ਐਸ.ਏ.ਐਸ. ਨਗਰ, 28 ਜੂਨ- ਆਰੀਅਨਸ ਗਰੁੱਪ ਆਫ ਕਾਲਜਿਸ, ਰਾਜਪੁਰਾ, ਨੇ ਅਕਾਦਮਿਕ ਅਤੇ ਉਦਯੋਗ ਨੂੰ ਜੋੜਨ ਲਈ ਏ.ਆਈ. ਕੰਪਨੀਆਂ ਨਾਲ ਇੱਕ ਸਮਝੌਤਾ ਪੱਤਰ (ਐਮ.ਓ.ਯੂ.) ’ਤੇ ਹਸਤਾਖਰ ਕੀਤੇ ਹਨ। ਆਰੀਅਨਸ ਗਰੁੱਪ ਦੇ ਚੇਅਰਮੈਨ ਡਾ. ਅੰਸ਼ੂ ਕਟਾਰੀਆ ਨੇ ਦੱਸਿਆ ਕਿ ਆਈ.ਬੀ.ਐਮ. ਸਕਿਲਸ ਬਿਲਡ, ਐਡੂਨੇਟ, ਫਾਊਂਡੇਸ਼ਨ, ਵੀ.ਓ.ਆਈ.ਐਸ. ਕਨੈਕਟਿੰਗਡ੍ਰੀਮ ਫਾਊਂਡੇਸ਼ਨ, ਇੰਟਰਨਸ਼ਾਲਾ, ਡੀਯੂਸੀਏਟੀ ਸਕੂਲ ਆਫ ਏ.ਆਈ., ਸਾਈਬਰ ਇੰਟੈਲ, ਐਜੂਫਾਈਟੈਕਸਲੂਸ਼ਨਸ, ਇਲੈਕਟ੍ਰੋਕਲਾਊਡਲੈਬਸ, ਏ.2.ਆਈ.ਟੀ. ਟੈਕਨਾਲੋਜੀਸ, ਸਕਿਲੋਵਿਲਾ, ਵੀਸ਼ਨਲੈਬਸ, ਆਈ.ਸੀ.ਐਸ. ਗਰੁੱਪ, ਸੁਵਿਧਾ ਫਾਊਂਡੇਸ਼ਨ, ਸਰਟਵਾਈਸ ਇੰਡਸਟਰੀਅਲ ਟ੍ਰੇਨਿੰਗ, ਐਕਸਪੋਸਿਸ ਡੇਟਾ ਲੈਬਸ, ਸਾਈਬਰ ਮੋਸ਼ਨ ਆਦਿ ਸਮੇਤ ਚੋਟੀ ਦੀਆਂ ਆਈ.ਟੀ. ਕੰਪਨੀਆਂ ਨਾਲ ਇਹ ਸਮਝੌਤੇ ਕੀਤੇ ਗਏ ਹਨ।
ਉਨ੍ਹਾਂ ਕਿਹਾ ਕਿ ਇਹ ਰਣਨੀਤਕ ਭਾਈਵਾਲੀ ਉਦਯੋਗ-ਸੰਬੰਧਿਤ ਕੋਰਸਾਂ ਨੂੰ ਸਹਿ-ਡਿਜ਼ਾਈਨ ਕਰਨ, ਵਰਕਸ਼ਾਪਾਂ, ਹੈਕਾਥਨ ਅਤੇ ਫੈਕਲਟੀ ਵਿਕਾਸ ਪਹਿਲਕਦਮੀਆਂ ਵਰਗੇ ਹੁਨਰ-ਨਿਰਮਾਣ ਪ੍ਰੋਗਰਾਮਾਂ ਦਾ ਆਯੋਜਨ ਕਰਨ ਅਤੇ ਏ.ਆਈ. ਅਤੇ ਸੰਚਾਰ ਤਕਨਾਲੋਜੀਆਂ ਵਿੱਚ ਅਤਿ-ਆਧੁਨਿਕ ਪ੍ਰਯੋਗਸ਼ਾਲਾਵਾਂ ਤੱਕ ਪਹੁੰਚ ਦੀ ਸਹੂਲਤ ਦੇਣ ’ਤੇ ਕੇਂਦਰਿਤ ਹੋਵੇਗੀ। 
ਇਸ ਸਮਝੌਤੇ ਵਿੱਚ ਸੈਂਟਰ ਆਫ ਐਕਸੀਲੈਂਸ ਸਥਾਪਤ ਕਰਨ ਅਤੇ ਸਟਾਰਟਅੱਪਸ ਅਤੇ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਸਲਾਹਕਾਰ ਨੈਟਵਰਕਾਂ ਨੂੰ ਸਮਰਥ ਬਣਾਉਣ ਦੀ ਕਲਪਨਾ ਵੀ ਕੀਤੀ ਗਈ ਹੈ।