ਊਨਾ, 6 ਜਨਵਰੀ - ਊਨਾ ਨਗਰ ਕੌਂਸਲ 'ਚ ਸ਼ਨੀਵਾਰ ਨੂੰ ਐਸਡੀਐਮ ਊਨਾ ਵਿਸ਼ਵ ਮੋਹਨ ਦੇਵ ਚੌਹਾਨ ਦੀ ਪ੍ਰਧਾਨਗੀ ਹੇਠ ਟਾਊਨ ਪਲਾਨਿੰਗ ਕਮੇਟੀ ਦੀ ਮੀਟਿੰਗ ਹੋਈ। ਇਸ ਦੌਰਾਨ ਐਸ.ਡੀ.ਐਮ ਨੇ ਸਟਰੀਟ ਵੈਂਡਰਾਂ ਨੂੰ ਹਦਾਇਤ ਕੀਤੀ ਕਿ ਉਹ ਕਿਓਸਕ ਦੀਆਂ ਦੁਕਾਨਾਂ ਨੂੰ ਨਵੇਂ ਵੈਂਡਿੰਗ ਜ਼ੋਨ ਵਿੱਚ ਲੈ ਜਾਣ। ਉਨ੍ਹਾਂ ਕਿਹਾ ਕਿ ਰੇਹੜੀ-ਫੜ੍ਹੀ ਵਾਲਿਆਂ ਨੂੰ ਬਿਜਲੀ ਅਤੇ ਪਾਣੀ ਵਰਗੀਆਂ ਸਾਰੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ ਰਜਿਸਟਰਡ ਸਟ੍ਰੀਟ ਵੈਂਡਰ ਊਨਾ ਨਗਰ ਕੌਂਸਲ ਨੂੰ ਅਪਲਾਈ ਕਰ ਸਕਦੇ ਹਨ।
ਮੀਟਿੰਗ ਦੌਰਾਨ ਐਮਸੀ ਚੇਅਰਪਰਸਨ ਪੁਸ਼ਪਾ ਦੇਵੀ, ਐਮਸੀ ਊਨਾ ਦੇ ਸਹਾਇਕ ਇੰਜਨੀਅਰ ਰਜਿੰਦਰ ਕੁਮਾਰ, ਜੂਨੀਅਰ ਇੰਜਨੀਅਰ ਸ਼ਰੀਫ਼ ਮੁਹੰਮਦ ਅਤੇ ਹੋਰ ਹਾਜ਼ਰ ਸਨ।