ਚੰਡੀਗੜ੍ਹ, 16 ਜੂਨ 2025: ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਦੇ ਆਖਰੀ ਸਾਲ ਦੇ ਮਕੈਨੀਕਲ ਇੰਜੀਨੀਅਰਿੰਗ ਵਿਦਿਆਰਥੀ ਸੁਰਵਗਯਾ ਬਾਲੀ, ਨਿਖਿਲ ਸੈਣੀ ਅਤੇ ਮਯੰਕ ਭਟਨਾਗਰ ਨੇ ਹਾਲ ਹੀ ਵਿੱਚ ਬਜਾਜ TORQ ਅਤੇ OHM ਚੈਲੰਜ ਦੇ ਗ੍ਰੈਂਡ ਫਿਨਾਲੇ ‘ਚ ਕਾਲਜ ਦੀ ਨੁਮਾਇੰਦਿਗੀਕੀਤੀ। ਇਨ੍ਹਾਂ ਵਿਦਿਆਰਥੀਆਂ ਨੇ ਕੈਂਪਸ ਵਿਜੇਤਾ ਬਣਨ ਤੋਂ ਇਲਾਵਾ, ਕੁਇਜ਼ ਰਾਊਂਡ ਅਤੇ ਡਿਜ਼ਾਈਨ ਥਿੰਕਿੰਗ ਚੈਲੰਜ ਦੋਹਾਂ ‘ਚ ਸ਼ਾਨਦਾਰ ਜਿੱਤ ਦਰਜ ਕਰਦੇ ਹੋਏ ਰਾਸ਼ਟਰੀ ਪੱਧਰ ‘ਤੇ ਪਹਿਲਾ ਸਥਾਨ ਹਾਸਲ ਕੀਤਾ।
ਉਨ੍ਹਾਂ ਦੀ ਇਸ ਵਧੀਆ ਪ੍ਰਦਰਸ਼ਨ ਲਈ ਉਨ੍ਹਾਂ ਨੂੰ ₹30,000 ਦੀ ਨਗਦ ਇਨਾਮ ਰਾਸ਼ੀ ਦਿੱਤੀ ਗਈ ਅਤੇ ਪੀਈਸੀ ਦੇ ਨਿਰਦੇਸ਼ਕ ਪ੍ਰੋ. (ਡਾ.) ਰਾਜੇਸ਼ ਭਾਟੀਆ ਵੱਲੋਂ ਵਿਸ਼ੇਸ਼ ਰੂਪ ਨਾਲ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਪ੍ਰਾਪਤੀ ‘ਚ ਕਰੀਅਰ ਡਿਵੈਲਪਮੈਂਟ ਐਂਡ ਗਾਈਡੈਂਸ ਸੈਂਟਰ (ਸੀਡੀਜੀਸੀ), ਪੀਈਸੀ ਵਲੋਂ ਮਹੱਤਵਪੂਰਨ ਭੂਮਿਕਾ ਨਿਭਾਈ ਗਈ।
ਇਸ TORQ ਅਤੇ OHM ਚੈਲੰਜ ਦੀ ਮੇਜ਼ਬਾਨੀ ਬਜਾਜ ਵੱਲੋਂ ਕੀਤੀ ਗਈ ਸੀ, ਜਿਸ ਵਿੱਚ ਦੇਸ਼ ਦੇ 29 ਪ੍ਰਮੁੱਖ ਇੰਜੀਨੀਅਰਿੰਗ ਸੰਸਥਾਵਾਂ – ਜਿਵੇਂ ਕਿ ਆਈਆਈਟੀ, ਐਨਆਈਟੀ, ਆਈਆਈਐਸ ਬੈਂਗਲੁਰੂ, ਪੇਕ ਚੰਡੀਗੜ੍ਹ ਅਤੇ ਕਈ ਪ੍ਰਸਿੱਧ ਪ੍ਰਾਈਵੇਟ ਯੂਨੀਵਰਸਿਟੀਆਂ – ਦੇ 1500 ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ। ਕਈ ਚਰਣਾਂ ਦੇ ਸਿਲੈਕਸ਼ਨ ਪ੍ਰੋਸੈਸ ਤੋਂ ਬਾਅਦ ਚੁਣੇ ਹੋਏ ਕੈਂਪਸ ਜੇਤੂਆਂ ਨੂੰ ਗ੍ਰੈਂਡ ਫਿਨਾਲੇ ਲਈ ਬੁਲਾਇਆ ਗਿਆ, ਜਿੱਥੇ ਉਨ੍ਹਾਂ ਨੂੰ ਇਲੈਕਟ੍ਰਿਕ ਵਾਹਨਾਂ ਦੀ ਨਵੀਨਤਾ ਅਤੇ ਮੋਬਿਲਿਟੀ ਹੱਲ ਨਾਲ ਸੰਬੰਧਿਤ ਅਸਲ ਜ਼ਿੰਦਗੀ ਦੇ ਇੰਜੀਨੀਅਰਿੰਗ ਸਮੱਸਿਆਵਾਂ ਦੇ ਹੱਲ ਪੇਸ਼ ਕਰਨੇ ਪਏ।
ਪੀਈਸੀ ਦੀ ਟੀਮ ਨੇ ਮੋਟਰਸਾਈਕਲ ਦੇ ਮੈਨ ਸਟੈਂਡ ਨੂੰ ਵਾਪਸ ਖਿੱਚਣ ਦੌਰਾਨ ਪੈਦਾ ਹੋਣ ਵਾਲੇ ਸ਼ੋਰ ਨੂੰ ਘਟਾਉਣ ਲਈ ਹੱਲ ਪੇਸ਼ ਕੀਤਾ। ਉਨ੍ਹਾਂ ਨੇ ਮੋਸ਼ਨ ਅਤੇ ਝਟਕਿਆਂ ਦੀ ਵਿਗਿਆਨਕ ਜਾਂਚ ਤੋਂ ਬਾਅਦ ਇੱਕ ਡੈਮਪਿੰਗ ਮਕੈਨਿਜ਼ਮ ਦਾ ਸੁਝਾਅ ਦਿੱਤਾ ਜੋ ਕੰਪਨ ਨੂੰ ਘਟਾਉਂਦਾ ਹੈ ਅਤੇ ਝਟਕਿਆਂ ਨੂੰ ਸੋਖਦਾ ਹੈ। ਉਨ੍ਹਾਂ ਦੇ ਡਿਜ਼ਾਈਨ ਨੂੰ ਤਕਨੀਕੀ ਲਾਗੂਯੋਗਤਾ ਅਤੇ ਅਭਿਆਸਕ ਪੱਧਰ ‘ਤੇ ਉਪਯੋਗਤਾ ਲਈ ਖੂਬ ਸਿਰਾਹਿਆ ਗਿਆ।
ਪ੍ਰੋ. (ਡਾ.) ਰਾਜੇਸ਼ ਭਾਟੀਆ, ਨਿਰਦੇਸ਼ਕ, ਪੀਈਸੀ ਨੇ ਟੀਮ ਨੂੰ ਉਨ੍ਹਾਂ ਦੀ ਸ਼ਾਨਦਾਰ ਪ੍ਰਦਰਸ਼ਨ ਲਈ ਮੁਬਾਰਕਬਾਦ ਦਿੱਤੀ, ਨਿੱਜੀ ਤੌਰ ‘ਤੇ ਉਨ੍ਹਾਂ ਨੂੰ ਸਨਮਾਨਤ ਕੀਤਾ ਅਤੇ ਇੰਜੀਨੀਅਰਿੰਗ, ਡਿਜ਼ਾਈਨ ਅਤੇ ਨਵਾਟਕਤਾ ਦੇ ਖੇਤਰ ਵਿੱਚ ਉਨ੍ਹਾਂ ਦੇ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿਤੀਆਂ।