ਪਟਿਆਲਾ, 26 ਅਕਤੂਬਰ - ਡੀ.ਏ.ਵੀ. ਪਬਲਿਕ ਸਕੂਲ ਪਟਿਆਲਾ ਨੇ ਵਿਦਿਆਰਥੀਆਂ ਵਿੱਚ ਵਿਗਿਆਨਕ ਰਵਈਏ, ਵਿਗਿਆਨਕ ਸੋਚ ਅਤੇ ਵਿਦਿਅਕ ਤਜਰਬੇ ਦੇ ਨਾਲ-ਨਾਲ ਉਨ੍ਹਾਂ ਦੇ ਬੌਧਿਕ ਹੁਨਰ ਦੀ ਪੜਚੋਲ ਕਰਨ ਦਾ ਮੌਕਾ ਪ੍ਰਦਾਨ ਕਰਨ ਲਈ ਵਿਗਿਆਨ ਮੇਲੇ ਦਾ ਆਯੋਜਨ ਕੀਤਾ। ਡਾ: ਗੁਰਬਿੰਦਰ ਸਿੰਘ, ਡਾਇਰੈਕਟਰ, ਥਾਪਰ ਯੂਨੀਵਰਸਿਟੀ ਡੇਰਾਬੱਸੀ ਕੈਂਪਸ ਮੁੱਖ ਮਹਿਮਾਨ ਸਨ, ਸ੍ਰੀਮਤੀ ਅਨੂ ਤਿਵਾਰੀ ਅਤੇ ਡਾ. ਨੀਰਜ ਗੋਇਲ ਨੇ ਇਸ ਮੌਕੇ ਪ੍ਰੋ. ਐਨ.ਆਰ.ਧਾਮੀਵਾਲ( ਸਕੱਤਰ ਪੰਜਾਬ ਅਕੈਡਮੀ ਆਫ਼ ਸਾਇੰਸਿਜ਼), ਰੋਹਿਤ, ਸ੍ਰੀ ਰਿਸ਼ੀ ( ਟੀਮ ਵੇਦਾਂਤੁ) ਤੇ ਵਿਜੇ ਗੋਇਲ,ਪ੍ਰਧਾਨ ਪਟਿਆਲਾ ਸੋਸ਼ਲ ਵੈਲਫੇਅਰ ਸੁਸਾਇਟੀ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। 196 ਉਭਰਦੇ ਵਿਗਿਆਨੀ, ਜਿਨ੍ਹਾਂ ਵਿੱਚ ਪਟਿਆਲਾ ਦੇ 27 ਸਕੂਲਾਂ ਦੀਆਂ 72 ਟੀਮਾਂ ਸ਼ਾਮਲ ਸਨ, ਨੇ ਵੱਖ ਵੱਖ ਵਿਸ਼ਿਆਂ 'ਤੇ ਅਧਾਰਿਤ ਪ੍ਰਦਰਸ਼ਨੀਆਂ ਪੇਸ਼ ਕੀਤੀਆਂ।ਹਰਨੀਤ ਸਿੰਘ (ਵੇਦਾਂਤੂ) ਡਾ: ਨੀਨੂ ਗਰਗ ਪੋਸਟ ਡਾਕਟੋਰਲ ਰਿਸਰਚ ਐਸੋਸੀਏਟ ਯੂਨੀਵਰਸਿਟੀ ਆਫ਼ ਐਡਿਨਬਰਗ ਸਕਾਟਲੈਂਡ, ਡਾ: ਗਗਨਪ੍ਰੀਤ ਕੌਰ, ਅਸਿਸਟੈਂਟ ਪ੍ਰੋ.(ਈ.ਸੀ.ਈ.ਡੀ.), ਥਾਪਰ ਯੂਨੀਵਰਸਿਟੀ, ਪਟਿਆਲਾ, ਡਾ. ਅਨਾਮਿਕਾ ਸ਼ਰਮਾ (ਸੀ.ਐਸ.ਈ.ਡੀ. ) ਥਾਪਰ ਯੂਨੀਵਰਸਿਟੀ, ਪਟਿਆਲਾ, ਡਾ: ਸੁਸ਼ੀਲਾ ਰਾਈ, ਸਹਾਇਕ ਪ੍ਰੋਫੈਸਰ ਕੈਮਿਸਟਰੀ ਵਿਭਾਗ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ, ਪ੍ਰੋ: ਪਵਨ ਕੁਮਾਰ ਵਿਭਾਗ ਫਾਰਮਾਸਿਊਟੀਕਲ ਸਾਇੰਸਜ਼ ਐਂਡ ਡਰੰਗ ਰਿਸਰਚ ਪੰਜਾਬੀ ਯੂਨੀਵਰਸਿਟੀ ਅਤੇ ਸ੍ਰੀ ਗੌਰਵ ਕੁਮਾਰ, ਫਾਊਂਡਰ ਅਤੇ ਸੀ.ਓ.ਓ. ਇੰਨੀ ਵਾਇਰਸ ਟੈਕਨਾਲੋਜੀ ਨੇ ਜੱਜਾਂ ਦੀ ਭੂਮਿਕਾ ਨਿਭਾਈ।

     ਮੁਕਾਬਲੇ ਦੇ ਨਤੀਜੇ
ਸਾਇੰਸ ਇੰਸਪਾਇਰਡ ਫੈਸ਼ਨ ਗਾਲਾ ਵਿੱਚ ਸ੍ਰੀ ਗੁਰੂ ਹਰਕ੍ਰਿਸ਼ਨ ਸਕੂਲ, ਪਟਿਆਲਾ ਨੇ ਪਹਿਲਾ ਇਨਾਮ, ਡੀਏਵੀ ਪਬਲਿਕ ਸਕੂਲ ਪਟਿਆਲਾ ਨੇ ਦੂਜਾ ਅਤੇ ਬੁੱਢਾ ਦਲ ਪਬਲਿਕ ਸਕੂਲ ਪਟਿਆਲਾ ਨੇ ਤੀਜਾ ਇਨਾਮ ਪ੍ਰਾਪਤ ਕੀਤਾ, ਤਸੱਲੀ ਇਨਾਮ ਡੀਏਵੀ ਪਬਲਿਕ ਸਕੂਲ ਨੇ ਜਿੱਤਿਆ ਅਤੇ ਟੈਗ ਨੰ: 33 ਨੂੰ ਵਿਸ਼ੇਸ਼ ਇਨਾਮ ਦਿੱਤਾ ਗਿਆ। ਜਾਦੂਈ ਪਿਟਾਰੇ ਦੇ ਸ਼ਾਨਦਾਰ ਪ੍ਰਦਰਸ਼ਨ ਵਿੱਚ ਪੈਰਾਡਾਈਜ਼ ਇੰਟਰਨੈਸ਼ਨਲ ਸਕੂਲ ਪਟਿਆਲਾ, ਬੁੱਢਾ ਦਲ ਪਬਲਿਕ ਸਕੂਲ ਪਟਿਆਲਾ ਅਤੇ ਡੀਏਵੀ ਪਟਿਆਲਾ ਨੇ ਕ੍ਰਮਵਾਰ ਪਹਿਲਾ,
ਦੂਜਾ ਅਤੇ ਤੀਜਾ ਇਨਾਮ ਪ੍ਰਾਪਤ ਕੀਤਾ। ਇਸ ਵਿੱਚ ਆਵਰ ਲੇਡੀ ਫਾਤਿਮਾ ਅਤੇ ਸਕਾਲਰਜ਼ ਪਬਲਿਕ ਸਕੂਲ, ਰਾਜਪੁਰਾ ਨੂੰ ਤਸੱਲੀ ਦੇ ਇਨਾਮਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਸਾਇੰਟਿਫਿਕ ਹੋਮ ਡੇਕੋਰ  ਵਿੱਚ ਡੀਏਵੀ ਪਬਲਿਕ ਸਕੂਲ ਪਟਿਆਲਾ ਨੇ ਪਹਿਲਾ, ਪੈਰਾਡਾਈਜ਼ ਇੰਟਰਨੈਸ਼ਨਲ ਸਕੂਲ ਨੇ ਦੂਜਾ ਸਥਾਨ ਅਤੇ ਕਰੀਅਰ ਅਕੈਡਮੀ ਨੂੰ ਤੀਜਾ ਇਨਾਮ ਦਿੱਤਾ ਗਿਆ। ਐਡਵਾਂਸਡ ਰੋਬੋਟਿਕਸ ਅਤੇ ਏ ਆਈ ਦੇ ਈਵੈਂਟ ਵਿੱਚ, ਕੈਰੀਅਰ ਅਕੈਡਮੀ ਨੇ ਪਹਿਲਾ ਇਨਾਮ, ਸੇਂਟ ਪੀਟਰਜ਼ ਅਕੈਡਮੀ ਪਟਿਆਲਾ ਨੇ ਦੂਜਾ ਤੇ ਆਰਮੀ ਪਬਲਿਕ ਸਕੂਲ, ਪਟਿਆਲਾ ਨੂੰ ਤੀਜਾ ਇਨਾਮ ਅਤੇ ਦਿਲਾਸਾ
ਇਨਾਮ ਡੀਏਵੀ ਪਬਲਿਕ ਸਕੂਲ, ਪਟਿਆਲਾ ਨੇ ਜਿੱਤਿਆ। ਡੀ ਏ ਵੀ ਸਕੂਲ ਦੇ ਪ੍ਰਿੰਸੀਪਲ ਵਿਵੇਕ ਤਿਵਾਰੀ ਨੇ ਹਾਜ਼ਰੀਨ ਨੂੰ ਸੰਬੋਧਨ ਕਰਦਿਆਂ ਕਿਹਾ, "ਇਹ ਸਾਲਾਨਾ ਵਿਸ਼ਾਲ ਸਮਾਗਮ ਰਾਸ਼ਟਰ ਲਈ ਸਾਡੀ ਛੋਟੀ ਜਿਹੀ ਪੋਸ਼ਕਸ਼ ਹੈ ਕਿਉਂਕਿ ਸਾਡਾ ਮੰਨਣਾ ਹੈ ਕਿ ਵਿਗਿਆਨ ਅਤੇ ਤਕਨਾਲੋਜੀ ਦੀਆਂ ਤਰੱਕੀਆਂ ਦੇਸ਼ ਦੇ ਵਿਕਾਸ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ ਅਤੇ ਆਧੁਨਿਕ ਰੂਪ ਵਿੱਚ ਸਾਡੀ ਮਾਤ ਭੂਮੀ ਨੂੰ ਆਜ਼ਾਦ ਕਰ ਸਕਦੀਆਂ ਹਨ।"