ਨਵੀਂ ਦਿੱਲੀ:- ਯੁੱਧ ਅਤੇ ਏਆਈ ਸਟਾਕਾਂ ਵਿੱਚ ਕਮਜ਼ੋਰੀ ਨਾਲ ਬਾਜ਼ਾਰ ਪ੍ਰਭਾਵਿਤ ਸੈਂਸੈਕਸ 700 ਅੰਕ ਡਿੱਗਿਆ, ਨਿਫਟੀ 23,150 ਤੋਂ ਹੇਠਾਂ ਖਿਸਕ ਗਿਆ। ਪੱਛਮੀ ਏਸ਼ੀਆ ਵਿੱਚ ਵਧਦੇ ਤਣਾਅ ਕਾਰਨ ਅੱਜ ਏਸ਼ੀਆਈ ਸਟਾਕ ਬਾਜ਼ਾਰਾਂ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਘਰੇਲੂ ਬਾਜ਼ਾਰ 'ਤੇ ਵੀ ਇਸਦਾ ਅਸਰ ਦੇਖਣ ਨੂੰ ਮਿਲਿਆ ਹੈ। ਸਵੇਰੇ 9:20 ਵਜੇ, ਇਹ 784.77 ਅੰਕ ਯਾਨੀ 1.06% ਡਿੱਗ ਕੇ 73,458.57 'ਤੇ ਆ ਗਿਆ। ਨਿਫਟੀ 234.80 ਅੰਕ ਯਾਨੀ 1% ਡਿੱਗ ਕੇ 23,131.90 'ਤੇ ਆ ਗਿਆ। 
ਅੱਜ ਹਫ਼ਤੇ ਦੇ ਪਹਿਲੇ ਦਿਨ ਬੀਐਸਈ ਸੈਂਸੈਕਸ 763.69 ਅੰਕ ਭਾਵ 1.03% ਡਿੱਗ ਕੇ 73,479.65 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 6 ਸਟਾਕ ਵਾਧੇ ਨਾਲ ਅਤੇ 24 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 50 ਇੰਡੈਕਸ ਵੀ 243.70 ਅੰਕ ਭਾਵ 1.04% ਡਿੱਗ ਗਿਆ ਅਤੇ 23,123.00 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸਾਰੇ ਸੈਕਟਰਾਂ ਵਿੱਚ ਗਿਰਾਵਟ ਆਈ ਹੈ। ਇਸ ਗਿਰਾਵਟ ਨਾਲ ਨਿਵੇਸ਼ਕਾਂ ਨੂੰ 5 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਬੀਐਸਈ-ਸੂਚੀਬੱਧ ਕੰਪਨੀਆਂ ਦਾ ਮਾਰਕੀਟ ਕੈਪ 456 ਲੱਖ ਕਰੋੜ ਰੁਪਏ ਤੱਕ ਡਿੱਗ ਗਿਆ ਹੈ।