ਨਵਾਂਸ਼ਹਿਰ- ਬਲੱਡ ਸੈਂਟਰ ਨਵਾਂਸ਼ਹਿਰ ਵਿਖੇ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦੇ 134ਵੇਂ ਜਨਮ ਦਿਹਾੜੇ ਨੂੰ ਸਮਰਪਿਤ ਪੰਜਾਬ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਨਵਾਂਸ਼ਹਿਰ ਵਲੋਂ 25ਵਾਂ ਸਵੈ ਇਛੁੱਕ ਖੂਨਦਾਨ ਕੈਂਪ ਡਾਕਟਰ ਅਜੇ ਬੱਗਾ ਦੀ ਦੇਖ ਰੇਖ ਹੇਠ ਲਗਾਇਆ ਗਿਆ ਜਿਸਦਾ ਉਦਘਾਟਨ ਗੁਰਮੇਲ ਸਿੰਘ ਐਸ. ਡੀ. ਓ, ਅਤੇ ਸ਼ਾਦੀ, ਰਾਮ ਸਲੋਕ ਰਿਟਾਇਰ ਸੁਪਰਡੈਂਟ ਨੇ ਸਾਂਝੇ ਤੌਰ ਤੇ ਫੀਤਾ ਕੱਟਕੇ ਕੀਤਾ।
ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਡਾਕਟਰ ਅੰਬੇਡਕਰ ਨੂੰ ਖੂਨਦਾਨ ਕਰਕੇ ਯਾਦ ਕਰਨਾ ਇੱਕ ਨੇਕ ਕਾਰਜ਼ ਹੈ। ਖੂਨਦਾਨ ਕਰਨ ਨਾਲ ਕਿਸੇ ਦੀ ਬੁਝ ਰਹੀ ਜੀਵਨ ਜੋਤ ਨੂੰ ਬਚਾਇਆ ਜਾ ਸਕਦਾ ਹੈ।ਇਸ ਮੌਕੇ ਮੋਟੀਵੇਟਰ ਮੋਹਣ ਸਿੰਘ ਬੂਟਾ ਉਟਾਲਾਂ ਅਤੇ ਸੁਰਿੰਦਰ ਪਾਲ ਮਹੇ ਨੇ ਆਏ ਪਤਵੰਤਿਆਂ ਦਾ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਯਾਦ ਚਿੰਨ੍ਹ ਦੇਕੇ ਸਨਮਾਨਿਤ ਕੀਤਾ।
ਇਸ ਮੌਕੇ ਬਖਸ਼ੀਸ਼ ਸਿੰਘ ਬਛੌੜੀ,ਕੇਹਰ ਸਿੰਘ ਸੁਪਰਡੈਂਟ, ਸੋਮਨਾਥ ਜੇ ਈ,ਗੁਰਦੀਪ ਬਾਲੀ ਐਸ ਏ ਗੜ੍ਹਸ਼ੰਕਰ, ਖੁਸ਼ਹਾਲ ਸਿੰਘ ਮੱਲ,ਹੁਸਨ ਲਾਲ ਭਾਟੀਆ, ਰਣਜੀਤ ਸਿੰਘ,ਕਮਲਵੀਰ ਜੱਸਲ, ਸੋਮਨਾਥ ਅੰਡਰ ਸੈਕਟਰੀ, ਕੁਲਵੰਤ ਰਾਏ, ਡਾਕਟਰ ਪਰਮਜੀਤ ਸਲੋਹ, ਰਾਕੇਸ਼ ਕੁਮਾਰ, ਪਰਮਜੀਤ ਸਿੰਘ ਮੀਰਪੁਰ, ਸੁਰਜੀਤ ਸਿੰਘ, ਰਾਮ ਆਸਰਾ ਰਿਟਾਇਰ ਜੇ ਈ,ਚੇਤ ਰਾਮ ਰਤਨ, ਦੇਸ ਰਾਜ ਬਾਲੀ ਨੰਬਰਦਾਰ,ਗੁਰਮਨਜੋਤ ਸਿੰਘ,ਰਹਿਤ ਕੁਮਾਰ ਅਤੇ ਸੁਨੀਤਾ ਸਲੋਹ ਆਦਿ ਹਾਜ਼ਰ ਸਨ। 
ਖ਼ਬਰ ਲਿਖੇ ਜਾਣ ਤੱਕ 50 ਯੂਨਿਟ ਖ਼ੂਨਦਾਨ ਹੋ ਚੁੱਕਾ ਸੀ।