ਚੰਡੀਗੜ੍ਹ - ਅੱਜ ਸ੍ਰੀ ਦਸਮੇਸ਼ ਆਗਮਨ ਦਿਵਸ ਨੂੰ ਸਮਰਪਿਤ ਡਾ. ਅੰਬੇਦਕਰ ਕਲੋਨੀ ਸੈਕਟਰ-56 ਚੰਡੀਗੜ੍ਹ ਵਿਖੇ ਦਿਵਿਆੰਗ ਵੈਲਫੇਅਰ ਸੁਸਾਇਟੀ ਚੰਡੀਗੜ੍ਹ ਵਲੋਂ ਇੱਕ ਸ਼ਾਨਦਾਰ ਸਮਾਗਮ ਦਿਵਿਆੰਗ ਬੱਚਿਆਂ ਨੂੰ ਕੰਬਲ ਵੰਡਣ ਲਈ ਕਰਵਾਇਆ ਗਿਆ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸ੍ਰੀ ਸੁਭਾਸ਼ ਭਾਸਕਰ, ਸਾਬਕਾ ਸਕੱਤਰ, ਚੰਡੀਗੜ੍ਹ ਸਾਹਿਤ ਅਕੈਡਮੀ ਅਤੇ ਵਿਸ਼ੇਸ਼ ਮਹਿਮਾਨ ਸ੍ਰੀ ਪ੍ਰੇਮ ਵਿਜ, ਹਿੰਦੀ ਪੱਤਰਕਾਰ ਅਤੇ ਸਾਹਿਤਕਾਰ ਅਤੇ ਸਾਹਿਤਕਾਰ ਜਸਪਾਲ ਸਿੰਘ ਕੰਵਲ, ਪੰਜਾਬ ਸਟੇਟ ਕਨਵੀਨਰ ਸਨ। ਸਮਾਗਮ ਦੀ ਪ੍ਰਧਾਨਗੀ ਸੰਸਥਾ ਦੇ ਚੇਅਰਮੈਨ ਪ੍ਰਿੰਸ ਬਹਾਦਰ ਸਿੰਘ ਗੋਸਲ ਵਲੋਂ ਕੀਤੀ ਗਈ।
ਸਮਾਗਮ ਦਾ ਆਰੰਭ ਜਗਤਾਰ ਸਿੰਘ ਜੋਗ ਵਲੋਂ ਪ੍ਰਿੰਸ ਬਹਾਦਰ ਸਿੰਘ ਗੋਸਲ ਰਚਿਤ ਧਾਰਮਿਕ ਗੀਤ "ਤੂੰ ਦਿਸ ਨੀ ਕੰਧ ਸਰਹਿੰਦ ਦੀਏ, ਤੂੰ ਕਿਸੇ ਥੇ ਲਾਲ ਛੁਪਾਏ" ਗਾ ਕੇ ਕੀਤਾ ਗਿਆ। ਇਸ ਤੋਂ ਬਾਅਦ ਸੰਸਥਾ ਦੇ ਪ੍ਰਧਾਨ ਰਮੇਸ਼ ਚਨੌਲੀਆ ਨੇ ਸੰਸਥਾ ਦੀ ਪਿਛਲੇ 40 ਸਾਲ ਦੀ ਗਤੀਵਿਧੀਆਂ ਬਾਰੇ ਰੋਸ਼ਨੀ ਪਾਈ। ਉਸ ਤੋਂ ਬਾਅਦ ਸੰਸਥਾ ਦੇ ਚੇਅਰਮੈਨ ਪ੍ਰਿੰਸ ਬਹਾਦਰ ਸਿੰਘ ਗੋਸਲ ਨੇ, ਮੁੱਖ ਮਹਿਮਾਨ, ਵਿਸ਼ੇਸ਼ ਮਹਿਮਾਨਾਂ ਅਤੇ ਦੂਜੇ ਹਾੜ ਪੱਤਵੰਤੀਆਂ ਨੂੰ ਜੀ ਆਇਆਂ ਅਖਦੇ ਹੋਏ, ਦੱਸਿਆ ਕਿ ਇਹ ਸੰਸਥਾ ਦਿਵਿਆੰਗ ਬੱਚਿਆਂ ਦੀ ਭਲਾਈ ਲਈ ਪਿਛਲੇ 40 ਸਾਲ ਤੋਂ ਕੰਮ ਕਰ ਰਹੀ ਹੈ ਅਤੇ ਹਰ ਸਾਲ ਸਰਦੀ ਵਿੱਚ ਦਿਵਿਆੰਗ ਬੱਚਿਆਂ ਨੂੰ ਕੰਬਲ ਵੰਡੇ ਜਾਂਦੇ ਹਨ ਅਤੇ ਉਨ੍ਹਾਂ ਲਈ ਹਰ ਸਹੂਲਤ ਦਾ ਪ੍ਰਬੰਧ ਕੀਤਾ ਹੈ। ਇਸ ਮੌਕੇ ਤੇ ਜਸਪਾਲ ਸਿੰਘ ਕੰਵਲ, ਸ੍ਰੀ ਪ੍ਰੇਮ ਵਿਜ ਅਤੇ ਦਰਸ਼ਨ ਸਿੰਘ ਸਿਧੂ ਨੇ ਵੀ ਸੰਬੋਧਨ ਕੀਤਾ। ਸ੍ਰੀ ਸੁਭਾਸ਼ ਭਾਸਕਰ ਵਲੋਂ ਸੰਸਥਾ ਦੇ ਇਸ ਵੱਡੇ ਉਪਰਾਲੇ ਲਈ ਸਮੂਹ ਮੈਂਬਰਾਂ ਨੂੰ ਨਵੇਂ ਸਾਲ ਅਤੇ ਗੁਰਪੁਰਬ ਦੀ ਵਧਾਈ ਦੇਂਦੇ ਹੋਏ ਧੰਨਵਾਦ ਕੀਤਾ ਗਿਆ ਅਤੇ ਆਪਣੇ ਵਲੋਂ ਹਰ ਸੰਭਵ ਮਦਦ ਦਾ ਭਰੋਸਾ ਦਿੱਤਾ। ਉਨ੍ਹਾਂ ਨੇ ਦਿਵਿਆੰਗ ਬੱਚਿਆਂ ਦੀ ਪੜ੍ਹਾਈ ਅਤੇ ਉਨ੍ਹਾਂ ਨੂੰ ਨਸ਼ੇ ਤੋਂ ਦੂਰ ਰੱਖਣ ਲਈ ਪ੍ਰਿੰਸ ਬਹਾਦਰ ਸਿੰਘ ਗੋਸਲ ਨੂੰ ਮੁਬਾਰਕਬਾਦੀ ਦਿੱਤੀ।
ਇਸ ਤੋਂ ਬਾਅਦ ਸਮਾਗਮ ਦੇ ਦੂਜੇ ਪੜਾਅ ਵਿੱਚ ਹਾੜ 30 ਦਿਵਿਆੰਗ ਬੱਚਿਆਂ ਅਤੇ ਬੁਜ਼ੁਰਗਾਂ ਨੂੰ ਮੁਫਤ ਕੰਬਲ ਅਤੇ ਨਵੇਂ ਸਾਲ ਦੇ ਕੈਲੰਡਰ ਵੰਡੇ ਗਏ। ਕੰਬਲ ਪ੍ਰਾਪਤ ਕਰਨ ਵਾਲਿਆਂ ਵਿੱਚ ਕਈ ਬੁਜ਼ੁਰਗ ਦਿਵਿਆੰਗ ਔਰਤਾਂ ਵੀ ਸ਼ਾਮਲ ਸਨ। ਇਸ ਸਾਲ ਇਹ ਕੰਬਲ ਸੈਕਟਰ-37, ਚੰਡੀਗੜ੍ਹ ਦੇ ਗੋਸਲ ਪਰਿਵਾਰ ਵਲੋਂ ਦਿੱਤੇ ਗਏ ਹਨ। ਦਿਵਿਆੰਗ ਬੱਚਿਆਂ ਵਲੋਂ ਦਿਵਿਆੰਗ ਮੋਨੂੰ ਲੜਕੇ ਨੇ ਸੰਸਥਾ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਇਹ ਸੰਸਥਾ ਗਰੀਬ ਅਤੇ ਦਿਵਿਆੰਗ ਬੱਚਿਆਂ ਦੀ ਬੜੇ ਲੰਬੇ ਸਮੇਂ ਤੋਂ ਸੇਵਾ ਕਰਦੀ ਆ ਰਹੀ ਹੈ। ਸੰਸਥਾ ਵਲੋਂ ਸਮੇਂ-ਸਮੇਂ ਤੇ ਦਿਵਿਆੰਗ ਬੱਚਿਆਂ ਦੀ ਹੌਂਸਲਾ ਅਫਜਾਈ ਅਤੇ ਸਿੱਖਿਆ ਲਈ ਵੱਖ-ਵੱਖ ਉਪਰਾਲੇ ਕਰਦੀ ਹੈ। ਜਿਸ ਕਾਰਨ ਉਸ ਦੇ ਸਮੇਤ ਬਹੁਤ ਸਾਰੇ ਦਿਵਿਆੰਗ ਬੱਚੇ ਵੱਡੇ ਹੋ ਕੇ ਰੁਜ਼ਗਾਰ ਤੇ ਲੱਗ ਗਏ ਹਨ ਅਤੇ ਸਦਾ ਸੰਸਥਾ ਦਾ ਸ਼ੁਕਰੀਆ ਕਰਦੇ ਰਹਿੰਦੇ ਹਨ।
ਇਸ ਸਮਾਗਮ ਵਿੱਚ ਹੋਰਨੋਂ ਇਲਾਵਾ ਬਹੁਤ ਸਾਰੇ ਦਿਵਿਆੰਗ ਬੱਚੇ ਉਨ੍ਹਾਂ ਦੇ ਮਾਪੇ ਅਤੇ ਇਲਾਕੇ ਦੇ ਪਤਵੰਤੇ ਹਾੜ ਸਨ। ਇਸ ਮੌਕੇ ਤੇ ਹਾੜ ਵਿਅਕਤੀਆਂ ਵਿੱਚ, ਬਲਵਿੰਦਰ ਸਿੰਘ, ਸੁਰਜਨ ਸਿੰਘ ਜਸਲ, ਦਰਸ਼ਨ ਸਿੰਘ ਸਿਧੂ, ਜਗਤਾਰ ਸਿੰਘ ਜੋਗ, ਰਤਨ ਸਿੰਘ, ਜਗਦੀਪ ਸਿੰਘ, ਸੁਰਵੀਰ ਸਿੰਘ, ਭਗਵਾਨ ਦਾਸ, ਅਨੂਪਮ, ਰਾਮਨੰਦਨ ਅਨਿਲ ਕੁਮਾਰ, ਗੁਰਵਿੰਦਰ ਸਿੰਘ, ਸੁਨੀਤਾ ਰਾਣੀ, ਸਰਸਵਤੀ ਕਮਲੇਸ਼, ਅਮਨਦੀਪ ਕੌਰ ਅਤੇ ਹੋਰ ਸ਼ਾਮਲ ਸਨ। ਮੰਚ ਦਾ ਸੰਚਾਲਨ ਸੰਸਥਾ ਦੇ ਪ੍ਰਧਾਨ ਰਮੇਸ਼ ਚਨੌਲੀਆ ਵਲੋਂ ਕੀਤਾ ਗਿਆ ਅਤੇ ਸਮਾਗਮ ਦੇ ਅੰਤ ਵਿੱਚ ਵਿਸ਼ੇਸ਼ ਪੰਜਾਬੀ ਪ੍ਰਚਾਰ ਸਭਾ ਚੰਡੀਗੜ੍ਹ ਦੇ ਮੀਤ ਪ੍ਰਧਾਨ ਦਰਸ਼ਨ ਸਿੰਘ ਸਿਧੂ ਵਲੋਂ ਮੁੱਖ ਮਹਿਮਾਨਾਂ, ਦੂਜੇ ਮਹਿਮਾਨਾਂ ਅਤੇ ਹਾੜ ਦਿਵਿਆੰਗ ਬੱਚਿਆਂ ਅਤੇ ਮਾਪਿਆਂ ਦਾ ਧੰਨਵਾਦ ਕੀਤਾ ਗਿਆ।