ਗੜ੍ਹਸ਼ੰਕਰ - ਜਿਲਾ ਹੁਸ਼ਿਆਰਪੁਰ ਦੀ ਤਹਿਸੀਲ ਗੜ੍ਹਸ਼ੰਕਰ ਅਧੀਨ ਪੈਂਦੇ ਪਿੰਡ ਬੀਰਮਪੁਰ ਵਿਖੇ ਦਰਬਾਰ ਮੀਆ ਬਾਬਾ ਕਾਦਰ ਬਖਸ਼ ਜੀ ਦੇ ਅਸਥਾਨ ਤੇ ਅੱਜ ਤੋ ਇਤਹਾਸਿਕ ਰੌਸ਼ਨੀ ਮੇਲਾ ਸ਼ੁਰੂ ਹੋਣ ਜਾ ਰਿਹਾ ਹੈ| ਦੱਸਣਯੋਗ ਹੈ ਕਿ ਇਹ ਰੌਸ਼ਨੀ ਮੇਲਾ ਹਰ ਸਾਲ 5 ਨਵੰਬਰ ਤੋ ਸ਼ੁਰੂ ਹੋ ਕੇ 8 ਨਵੰਬਰ  ਤੱਕ ਪ੍ਬੰਧਕ ਕਮੇਟੀ, ਨਗਰ ਨਿਵਾਸੀ, ਇਲਾਕਾ ਨਿਵਾਸੀ ਅਤੇ ਐਨ ਆਰ ਆਈਜ਼ ਦੇ ਸਹਿਯੋਗ ਨਾਲ ਬੜੀ ਸ਼ਰਧਾ ਪੂਰਵਕ ਕਰਵਾਇਆ ਜਾਦਾ ਹੈ ਅਤੇ ਇਸ ਰੌਸ਼ਨੀ ਮੇਲੇ ਵਿੱਚ ਪੰਜਾਬ ਦੇ ਮਸ਼ਹੂਰ ਕਲਾਕਾਰ ਅਤੇ ਕਵਾਲ ਪਾਰਟੀਆ ਹਾਜ਼ਰੀਆ ਲਗਵਾਉਦੀਆ ਹਨ|
ਪ੍ਬੰਧਕ ਕਮੇਟੀ ਤੋ ਮਿਲੀ ਜਾਣਕਾਰੀ ਅਨੁਸਾਰ ਰੋਸ਼ਨੀ ਮੇਲੇ ਦੀ ਸ਼ੁਰੂਆਤ 5 ਨਵੰਬਰ ਨੂੰ ਸ਼ਾਮ ਦੇ ਸਮੇ ਦਰਬਾਰ ਤੇ ਚਿਾਰਗ ਰੌਸ਼ਨ ਕਰਨ ਨਾਲ ਹੋਵੇਗੀ ਉਪਰੰਤ ਪੰਜਾਬ ਦੇ ਮਸ਼ਹੂਰ ਕਵਾਲ ਕਰਾਮਤ ਅਲੀ ਕਵਾਲ ਪਾਰਟੀ ਮਲੇਰਕੋਟਲਾ ਵਾਲੇ ਦਰਬਾਰ ਤੇ ਮਹਿਫਲ ਲਗਾਉਣਗੇ| ਰੌਸਨੀ ਮੇਲੇ ਦੇ ਦੂਜੇ ਦਿਨ 6 ਨਵੰਬਰ ਨੂੰ  ਜੀ ਖਾਨ ਮਿਊਜਿਕਲ ਗਰੁੱਪ 7 ਨਵੰਬਰ  ਨੂੰ  ਹਸਨ ਮਾਣਕ ਅਤੇ 8 ਨਵੰਬਰ ਨੂੰ ਪੰਜਾਬ ਦੀ ਮਸ਼ਹੂਰ ਦੋਗਾਣਾ ਜੋੜੀ ਸੁਰਜੀਤ ਭੁੱਲਰ-ਜੰਨਤ ਕੋਰ ਐਡ ਪਾਰਟੀ ਨਾਲ ਦਰਬਾਰ ਤੇ ਹਾਜ਼ਰੀ ਲਗਵਾਉਣੇ ਅਤੇ ਦੇਰ ਰਾਤ ਤੱਕ ਧਰਮਵੀਰ ਪ੍ਦੇਸੀ ਐਡ ਪਾਰਟੀ ਵਲੋ ਧਾਰਮਿੱਕ ਨਾਟਕ ਪੇਸ਼ ਕੀਤਾ ਜਾਵੇਗਾ|