਼ ਅੰਕ ਨਹੀਂ ਹਨ। ਇਹ ਪਰਿਵਾਰਾਂ ਦੀ ਬਰਬਾਦੀ, ਕਦੇ ਨਾਂ ਪੂਰੇ ਹੋਣ ਵਾਲੇ ਸੁਪਨੇ, ਅਤੇ ਅਧੂਰੀ ਰਹੀਆਂ ਕਹਾਣੀਆਂ ਹਨ। ਇਨਾਂ ਘਟਨਾਵਾਂ ਦੀ ਚੁੱਪ ਸਾਨੂੰ ਇਕ ਗੰਭੀਰ ਸੱਚ ਦੱਸ ਰਹੀ ਹੈ: ਅਸੀਂ ਇਕ ਅਜਿਹੀ ਦੁਨੀਆ ਵਿਚ ਜੀ ਰਹੇ ਹਾਂ ਜਿਥੇ ਨੌਜਵਾਨ ਅੰਦਰੋਂ ਟੁੱਟ ਰਹੇ ਹਨ, ਪਰ ਉਨਾਂ ਦੀ ਪੁਕਾਰ ਵਾਰ-ਵਾਰ ਅਣਸੁਣੀ ਰਹਿ ਜਾਂਦੀ ਹੈ।
Read More
ਕਾਨੂੰਨ ਦੇ ਫੈਸਲੇ ਕਾਨੂੰਨ ਨਾਲ
ਅੱਜ ਦੇ ਸਮੋਂ ਵਿਚ ਇੰਨਸਾਨ ਵਿਚ ਹਿੰਸਕ ਪ੍ਰਵਿਰਤੀ ਖਤਰਨਾਕ ਪੱਧਰ ਤੱਕ ਵਧ ਚੁਕੀ ਹੈ। ਪੂਰੇ ਸੰਸਾਰ ਦੀ ਵੱਡੀ ਚਿੰਤਾ ਹਮਲਾਵਰ ਕਾਰਵਾਈਆਂ ਦੀ ਗਿਣਤੀ ਵਿਚ ਦਿਨੋਂ ਦਿਨ ਹੋ ਰਿਹਾ ਵਾਧਾ ਹੈ। ਜੇ ਅੰਕੜਿਆਂ ਉਪਰ ਨਜ਼ਰ ਮਾਰੀਏ ਤਾਂ ਇਸ ਪ੍ਰਵਿਰਤੀ ਦਾ ਸ਼ਿਕਾਰ ਸਭ ਤੋਂ ਵਧ ਨੌਜਵਾਨ ਵਰਗ ਹੈ। ਲੋਕਾਂ ਵਿਚ ਸਹਿਣਸ਼ੀਲਤਾ, ਸੰਜਮ, ਖ਼ਿਮਾ ਕਰਨਾ ਤੇ ਦਇਆ ਵਰਗੇ ਸਦਾਚਾਰੀ ਗੁਣ ਘਟ ਰਹੇ ਹਨ ਜਾਂ ਖਤਮ ਹੋ ਰਹੇ ਹਨ। ਨੌਜਵਾਨ ਬਿਨਾਂ ਕਾਨੂੰਨ ਦੀ ਪ੍ਰਵਾਹ ਕੀਤੇ ਹਿੰਸਕ ਕਾਰਵਾਈਆਂ ਕਰ ਰਹੇ ਹਨ।
Read More
ਮੌਸਮ ਦੀ ਤਬਦੀਲੀ: ਗਰਮੀ ਦਾ ਕਹਿਰ
ਇਨ੍ਹੀ ਦਿਨੀਂ ਉਤਰੀ ਭਾਰਤ ਝੁਲਸਦੀ ਗਰਮੀ ਦਾ ਸਾਹਮਣਾ ਕਰ ਰਿਹਾ ਹੈ। ਕਾਇਨਾਤ ਦਾ ਹਰ ਜੀਵ, ਮਨੁੱਖ, ਪਛੂ, ਪੰਛੀ ਤੇ ਪੌਦੇ ਇਸ ਭਿਆਨਕ ਗਰਮੀ ਤੋਂ ਪਰੇਸ਼ਾਨ ਹਨ। ਗਰਮੀ ਦਾ ਇਹ ਆਲਮ ਹੈ ਕਿ ਪੰਜਾਬ ਤੇ ਹਰਿਆਣਾ ਦੇ ਕੁਝ ਜ਼ਿਲਿਆਂ ਵਿਚ ਦਿਨ ਦਾ ਤਾਪਮਾਨ 46° ਸੈਲਸੀਅਸ ਤੱਕ ਪਹੁੰਚ ਗਿਆ ਹੈ। ਮੌਸਮ ਦਾ ਇੰਨਾ ਭਿਆਨਕ ਰੂਪ ਸਾਡੀ ਧਰਤੀ ਅਤੇ ਮਨੁੱਖੀ ਜੀਵਨ ਉਪਰ ਪ੍ਰਤੀਕੂਲ ਪ੍ਰਭਾਵ ਪਾਉਂਦਾ ਹੈ। ਪਿਛਲੇ ਕੁੱਝ ਦਹਾਕਿਆਂ ਤੋਂ ਮੌਸਮ ਵਿਚ ਹੈਰਾਨੀਜਨ ਤਕਦੀਲੀ ਵੇਖਣ ਨੂੰ ਮਿਲੀ ਹੈ। ਅਜੋਕੇ ਦੌਰ ਵਿਚ ਮੌਸਮ ਵਿਗਿਆਨੀ ਗਲੋਬਲ ਵਾਰਮਿੰਗ ਦੀ ਗੱਲ ਕਰਦੇ ਹਨ, ਅਸਲ ਵਿੱਚ ਇਹ ਧਰਤੀ ਦੀ ਸਤਹ ਦੇ ਨਜ਼ਦੀਕ ਤਾਪਮਾਨ ਵਿਚ ਹੌਲੀ ਹੌਲੀਵਾਧੇ ਦੀ ਪ੍ਰਕਿਰਿਆ ਹੈ। ਜੇ ਅਸੀਂ ਗਲੋਬਲ ਵਾਰਮਿੰਗ ਦੇ ਕਾਰਨਾਂ ਦੀ ਗਲ ਕਰੀਏ ਤਾਂ ਇਸ ਦਾ ਮੁਖ ਕਾਰਨ ਧਰਤੀ ਉਪਰੋਂ ਹਰਿਆਲੀ ਦਾ ਦਿਨੋਂ ਦਿਨ ਘਟਣਾ ਹੈ। ਹਰਿਆਵਲ ਅਤੇ ਪੌਦੇ ਆਕਸੀਜਨ ਦਾ ਮੁਖ ਸਰੋਤ ਹਨ।
Read More
ਅਤੀ ਜ਼ਿਆਦਾ ਸ਼ਹਿਰੀਕਰਣ : ਇਕ ਗੰਭੀਰ ਸਮੱਸਿਆ
5 ਜੂਨ ਦਾ ਦਿਨ ਹਰ ਸਾਲ "ਵਿਸ਼ਵ ਵਾਤਾਵਰਣ ਦਿਵਸ" ਵਜੋਂ ਮਨਾਇਆ ਜਾਂਦਾ ਹੈ। ਵਾਤਾਵਰਣ ਸਬੰਧੀ ਆਮ ਲੋਕਾਂ ਵਿਚ ਜਾਗਰੂਕਤਾ ਪੈਦਾ ਕਰਨ ਲਈ ਸਭ ਤੋਂ ਪਹਿਲਾਂ 1973 ਵਿਚ ਇਹ ਦਿਨ ਮਨਾਇਆ ਗਿਆ। ਸਾਡੇ ਚੌਗਿਰਦੇ ਵਿਚ ਦਿਨੋਂ ਦਿਨ ਕਈ ਪ੍ਰਕਾਰ ਦਾ ਪ੍ਰਦੂਸ਼ਣ ਫੈਲ ਰਿਹਾ ਹੈ ਜਿਨਾਂ ਵਿਚ ਸਮੁੰਦਰੀ ਪ੍ਰਦੂਸ਼ਣ, ਵਧਦੀ ਅਬਾਦੀ, ਗਲੋਬਲ ਵਾਰਮਿੰਗ, ਸ਼ਹਿਰੀਕਰਣ ਨਾਲ ਜੁੜੀਆਂ ਸਮੱਸਿਆਵਾਂ ਤੇ ਕੁਦਰਤੀ ਸਰੋਤਾਂ ਵਿਚ ਫੈਲ ਰਹੀ ਆਲੂਦਗੀ ਸ਼ਾਮਿਲ ਹਨ। ਵਿਕਾਸ ਦੇ ਨਾਲ ਸ਼ਹਿਰੀ ਬਸਤੀਆਂ ਅਤੇ ਵਸੋਂ ਵਿਚ ਦਿਨੋਂ ਦਿਨ ਵਾਧਾ ਹੋ ਰਿਹਾ ਹੈ। ਇਸ ਦੇ ਨਾਲ ਪਲਾਸਟਿਕ ਨਾਲ ਜੁੜਿਆ ਪ੍ਰਦੂਸ਼ਣ ਖ਼ਤਰਨਾਕ ਪੱਧਰ ਤੱਕ ਵੱਧ ਚੁੱਕਾ ਹੈ। ਇਸ ਵਾਰ ਵਿਸ਼ਵ ਵਾਤਾਵਰਣ ਦਿਵਸ ਦਾ ਥੀਮ ਹੈ, " Ending Plastic Pollution Globally".
Read More
ਪੰਜਾਬ ਵਿਚ ਨਸ਼ੇ ਦੀ ਅਲਾਮਤ
ਪਿਛਲੇ ਕੁਝ ਦਹਾਕਿਆਂ ਤੋਂ ਸਾਡਾ ਹੱਸਦਾ ਵਸਦਾ ਪੰਜਾਬ ਕਈ ਤਰਾਂ ਦੇ ਨਵੇਂ ਦੌਰ ਦੇ ਪ੍ਰਚੱਲਤ ਨਸ਼ਿਆਂ ਦਾ ਦੁਖਾਂਤ ਝੱਲ ਰਿਹਾ ਹੈ । ਇਨਾਂ ਵਿਚ ਰਸਾਇਣਕ ਨਸ਼ੇ ਵੀ ਹਨ ਜੋ ਅਜੋਕੀ ਜਵਾਨੀ ਨੂੰ ਘੁਣ ਵਾਂਗ ਖਾ ਰਹੇ ਹਨ। ਰੋਜ਼ ਨਸ਼ਿਆਂ ਦੇ ਓਵਰਡੋਜ਼ ਨਾਲ ਪਿੰਡ ਪਿੰਡ ਸ਼ਹਿਰ ਸ਼ਹਿਰ ਭਰ ਜਵਾਨੀ ਵਿਚ ਮੁੰਡੇ ਮੌਤ ਦੇ ਮੂੰਹ ਜਾ ਰਹੇ ਹਨ । ਪਿਛੇ ਬਚੇ ਪਰਿਵਾਰ ਕਰਜ਼ੇ ਅਤੇ ਬਰਬਾਦੀ ਦੀ ਤ੍ਰਾਸਦੀ ਵਿਚ ਜ਼ਿੰਦਗੀ ਕੱਟਣ ਲਈ ਰਹਿ ਜਾਂਦੇ ਹਨ । ਅੱਜ ਸਮੇਂ ਦੀਆਂ ਸਰਕਾਰਾਂ ਅਤੇ ਪਰਿਵਾਰਾਂ ਨੂੰ ਦਰਪੇਸ਼ ਸਭ ਤੋਂ ਵੱਡੀ ਚੁਨੌਤੀ ਨੌਜਵਾਨਾਂ ਤੇ ਬੱਚਿਆਂ ਨੂੰ ਇਸ ਭੈੜੀ ਵਾਦੀ ਦੀ ਮਾਰ ਤੋਂ ਬਚਾਉਣ ਦੀ ਹੈ |
Read More
ਵੀਰਤਾ ਅਤੇ ਕੁਰਬਾਨੀ ਦੀ ਅਦੁੱਤੀ ਮਿਸਾਲ : ਭਾਰਤੀ ਫੌਜ
ਸਰਹੱਦਾਂ ਉਪਰ ਤਇਨਾਤ ਸੁਰਿੱਖਿਆ ਬਲਾਂ ਦਾ ਗੌਰਵਸ਼ਾਲੀ ਇਤਿਹਾਸ ਸਾਨੂੰ ਦੇਸ਼ ਦੇ ਵੀਰ ਯੋਧਿਆਂ ਦੀਆਂ ਲਾਸਾਨੀ ਕੁਰਬਾਨੀਆਂ ਦੀ ਯਾਦ ਦਿਲਾਉਂਦਾ ਹੈ। ਆਜ਼ਾਦੀ ਤੋਂ ਬਾਦ 1971 ਦੀ ਜੰਗ ਦੇ ਨਤੀਜੇ ਵਜੋਂ ਦੁਨੀਆਂ ਦੇ ਨਕਸ਼ੇ ਉਪਰ ਇਕ ਨਵਾਂ ਰਾਸ਼ਟਰ ਉਭਰ ਕੇ ਆਇਆ- ਬੰਗਲਾ ਦੇਸ਼। ਇਸ ਲੜਾਈ ਵਿਚ ਭਾਰਤੀ ਸੈਨਿਕ ਬਲਾਂ ਨੇ ਇਕ ਫੈਸਲਾਕੁੰਨ ਜਿੱਤ ਹਾਸਿਲ ਕੀਤੀ, ਜਿਸ ਵਿਚ ਪਾਕਿਸਤਾਰ ਦੇ 93 ਹਜ਼ਾਰ ਜੰਗੀ ਕੈਦੀਆਂ ਨੂੰ ਕਬਜ਼ੇ ਲੈ ਲਿਆ ਗਿਆ। ਇਸ ਤਰਾਂ ਹੀ ਜੁਲਾਈ 1987 ਤੋਂ ਮਾਰਚ 1990 ਦੇ ਸਮੋਂ ਦੌਰਾਨ ਭਾਰਤੀ ਫੌਜ ਨੇ ਸ਼੍ਰੀ ਲੰਕਾ ਵਿਚ ਤਮਿਲ ਅੱਤਵਾਦੀਆਂ ਨਾਲ ਲੋਹਾ ਲਿਆ ਤੇ ਉਥੇ ਸ਼ਾਂਤੀ ਸਥਾਪਿਤ ਕੀਤੀ। 3 ਨਵੰਬਰ 1988 ਨੂੰ ਸਾਡੇ ਸੈਨਿਕ ਬਲਾਂ ਨੇ ਮਾਲਦੀਵ ਵਿਚ ਉਥੋਂ ਦੀ ਸਰਕਾਰ ਦਾ ਤਖ਼ਤਾ ਪਲਟਣ ਦੀ ਕੋਸ਼ਿਸ ਨੂੰ ਨਾਕਾਮ ਕੀਤਾ ਤੇ ਪੂਰੀ ਦੁਨੀਆਂ ਨੂੰ ਇਹ ਦਿਖਾ ਦਿਤਾ ਕਿ ਭਾਰਤੀ ਸੈਨਾ ਕਿੰਨੀ ਤੇਜ਼ੀ ਤੇ ਕੁਸ਼ਲਤਾ ਨਾਲ ਪ੍ਰਤੀਕ੍ਰਿਆ ਕਰਦੀ ਹੈ। ਸਾਨੂੰ ਆਪਣੀ ਸੈਨਿਕ ਸ਼ਕਤੀ ਉਪਰ ਮਾਣ ਹੈ। ਬਹਾਦਰੀ, ਕੁਰਬਾਨੀ, ਤੇ ਦ੍ਰਿੜਤਾ ਦੇ ਮੁਕਾਬਲੇ ਵਿਚ ਸੰਸਾਰ ਵਿਚ ਇਸਦਾ ਕੋਈ ਦੂਸਰਾ ਸਾਨੀ ਨਹੀਂ ਹੈ।
Read More
A.I ਦਾ ਰੋਜ਼ਮਰ੍ਹਾ ਜੀਵਨ ਵਿਚ ਵਾਧਾ
ਕ੍ਰਿਤ੍ਰਿਮ ਬੁੱਧੀ, ਜਾਂ A.I, ਹੌਲੀ-ਹੌਲੀ ਭਾਰਤ ਵਿਚ ਦੈਨਿਕ ਜੀਵਨ ਦਾ ਹਿੱਸਾ ਬਣ ਗਿਆ ਹੈ। ਇਹ ਸਾਡੀ ਅਜਿਹੇ ਤਰੀਕਿਆਂ ਨਾਲ ਮਦਦ ਕਰਦਾ ਹੈ ਜਿਨਾਂ ਨੂੰ ਅਸੀਂ ਹਮੇਸ਼ਾ ਨਹੀਂ ਵੇਖਦੇ। ਫੋਨਾਂ 'ਤੇ ਚਿਹਰੇ ਦੀ ਪਛਾਣ ਤੋਂ ਲੈ ਕੇ ਬਿਹਤਰ ਫਿਲਮ ਸਿਫਾਰਸ਼ਾਂ ਤੱਕ, ਸਧਾਰਨ ਸਵਾਲਾਂ ਦੇ ਜਵਾਬ ਦੇਣ ਵਾਲੇ ਵੌਇਸ ਅਸਿਸਟੈਂਟਸ ਤੋਂ ਲੈ ਕੇ ਟ੍ਰੈਫਿਕ ਜਾਮ ਤੋਂ ਬਚਣ ਵਿਚ ਮਦਦ ਕਰਨ ਵਾਲੀਆਂ ਐਪਸ ਤੱਕ, A.I ਨੇ ਆਪਣੀ ਜਗ੍ਹਾ ਬਣਾ ਲਈ ਹੈ। ਹੁਣ ਤਾਂ ਪੇਂਡੂ ਖੇਤਰਾਂ ਵਿਚ ਵੀ, ਕਿਸਾਨ A.I ਨਾਲ ਸੰਚਾਲਿਤ ਐਪਸ ਰਾਹੀਂ ਮੌਸਮ ਦੀ ਜਾਣਕਾਰੀ ਅਤੇ ਫਸਲ ਸਲਾਹ ਲੈਂਦੇ ਹਨ। ਪੰਜਾਬ ਦਾ ਇਕ ਛੋਟਾ ਜ਼ਮੀਨ ਮਾਲਕ ਹੁਣ ਮੀਂਹ ਦੀ ਭਵਿੱਖਬਾਣੀ ਕਰ ਸਕਦਾ ਹੈ, ਸਹੀ ਖਾਦ ਚੁਣ ਸਕਦਾ ਹੈ, ਅਤੇ ਜਾਣ ਸਕਦਾ ਹੈ ਕਿ ਉਸ ਦੀ ਫਸਲ ਲਈ ਸਭ ਤੋਂ ਵਧੀਆ ਕੀਮਤ ਕਿੱਥੇ ਮਿਲੇਗੀ।
Read More
ਭਾਰਤ ਵਿਚ ਕਾਰਗੋ ਸ਼ਿਪਿੰਗ, ਨਿਵੇਸ਼ ਅਤੇ ਵਿਕਾਸ ਦਾ ਦਾਇਰਾ
ਭਾਰਤ 7,500 ਕਿਲੋਮੀਟਰ ਤੋਂ ਵੱਧ ਫੈਲੇ ਆਪਣੇ ਵਿਸ਼ਾਲ ਅਤੇ ਗਤੀਸ਼ੀਲ ਤੱਟਰੇਖਾ ਦੇ ਨਾਲ, ਭੂਗੋਲਿਕ ਤੌਰ 'ਤੇ ਸਮੁੰਦਰੀ ਵਪਾਰ ਲਈ ਲੰਬੇ ਸਮੇਂ ਤੋਂ ਇਕ ਧੁਰਾ ਰਿਹਾ ਹੈ। ਪਰ ਜੋ ਕਦੇ ਇਕ ਸ਼ਾਂਤ ਤਾਕਤ ਵਜੋਂ ਸੀ, ਹੁਣ ਦੇਸ਼ ਦੀ ਆਰਥਿਕ ਤਰੱਕੀ ਦੇ ਇਕ ਥੰਮ ਵਜੋਂ ਉੱਭਰ ਰਿਹਾ ਹੈ। ਕਾਰਗੋ ਸ਼ਿਪਿੰਗ ਉਦਯੋਗ, ਜੋ ਅਕਸਰ ਪਿਛੋ ਕੰਮ ਕਰਦਾ ਹੈ, ਲੰਬੇ ਸਮੇਂ ਦੇ ਨਿਵੇਸ਼ ਅਤੇ ਰਾਸ਼ਟਰੀ ਵਿਕਾਸ ਲਈ ਦੇਸ਼ ਦੇ ਸਭ ਤੋਂ ਵੱਧ ਤਰੱਕੀ ਕਰਨ ਵਾਲੇ ਖੇਤਰਾਂ ਵਿਚੋਂ ਇਕ ਵਜੋਂ ਧਿਆਨ ਕੇਂਦਰਿਤ ਕਰ ਰਿਹਾ ਹੈ। ਮੁੰਬਈ ਅਤੇ ਚੇਨਈ ਦੀਆਂ ਭੀੜ-ਭੜੱਕੇ ਵਾਲੀਆਂ ਬੰਦਰਗਾਹਾਂ ਤੋਂ ਵਿਸ਼ਾਖਾਪਟਨਮ ਅਤੇ ਕੋਚੀ ਵਿਚ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਟਰਮੀਨਲਾਂ ਤੱਕ, ਇਕ ਸ਼ਾਂਤ ਤਬਦੀਲੀ ਚੱਲ ਰਹੀ ਹੈ - ਜੋ ਭਾਰਤ ਨੂੰ ਵਿਸ਼ਵ ਵਪਾਰ ਮਾਰਗਾਂ ਨਾਲ ਜੋੜ ਰਹੀ ਹੈ ਅਤੇ ਘਰੇਲੂ ਪ੍ਰਬੰਧਨ ਦੀ ਰੀੜ੍ਹ ਦੀ ਹੱਡੀ ਨੂੰ ਵੀ ਮਜ਼ਬੂਤ ਕਰ ਰਹੀ ਹੈ।
Read More
ਕਿਰਤੀ : ਦੇਸ਼ ਦੇ ਵਿਕਾਸ ਦਾ ਧੁਰਾ।
ਅੱਜ 1 ਮਈ ਦਾ ਦਿਨ, ਵਿਸ਼ਵ ਭਰ ਵਿਚ ਮਜ਼ਦੂਰ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। ਭਾਰਤ ਤੋਂ ਇਲਾਵਾ ਸੰਸਾਰ ਦੇ ਕਰੀਬ 80 ਦੇਸ਼ਾਂ ਵਿਚ ਇਸ ਦਿਨ ਕਾਰਖਾਨਿਆਂ ਵਿਚ ਰਾਸ਼ਟਰੀ ਛੁੱਟੀ ਐਲਾਨੀ ਜਾਂਦੀ ਹੈ। ਇਹ ਦਿਨ ਕਿਰਤੀਆਂ, ਕਾਮਿਆਂ ਦੀ ਮਿਹਨਤ ਦੇ ਸਨਮਾਨ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਦਿਨ ਨੂੰ ਮਈ ਦਿਵਸ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਜੇ ਇਸ ਦਿਨ ਦੇ ਇਤਿਹਾਸ ਦੀ ਗੱਲ ਕਰੀਏ ਤਾਂ ਇਸ ਦਿਨ ਨੂੰ ਮਨਾਉਣ ਦੀ ਸ਼ੁਰੂਆਤ 1886 ਵਿਚ ਸੰਯੁਕਤ ਰਾਜ ਅਮਰੀਕਾ ਦੇ ਸ਼ਹਿਰ ਸ਼ਿਕਾਗੋ ਤੋਂ ਹੋਈ ਸੀ।
Read More
ਲੱਗੀ ਨਜ਼ਰ ਪੰਜਾਬ ਨੂੰ, ਇਦ੍ਹੀ ਨਜ਼ਰ ਉਤਾਰੋ। ਲੈ ਕੇ ਮਿਰਚਾਂ ਕੌੜੀਆਂ, ਏਹਦੇ ਸਿਰ ਤੋਂ ਵਾਰੋ। ਸਿਰ ਤੋਂ ਵਾਰੋ, ਵਾਰ ਕੇ, ਅੱਗ ਦੇ ਵਿਚ ਸਾੜੋ। ਲੱਗੀ ਨਜ਼ਰ ਪੰਜਾਬ ਨੂੰ, ਇਦ੍ਹੀ ਨਜ਼ਰ ਉਤਾਰੋ।
ਪੰਜਾਬੀ ਦੇ ਸਿਰਮੌਰ ਕਵੀ ਪਦਮ ਸ਼੍ਰੀ ਡਾ: ਸੁਰਜੀਤ ਪਾਤਰ ਦੀਆਂ ਇਹ ਸਤਰਾਂ ਮੈਂ ਇਸ ਕਰਕੇ ਤੁਹਾਡੇ ਧਿਆਨ ਗੋਚਰ ਕਰ ਰਿਹਾ ਹਾਂ, ਕਿਉਂਕਿ ਅੱਜ ਸੱਚਮੁਚ ਸਾਡਾ ਘੁੱਗ ਵਸਦਾ, ਰੰਗਲਾ ਪੰਜਾਬ, ਕਿਸੇ ਦੀ ਬੁਰੀ ਨਜ਼ਰ ਦਾ ਸ਼ਿਕਾਰ ਹੋ ਚੁੱਕਾ ਹੈ। ਕੁਝ ਦਿਨ ਪਹਿਲਾਂ ਇਹ ਖ਼ਬਰ ਸੁਨਣ ਨੂੰ ਮਿਲੀ ਕਿ ਪੰਜਾਬ ਐਚ. ਆਈ. ਵੀ. ਸੰਕਰਮਣ ਦੇ ਮਾਮਲਿਆਂ ਵਿਚ ਭਾਰਤ ਵਿਚ ਸਭ ਵੱਧ ਪ੍ਰਭਾਵਿਤ ਸੂਬਿਆਂ ਵਿਚੋਂ ਤੀਸਰੇ ਨੰਬਰ ਤੇ ਆ ਗਿਆ ਹੈ।
Read More
ਅਜੋਕੇ ਸਮੋਂ ਵਿਚ ਬਾਬਾ ਸਾਹਿਬ ਦੇ ਸਿਧਾਂਤਾਂ ਦੀ ਪ੍ਰਸੰਗਿਕਤਾ
ਬੀਤੇ 14 ਅਪ੍ਰੈਲ ਨੂੰ ਮੁਲਕ ਭਰ ਵਿਚ ਭਾਰਤ ਰਤਨ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦੀ 134 ਵੀਂ ਜਯੰਤੀ ਮਨਾਈ ਗਈ। ਦੇਸ਼ ਭਰ ਵਿੱਚ ਵੱਖ-ਵੱਖ ਸਮਾਗਮਾਂ ਵਿਚ ਉਨਾਂ ਦੇ ਅਣਮੁੱਲੇ ਯੋਗਦਾਨ ਨੂੰ ਯਾਦ ਕੀਤਾ ਗਿਆ। ਅੱਜ ਵੀ ਉਨਾਂ ਨੂੰ ਭਾਰਤੀ ਸੰਵਿਧਾਨ ਦੇ ਮੁਖ ਨਿਰਮਾਤਾ, ਇਕ ਸਮਾਜ ਸੁਧਾਰਕ ਅਤੇ ਦਲਿਤਾਂ ਦੇ ਅਧਿਕਾਰਾਂ ਦੇ ਚੈਂਪੀਅਨ ਵਜੋਂ ਜਾਣਿਆ ਜਾਂਦਾ ਹੈ। ਉਨਾਂ ਨੇ ਜਾਤੀ ਵਿਤਰਕੇ ਵਿਰੁੱਧ ਲੜਾਈ ਲੜੀ, ਸਮਾਜਿਕ ਬਰਾਬਰੀ ਨੂੰ ਉਤਸ਼ਾਹਿਤ ਕੀਤਾ, ਅਤੇ ਭਾਰਤ ਦੇ ਲੋਕਤੰਤਰੀ ਢਾਂਚੇ ਨੂੰ ਆਕਾਰ ਦੇਣ ਵਿੱਚ ਮੁਖ ਭੂਮਿਕਾ ਨਿਭਾਈ। ਉਨਾਂ ਨੇ ਸਮਾਜਿਕ ਨਿਆਂ ਅਤੇ ਮਨੁੱਖੀ ਅਧਿਕਾਰਾਂ ਦੀ ਵਕਾਲਤ ਕੀਤੀ।
Read More
ਯੁੱਗ ਪ੍ਰਵਰਤਕ: ਬਾਬਾ ਸਾਹਿਬ ਡਾ: ਬੀ. ਆਰ. ਅੰਬੇਡਕਰ
ਅੱਜ ਪੂਰਾ ਦੇਸ਼ ਭਾਰਤ ਰਤਨ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦੀ 134 ਵੀਂ ਜਯੰਤੀ ਪੂਰੇ ਸਨਮਾਨਾਂ ਨਾਲ ਮਨਾ ਰਿਹਾ ਹੈ। ਅੱਜ ਉਨਾਂ ਨੂੰ ਆਧੁਨਿਕ ਭਾਰਤ ਦੇ ਸਭ ਤੋਂ ਮਹਾਨ ਰਾਸ਼ਟਰਵਾਦੀ, ਕਾਨੂੰਨਸਾਜ਼, ਰਾਜਨੀਤਿਕ ਨੇਤਾ, ਦਾਰਸ਼ਨਿਕ ਚਿੰਤਕ, ਮਾਨਵ ਵਿਗਿਆਨੀ, ਇਤਿਹਾਸਕਾਰ, ਉੱਘੇ ਲੇਖਕ, ਵਿਸ਼ਵ ਪ੍ਰਸਿੱਧ ਅਰਥਸ਼ਾਸਤਰੀ, ਵਿਦਵਾਨ, ਇਨਕਲਾਬੀ ਸੋਚ ਦੇ ਮਾਲਕ ਅਤੇ ਬੁੱਧ ਧਰਮ ਨੂੰ ਪੁਨਰ ਸੁਰਜੀਤ ਕਰਨ ਵਾਲੇ ਉਪਾਸ਼ਕ ਦੇ ਰੂਪ ਵਿਚ ਯਾਦ ਕੀਤਾ ਜਾਂਦਾ ਹੈ। ਉਨਾਂ ਦਾ ਜਨਮ 14 ਅਪ੍ਰੈਲ 1891 ਨੂੰ ਮੱਧ ਪ੍ਰਦੇਸ਼ ਦੇ ਕਸਬੇ ਮਹੂ ਵਿਚ ਹੋਇਆ। ਬਾਬਾ ਸਾਹਿਬ ਨੇ ਆਪਣੀ ਪੂਰੀ ਜ਼ਿੰਦਗੀ ਹਾਸ਼ੀਏ ਉਪਰ ਰੱਖੇ ਹੋਏ ਲੋਕਾਂ, ਖਾਸ ਕਰਕੇ ਦਲਿਤਾਂ, ਇਸਤਰੀਆਂ ਅਤੇ ਮਜ਼ਦੂਰਾਂ ਦੀ ਭਲਾਈ ਲਈ ਸਮਰਪਿਤ ਕਰ ਦਿਤੀ। ਉਨਾਂ ਦਾ ਜਨਮ ਮਹਾਰ ਜਾਤੀ ਵਿਚ ਹੋਇਆ, ਜਿਸ ਨੂੰ ਜਾਤ ਪਾਤ ਨਾਲ ਜੁੜੇ ਸਮਾਜ ਵਿਚ ਇਕ ਅਛੂਤ ਮੰਨਿਆ ਜਾਂਦਾ ਸੀ। ਉਸ ਵੇਲੇ ਇਕ "ਅਛੂਤ" ਹੋਣ ਦੇ ਕਾਰਨ ਉਨਾਂ ਨੂੰ ਦੂਸਰੇ ਬੱਚਿਆਂ ਨਾਲ ਬੈਠਣ ਦੀ ਇਜਾਜ਼ਤ ਨਹੀਂ ਸੀ। ਗਰਮੀ ਦੇ ਦਿਨਾਂ ਵਿਚ ਵੀ ਉਨਾਂ ਨੂੰ ਸਕੂਲ ਵਿਚ ਪਿਆਸੇ ਹੀ ਰਹਿਣਾ ਪੈਂਦਾ ਸੀ ਕਿਉਂਕਿ ਜਨਤਕ ਜਲ ਸਰੋਤਾਂ ਤੋਂ ਉਸ ਭਾਈਚਾਰੇ ਦੇ ਲੋਕਾਂ ਨੂੰ ਪਾਣੀ ਪੀਣ ਦੀ ਮਨਾਹੀ ਸੀ।
Read More
ਡਾ: ਬੀ. ਆਰ. ਅੰਬੇਦਕਰ: ਯੋਗਦਾਨ ਅਤੇ ਵਿਰਾਸਤ
ਪਿਛਲੇ ਕੁਝ ਦਿਨਾਂ ਤੋਂ ਪੰਜਾਬ ਵਿਚ ਬਾਬਾ ਸਾਹਿਬ ਡਾਕਟਰ ਭੀਮ ਰਾਉ ਅੰਬੇਦਕਰ ਜੀ ਦੇ ਸਥਾਪਿਤ ਬੁੱਤਾਂ ਦੀ ਬੇਅਦਬੀ ਅਤੇ ਉਨਾਂ ਦੇ ਆਸ ਪਾਸ ਭੜਕਾਊ ਨਾਹਰੇ ਲਿਖਣ ਦੀਆਂ ਖ਼ਬਰਾਂ ਆ ਰਹੀਆਂ ਹਨ। ਇਹ ਸ਼ਰਾਰਤੀ ਅਤੇ ਸਿਰਫਿਰੇ ਲੋਕਾਂ ਦੀਆਂ ਪੰਜਾਬ ਦੀ ਸ਼ਾਂਤੀ ਭੰਗ ਕਰਨ ਅਤੇ ਫਿਰਕੂ ਸੱਦਭਾਵਨਾ ਨੂੰ ਨੁਕਸਾਨ ਪਹੁਚਾਉਣ ਦੀਆਂ ਗਿਰੀਆਂ ਹੋਈਆਂ ਹਰਕਤਾਂ ਹਨ। ਵਿਦੇਸ਼ਾਂ ਵਿਚ ਬੈਠੇ ਕੁਝ ਦੇਸ਼ ਵਿਰੋਧੀ ਅਨਸਰ ਆਪਣੇ ਘਟੀਆਂ ਮਨਸੂਬਿਆਂ ਲਈ ਇਹੋ ਜਹੇ ਲੋਕਾਂ ਨੂੰ ਸ਼ਹਿ ਦੇ ਰਹੇ ਹਨ। ਜੋ ਲੋਕ ਇਹੋ ਜਿਹੀਆਂ ਹਰਕਤਾਂ ਕਰ ਰਹੇ ਹਨ ਜਾਂ ਕਰਨ ਦੀ ਸੋਚ ਰਹੇ ਹਨ, ਉਨਾਂ ਨੂੰ ਇਸ ਦੇ ਅੰਜਾਮ ਬਾਰੇ ਵੀ ਵਿਚਾਰ ਕਰ ਲੈਣਾ ਚਾਹੀਦਾ ਹੈ।
Read More
ਡਰੱਗ ਜਨ ਗਨਣਾ: ਅਜੋਕਾ ਪੰਜਾਬ ਦੀ ਨਵੀਂ ਤਸਵੀਰ
ਪਿਛਲੇ ਹਫ਼ਤੇ ਪੰਜਾਬ ਵਿਚ ਸ੍ਰੀ ਭਗਵੰਤ ਮਾਨ ਜੀ ਦੀ ਅਗਵਾਈ ਵਾਲੀ ਸਰਕਾਰ ਨੇ ਆਪਣੇ ਕਾਰਜ ਕਾਲ ਦਾ ਚੌਥਾ ਬਜਟ ਪੇਸ਼ ਕੀਤਾ, ਜਿਸ ਵਿਚ ਲਗਭਗ 2.4 ਲੱਖ ਕਰੋੜ ਦਾ ਖਰਚਾ ਹੈ ਤੇ ਕੋਈ ਨਵਾਂ ਟੈਕਸ ਨਹੀਂ ਲਗਾਇਆ ਗਿਆ। ਵਿੱਤ ਮੰਤਰੀ ਸ੍ਰੀ ਹਰਪਾਲ ਚੀਮਾ ਨੇ ਕਿਹਾ ਸਰਹੱਦੋਂ ਪਾਰ ਤੋਂ ਨਸ਼ਿਆਂ ਅਤੇ ਹਥਿਆਰਾਂ ਦੀ ਤਸਕਰੀ ਰੋਕਣ ਦੇ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਣਗੇ। ਉਨਾ ਇਹ ਮੰਨਿਆ ਕਿ "ਪੰਜਾਬ ਦੀ ਤਰੱਕੀ ਅਤੇ ਖੁਸ਼ਹਾਲੀ ਦੇ ਰਾਹ ਵਿਚ ਵੱਡੀ ਰੁਕਾਵਟ ਨਸ਼ਿਆਂ ਦਾ ਪ੍ਰਚਲਨ ਹੈ।
Read More
ਭਾਰਤ ਵਿੱਚ ਘਰੇਲੂ ਹਿੰਸਾ ਦੀ ਵਧਦੀ ਸਮੱਸਿਆ
ਵਿਆਹ ਨੂੰ ਹਮੇਸ਼ਾ ਇੱਕ ਪਵਿੱਤਰ ਸੰਬੰਧ ਵਜੋਂ ਮਾਨਤਾ ਦਿਤੀ ਜਾਂਦੀ ਹੈ, ਜੋ ਸਿਰਫ਼ ਦੋ ਵਿਅਕਤੀਆਂ ਨੂੰ ਹੀ ਨਹੀਂ ਸਗੋਂ ਦੋ ਪਰਿਵਾਰਾਂ ਨੂੰ ਇਕੱਠਾ ਕਰਦਾ ਹੈ। ਇਹ ਖੁਸ਼ੀ ਦਾ ਮੌਕਾ ਹੁੰਦਾ ਹੈ, ਜਿਸ ਵਿੱਚ ਰਸਮਾਂ, ਰਿਵਾਜਾਂ ਅਤੇ ਇੱਕ ਸੁਹਣੇ ਭਵਿੱਖ ਦੀ ਕਾਮਨਾ ਹੁੰਦੀ ਹੈ। ਵੱਖ-ਵੱਖ ਸਭਿਆਚਾਰਾਂ ਵਿੱਚ, ਵਿਆਹ ਪਿਆਰ, ਵਚਨਬੱਧਤਾ ਅਤੇ ਏਕਤਾ ਦਾ ਪ੍ਰਤੀਕ ਹੁੰਦਾ ਹੈ, ਜੋ ਪੀੜੀਆਂ ਤੋਂ ਪੀੜੀਆਂ ਤੱਕ ਦੇ ਸੰਬੰਧ ਬਣਾਉਂਦਾ ਹੈ। ਪਰਿਵਾਰ ਇਸ ਮੌਕੇ ਨੂੰ ਮਨਾਉਣ ਲਈ ਇਕੱਠੇ ਹੁੰਦੇ ਹਨ, ਹਾਸੇ, ਯਾਦਾਂ ਅਤੇ ਜੋੜੇ ਦੇ ਸੁਖਮਈ ਜੀਵਨ ਦੀ ਉਮੀਦ ਕਰਦੇ ਹਨ। ਪਰ ਇਸ ਪਿਆਰ ਦੇ ਜਸ਼ਨ ਵਿਚਕਾਰ ਕੁਝ ਘਟਨਾਵਾਂ ਸਾਨੂੰ ਵਿਆਹ ਦੇ ਬੰਧਨ ਨਾਲ ਜੁੜੀਆਂ ਚੁਣੌਤੀਆਂ ਅਤੇ ਸਮੱਸਿਆਵਾਂ ਬਾਰੇ ਵਿਚਾਰ ਕਰਨ ਲਈ ਮਜਬੂਰ ਕਰਦੀਆਂ ਹਨ।
Read More
