ਨਵਾਂਸ਼ਹਿਰ- ਅੱਜ ਗੰਨਾ ਮਿੱਲ ਨਵਾਂ ਸ਼ਹਿਰ ਵਿਖੇ ਕਿਰਤੀ ਕਿਸਾਨ ਯੂਨੀਅਨ ਵਲੋਂ ਗੰਨਾ ਮਿੱਲ ਦੀਆਂ ਸਮੱਸਿਆਂਵਾਂ ਲੈ ਕੇ ਮਿੱਲ ਦੇ ਪ੍ਰਬੰਧਕਾਂ ਨੂੰ ਮਿਲਿਆ ਗਿਆ। ਕਿਉਂਕਿ ਗੰਨਾ ਮਿੱਲ ਨੂੰ ਚਲਾਉਣ ਲਈ ਜੋ ਪ੍ਰਾਈਵੇਟ ਪਲਾਂਟ ਬਿਜਲੀ ਬਣਾਉਣ ਲਈ ਲਾਇਆ ਗਿਆ ਹੈ ਉਹ ਕਈ ਸਾਲਾਂ ਤੋਂ ਖ਼ਰਾਬ ਕਰ ਰਿਹਾ ਹੈ। 
ਹਰ ਸਾਲ ਕਿਸਾਨਾਂ ਦੀ ਖੱਜਲ ਖੁਆਰੀ ਹੁੰਦੀ ਹੈ ਅਤੇ ਮਿੱਲ ਖੜ੍ਹ ਖੜ੍ਹ ਕੇ ਚਲਦੀ ਹੈ। ਕਿਸਾਨਾਂ ਨੂੰ ਗੰਨਾ ਲੈ ਕੇ ਕਈ ਕਈ ਦਿਨ ਮਿੱਲ ਵਿਚ ਖੜ੍ਹਨਾ ਪੈਂਦਾ ਹੈ ਅੱਜ ਦੀ ਤਰੀਕ ਵਿੱਚ ਵੀ ਉਹੀ ਹਾਲਾਤਾਂ ਵਿੱਚ ਹੈ। ਪਲਾਂਟ ਦੇ ਵਰਕਰ ਵਿਹਲੇ ਬੈਠੇ ਹਨ ਉਹਨਾਂ ਨੂੰ ਚਾਰ ਮਹੀਨਿਆਂ ਤੋਂ ਤਨਖਾਹ ਨਹੀਂ ਮਿਲ ਰਹੀ। 
ਮਿੱਲ ਵੱਲ ਕਰੋੜਾਂ ਰੁਪਏ ਕਿਸਾਨਾਂ ਦਾ ਬਕਾਇਆ ਫਸਿਆ ਹੋਇਆ ਹੈ। ਇਹਨਾਂ ਸਾਰੀਆਂ ਗੱਲਾਂ ਤੇ ਮਿੱਲ ਪ੍ਰਬੰਧਕਾਂ ਨਾਲ ਗੱਲਬਾਤ ਹੋਈ ਮਿੱਲ ਪ੍ਰਬੰਧਕਾਂ ਨੇ ਕਿਸਾਨਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਆਉਣ ਵਾਲੇ ਦਿਨਾਂ ਵਿਚ ਕੁਝ ਕਾਨੂੰਨੀ ਉਲਝਣਾਂ ਦੂਰ ਕਰਕੇ ਪਲਾਂਟ ਦਾ ਪ੍ਰਬੰਧ ਅਸੀਂ ਆਪਣੇ ਹੱਥਾਂ ਵਿੱਚ ਲੈ ਕੇ ਪਲਾਂਟ ਦੀ ਰਿਪੇਅਰ ਕਰਾਂਗੇ ਮਿੱਲ ਨੂੰ ਸਮੇਂ ਸਿਰ ਠੀਕ ਕਰਕੇ ਚਲਾਵਾਂਗੇ। 
ਅੱਜ ਦੇ ਇਕੱਠ ਦੀ ਅਗਵਾਈ ਸੁਰਿੰਦਰ ਸਿੰਘ ਬੈਂਸ, ਹਰਮੇਸ਼ ਸਿੰਘ ਢੇਸੀ, ਸੁਰਿੰਦਰ ਸਿੰਘ ਮਹਿਰਮ ਪੁਰ, ਕੁਲਵੀਰ ਸਿੰਘ ਸਾਹ ਪੁਰ, ਕੁਲਵਿੰਦਰ ਸਿੰਘ ਚਾਹਲ, ਮੇਜਰ ਸਿੰਘ ਉਸਮਾਨ ਪੁਰ, ਕਰਨੈਲ ਸਿੰਘ ਕਾਜਮ ਪੁਰ, ਮੱਖਣ ਸਿੰਘ ਭਾਨ ਮਜਾਰਾ, ਬਹਾਦਰ ਸਿੰਘ ਧਰਮਕੋਟ, ਬਲਵੀਰ ਸਿੰਘ ਸਕੋਹ ਪੁਰ, ਰਾਣਾ ਰਾਮਜੀ ਦਾਸ ਸਨਾਵਾ, ਕੁਲਬੰਤ ਸਿੰਘ ਗੋਲੇ ਵਾਲ, ਜੀਵਨ ਦਾਸ, ਕਸ਼ਮੀਰਾ ਸਿੰਘ ਬੁਰਜ, ਕਰਨੈਲ ਸਿੰਘ ਉੜਾਪੜ, ਗੁਰਵਿੰਦਰ ਸਿੰਘ, ਨਵੀਂ ਬੈਂਸ ਮਜਾਰਾ ਕਲਾਂ, ਸਤਨਾਮ ਸਿੰਘ, ਅਜੀਤ ਸਿੰਘ ਉੜਾਪੜ, ਪਰਵਿੰਦਰ ਸਿੰਘ, ਸੰਦੀਪ ਸਿੰਘ ਮਿੰਟੂ ਸਿਕੰਦਰਪੁਰ ਤੇ ਹੋਰ ਬਹੁਤ ਸਾਰੇ ਕਿਸਾਨ ਇਕੱਠ ਵਿੱਚ ਹਾਜ਼ਰ ਸਨ। 
ਇਕੱਠ ਨੇ ਨਵਾਂ ਸ਼ਹਿਰ ਪ੍ਰਸ਼ਾਸਨ ਨੂੰ ਤੇ ਮਿੱਲ ਪ੍ਰਬੰਧਕਾਂ ਨੂੰ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਜੇ ਆਉਣ ਵਾਲੇ ਦਿਨਾਂ ਵਿਚ ਪਲਾਂਟ ਠੀਕ ਹੋਣਾ ਸ਼ੁਰੂ ਨਾਂ ਹੋਇਆ ਅਤੇ ਕਿਸਾਨਾਂ ਦੇ ਬਕਾਏ ਨਾਂ ਦਿੱਤੇ ਗਏ ਤਾਂ ਯੂਨੀਅਨ ਕਰੜਾ ਸੰਘਰਸ਼ ਉਲੀਕਣ ਲਈ ਮਜਬੂਰ ਹੋਵੇਗੀ। ਜਿਸ ਲਈ ਨਵਾਂ ਸ਼ਹਿਰ ਪ੍ਰਸ਼ਾਸਨ ਜ਼ਿਮੇਵਾਰ ਹੋਵੇਗਾ।