ਗੜ੍ਹਸ਼ੰਕਰ- ਦੋਆਬਾ ਆਪਟੀਕਲ ਗੜ੍ਹਸ਼ੰਕਰ ਵੱਲੋਂ ਨਜ਼ਰ ਦੀਆਂ ਮੁਫਤ ਐਨਕਾਂ ਦਾ ਕੈਂਪ 16 ਦਸੰਬਰ ਦਿਨ ਸ਼ਨਿੱਚਰਵਾਰ ਨੂੰ ਬਰਿੰਦਾਵਨ ਕੁਟੀਆ ਬੀਣੇਵਾਲ ਵਿਖੇ ਲਗਾਇਆ ਜਾਵੇਗਾ। ਜਾਣਕਾਰੀ ਦਿੰਦਿਆਂ ਡਾ ਹਰਬੰਸ ਲਾਲ ਨੇ ਦੱਸਿਆ ਕਿ ਇਹ ਕੈਂਪ ਸਵੇਰੇ 11 ਵਜੇ ਤੋਂ ਬਾਅਦ ਦੁਪਹਿਰ 2 ਵਜੇ ਤੱਕ ਲਗਾਇਆ ਜਾਵੇਗਾ ਜਿਸ ਵਿੱਚ ਮਰੀਜ਼ਾਂ ਦੀ ਨਜ਼ਰ ਦੀ ਜਾਂਚ ਕਰਨ ਤੋਂ ਬਾਅਦ ਉਨ੍ਹਾਂ ਲਈ ਲੋੜੀਂਦੀਆਂ ਐਨਕਾਂ ਮੁਫਤ ਵਿੱਚ ਦਿੱਤੀਆਂ ਜਾਣਗੀਆਂ। ਉਨ੍ਹਾਂ ਦੱਸਿਆ ਕਿ 16 ਦਸੰਬਰ ਨੂੰ ਤਪ ਅਸਥਾਨ ਤੀਰਥਆਣਾ ਤੋਂ ਬਰਿੰਦਾਵਨ ਕੁਟੀਆ ਬੀਣੇਵਾਲ ਤੱਕ  ਆਯੋਜਿਤ ਕੀਤੀ ਜਾਣ ਵਾਲੀ  'ਅਵਧ ਨਰੇਸ਼ ਕਾ ਅਵਧ ਪ੍ਰਵੇਸ਼' ਯਾਤਰਾ ਮੌਕੇ ਇਹ ਕੈਂਪ ਲਗਾਇਆ ਜਾਵੇਗਾ।