ਨਵਾਂਸ਼ਹਿਰ - ਦੋਆਬਾ  ਖੇਤਰ ਵਿੱਚ ਸਾਹਿਤਕ ਸਰਗਰਮੀਆਂ ਲਈ ਸਰਗਰਮ ਦੋਆਬਾ ਸਾਹਿਤ ਸਭਾ ਰਜਿਸਟਰਡ ਗੜ੍ਹਸ਼ੰਕਰ ਵੱਲੋਂ ਆਪਣਾ ਸਲਾਨਾ ਸਾਹਿਤਕ ਸਨਮਾਨ ਸਮਾਰੋਹ ਅਤੇ ਕਵੀ ਦਰਬਾਰ ਸਭਾ ਦੇ ਪ੍ਰਧਾਨ ਪ੍ਰਿੰਸੀਪਲ ਡਾ ਬਿੱਕਰ ਸਿੰਘ ਦੀ ਅਗਵਾਈ ਵਿੱਚ ਸਥਾਨਕ ਬੱਬਰ ਅਕਾਲੀ ਮੈਮੋਰੀਅਲ ਖਾਲਸਾ ਕਾਲਜ ਗੜ੍ਹਸ਼ੰਕਰ ਵਿਖੇ ਕਰਵਾਇਆ। ਇਸ ਸਮਾਗਮ ਵਿੱਚ ਸਰਗਰਮ ਸਾਹਿਤਕ ਸਭਾਵਾਂ ਪੰਜਾਬ ਸਾਹਿਤ ਸਭਾ ਨਵਾਂਸ਼ਹਿਰ, ਦਰਪਣ ਸਾਹਿਤ  ਸਭਾ ਸੈਲਾ ਖੁਰਦ ਅਤੇ ਪੰਜਾਬੀ ਸਾਹਿਤ ਸਭਾ ਮਾਹਿਲਪੁਰ ਦੇ ਮੈਂਬਰਾਂ, ਇਲਾਕੇ ਭਰ ਦੇ ਕਵੀਆਂ ਅਤੇ ਸਾਹਿਤ ਪ੍ਰੇਮੀਆਂ ਨੇ ਸ਼ਮੂਲੀਅਤ ਕੀਤੀ।
ਸਮਾਗਮ ਦੀ ਸ਼ੁਰੂਆਤ ਸਭਾ ਦੇ ਪ੍ਰਧਾਨ ਪ੍ਰਿੰਸੀਪਲ ਬਿੱਕਰ ਸਿੰਘ ਵੱਲੋਂ ਸ਼ਮ੍ਹਾ ਰੌਸ਼ਨ ਕਰਕੇ ਕੀਤੀ ਗਈ ਅਤੇ ਆਉਣ ਵਾਲੇ ਮਹਿਮਾਨਾਂ ਅਤੇ ਕਵੀਆਂ ਨੂੰ ਜੀ ਆਇਆ ਕਿਹਾ ਗਿਆ। ਪ੍ਰਧਾਨਗੀ ਮੰਡਲ ਵਿੱਚ ਪ੍ਰੋਫੈਸਰ ਸੰਧੂ ਵਰਿਆਣਵੀ ਜਨਰਲ ਸਕੱਤਰ ਕੇਂਦਰੀ ਪੰਜਾਬੀ ਲੇਖਕ ਸਭਾ ਸੇਖੋਂ ਪ੍ਰਿੰਸੀਪਲ ਬਿੱਕਰ ਸਿੰਘ  ਪ੍ਰਧਾਨ ਦੋਆਬਾ  ਸਾਹਿਤ ਸਭਾ ਰਜਿਸਟਰਡ ਗੜਸ਼ੰਕਰ, ਰੇਸ਼ਮ ਚਿੱਤਰਕਾਰ ਪ੍ਰਧਾਨ ਦਰਪਣ ਸਾਹਿਤ  ਸਭਾ ਸੈਲਾ ਖੁਰਦ, ਪ੍ਰਿੰਸੀਪਲ ਗੁਰਜੰਟ ਸਿੰਘ ਸਕੱਤਰ ਕੇਂਦਰੀ ਪੰਜਾਬੀ ਲੇਖਕ ਸਭਾ ਸੇਖੋਂ ਸ਼ਾਮਿਲ ਹੋਏ। ਸਮਾਗਮ ਦੌਰਾਨ ਸਰਦਾਰ ਸੰਤੋਖ ਸਿੰਘ ਵੀਰ ਜੀ ਵੱਲੋਂ ਰਚਿਤ ਗੁਰਸਿੱਖੀ ਦੀ ਏਹ ਨੀਸਾਣੀ ਭਾਗ 25 ਅਤੇ ਭਾਗ 26 ਨੂੰ ਲੋਕ ਅਰਪਣ ਕੀਤਾ ਗਿਆ। ਅਮਰੀਕ  ਹਮਰਾਜ਼ ਜੀ ਵੱਲੋਂ ਰਚਿਤ ਨਿਬੰਧ ਸੰਗ੍ਰਹਿ ਗੁੰਗਾ ਸਾਜ਼ ਦੀ ਘੁੰਡ ਚੁਕਾਈ ਵੀ ਇਸ ਸਮਾਗਮ ਦੌਰਾਨ ਕੀਤੀ ਗਈ। ਸਭਾ ਵੱਲੋਂ ਪੰਜਾਬੀ ਸਾਹਿਤ ਵਿੱਚ ਪਾਏ ਵਡਮੁੱਲੇ ਯੋਗਦਾਨ ਲਈ ਹਰ ਸਾਲ ਦਿੱਤੇ ਜਾਣ ਵਾਲੇ ਪੁਰਸਕਾਰ  ਮੇਜਰ ਸਿੰਘ ਮੌਜੀ ਯਾਦਗਾਰੀ ਪੁਰਸਕਾਰ ਗੁਰਦੀਪ ਸਿੰਘ ਮੁਕੱਦਮ  ਨੂੰ, ਸੁਜਾਨ ਸਿੰਘ ਯਾਦਗਾਰੀ ਪੁਰਸਕਾਰ ਉੱਘੇ ਗਲਪਕਾਰ ਡਾਕਟਰ ਮੀਤ ਖੱਟੜਾ ਨੂੰ, ਉਸਤਾਦ ਉਲਫਤ ਬਾਜਵਾ ਯਾਦਗਾਰੀ ਪੁਰਸਕਾਰ ਜਗਦੀਸ਼ ਰਾਣਾ  ਨੂੰ ਅਤੇ ਸਥਾਨਕ ਸਾਹਿਤ ਸਭਾ ਦੇ ਮੈਂਬਰਾਂ ਵਿੱਚੋਂ ਉਤਸ਼ਾਹਿਤ ਵਿਸ਼ੇਸ਼ ਸਨਮਾਨ ਸਭਾ ਦੇ ਸੀਨੀਅਰ ਮੈਂਬਰ ਅਤੇ ਸਰਪ੍ਰਸਤ  ਸੰਤੋਖ ਸਿੰਘ ਵੀਰ  ਨੂੰ ਦਿੱਤੇ ਗਏ। ਕਵੀ ਦਰਬਾਰ ਵਿੱਚ ਜੋਗਾ ਸਿੰਘ ਭਮੀਆਂ, ਓਮ ਪ੍ਰਕਾਸ਼ ਜਖਮੀ, ਰਣਵੀਰ ਬੱਬਰ, ਹੰਸਰਾਜ, ਵਿਜੇ ਭੱਟੀ, ਪਵਨ ਭੰਮੀਆਂ, ਸੰਤੋਖ ਸਿੰਘ ਵੀਰ ਜੀ, ਸੋਹਣ ਸਿੰਘ ਸੂਨੀ, ਦੇਸ ਰਾਜ ਬਾਲੀ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਜ਼ਿਲ੍ਹਾ ਪ੍ਰਧਾਨ ਕੇਂਦਰੀ ਪੰਜਾਬੀ ਲੇਖਕ ਸਭਾ ਸੇਖੋਂ, ਸਤਪਾਲ ਸਾਹਲੋਂ ਤਾਰਾ ਸਿੰਘ ਚੇੜਾ  ਕ੍ਰਿਸ਼ਨ ਗੜ੍ਹਸ਼ੰਕਰੀ, ਸਰਵਣ ਸਿੱਧੂ, ਤਰਨਜੀਤ ਗੋਗੋ, ਬਨਾਰਸੀ ਰੱਤੇਵਾਲ, ਅਮਰੀਕ ਹਮਰਾਜ, ਮਲਕੀਤ ਖੱਟੜਾ, ਜਗਦੀਸ਼ ਰਾਣਾ, ਗੁਰਦੀਪ ਸਿੰਘ ਮੁਕੱਦਮ, ਪਵਨ ਭੰਮੀਆਂ, ਜੋਗਿੰਦਰ ਕੁੱਲੇਵਾਲ ਦਰਸ਼ਨ ਮੱਟੂ, ਪ੍ਰਿੰਸੀਪਲ ਗੁਰਜੰਟ ਸਿੰਘ, ਤਰਸੇਮ ਸਾਕੀ, ਰਣਜੀਤ ਪੋਸੀ, ਸ਼ਾਮ ਸੁੰਦਰ, ਸਾਬੀ ਪੱਖੋਵਾਲ, ਅਵਤਾਰ ਸਿੰਘ ਪੱਖੋਵਾਲ ਜਸਵੀਰ ਬੇਗਮਪੁਰੀ, ਮੈਨੇਜਰ ਭਜਨ ਸਿੰਘ, ਚੀਫ ਮੈਨੇਜਰ ਹਰਦੇਵ ਰਾਏ, ਰਿਟਾਇਰਡ ਤਹਿਸੀਲਦਾਰ ਹਰੀ ਲਾਲ ਨਫਰੀ, ਸੰਧੂ ਵਰਿਆਣਵੀ ਬਲਜਿੰਦਰ ਮਾਨ ਸ਼ਾਮਲ ਹੋਏ। ਇਸ ਕਵੀ ਦਰਬਾਰ ਦੀ ਸਟੇਜ ਦਾ ਸੰਚਾਲਨ ਸੰਤੋਖ ਸਿੰਘ ਵੀਰ ਜੀ ਅਤੇ ਪਵਨ ਕੁਮਾਰ ਭੰਮੀਆਂ ਨੇ ਕੀਤਾ।