ਚੰਡੀਗੜ੍ਹ, 8 ਅਕਤੂਬਰ 2024:- ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ) ਵੱਲੋਂ ਨੇਸ਼ਨਲ ਲੈਵਲ ਤਿੰਨ ਦਿਨਾ ਦਾ ਜਿਓ-ਇਨੋਵੇਸ਼ਨ ਚੈਲੈਂਜ ਆਯੋਜਿਤ ਕੀਤਾ ਗਿਆ, ਜਿਸ ਨੂੰ ਵਿਗਿਆਨ ਅਤੇ ਪ੍ਰੌਦਯੋਗਿਕੀ ਵਿਭਾਗ ਦੁਆਰਾ ਪ੍ਰਾਯੋਜਿਤ ਕੀਤਾ ਗਿਆ ਸੀ। ਇਸ ਸਾਲ ਦੇ ਚੈਲੈਂਜ ਦਾ ਮੁੱਖ ਵਿਸ਼ਾ ਸੀ ਜਿਓ-ਇਨੋਵੇਟ ਫਾਰ ਪਬਲਿਕ ਹੈਲਥਕੇਅਰ। ਇਸ ਮੌਕੇ ‘ਤੇ ਕਈ ਪ੍ਰਮੁੱਖ ਵਿਅਕਤੀਆਂ ਨੇ ਸ਼ਿਰਕਤ ਕੀਤੀ, ਜਿਨ੍ਹਾਂ ਵਿੱਚ ਪ੍ਰੋ. ਡਾ. ਐਲ. ਐਨ. ਠਾਕੁਰਾਲ (ਸਿਨੀਅਰ ਐਡਮਿਨਿਸਟ੍ਰੇਟਿਵ ਆਫ਼ਿਸਰ, ਨੈਸ਼ਨਲ ਇੰਸਟਿਟਿਊਟ ਆਫ ਹਾਈਡ੍ਰੋਲੋਜੀ, ਰੂੜਕੀ), ਡਾ. ਅਥਰਵ ਪੌਂਡਰਿਕ (ਸੈਂਟਰ ਫਾਰ ਬਾਇਓਮੈਡੀਕਲ ਇੰਜੀਨੀਅਰਿੰਗ, ਆਈਆਈਟੀ ਰੋਪੜ), ਡਾ. ਹਰ ਅਮ੍ਰਿਤ ਸਿੰਘ ਸੰਧੂ (ਪ੍ਰੈਸੀਡੈਂਟ, ASCE ਇੰਡੀਆ ਸੈਕਸ਼ਨ NR), ਪ੍ਰੋ. ਜੇ. ਐਸ. ਸੈਣੀ ਅਤੇ ਪ੍ਰੋ. ਅਰੁਣ ਕੁਮਾਰ ਸਿੰਘ (ਹੈੱਡ, ECE ਵਿਭਾਗ, PEC) ਸ਼ਾਮਲ ਸਨ।
ਇਹ ਚੈਲੈਂਜ ਖਾਸ ਤੌਰ ‘ਤੇ ਨਵੀਂ ਪੀੜ੍ਹੀ ਦੇ ਰਿਸਰਚਰਾਂ ਨੂੰ ਉਭਾਰਨ ਲਈ ਤਿਆਰ ਕੀਤਾ ਗਿਆ ਸੀ, ਤਾਂ ਜੋ ਉਹ ਆਪਣੇ ਨਵੇਂ ਅਤੇ ਰਚਨਾਤਮਕ ਵਿਚਾਰਾਂ ਨਾਲ ਦੇਸ਼ ਦੀ ਸਮਾਜਿਕ-ਆਰਥਿਕ ਵਿਕਾਸ ਵਿੱਚ ਯੋਗਦਾਨ ਪਾਉਣ ਅਤੇ ਆਜਕੱਲ ਦੀਆਂ ਜਟਿਲ ਜਨਤਕ ਸਿਹਤ ਸਮੱਸਿਆਵਾਂ ਦੇ ਹੱਲ ਨਿਕਲਣ ਲਈ ਵਿਚਾਰ ਕਰ ਸਕਣ। ਇਸ ਤਿੰਨ ਦਿਨਾ ਚੈਲੈਂਜ ਦੌਰਾਨ, ਭਾਗੀਦਾਰਾਂ ਨੇ ਕਈ ਨਵੇਂ ਵਿਚਾਰਾਂ ਨਾਲ ਆਪਣੇ ਸਿਖਣ ਦੇ ਤਰੀਕੇ ਸਾਂਝੇ ਕੀਤੇ ਅਤੇ ਸੰਭਾਵਿਤ ਹੱਲਾਂ ਲਈ ਇੱਕ-ਦੂਜੇ ਨਾਲ ਗੱਲਬਾਤ ਕੀਤੀ।
ਇਸ ਚੈਲੈਂਜ ਲਈ 55 ਤੋਂ ਵੱਧ ਡਾਕਟੋਰਲ ਅਤੇ ਰਿਸਰਚ ਸਕਾਲਰਾਂ ਨੇ ਆਪਣੇ ਐਬਸਟ੍ਰੈਕਟ ਰਜਿਸਟਰ ਕੀਤੇ, ਜਿਨ੍ਹਾਂ ‘ਚੋਂ 28 ਭਾਗੀਦਾਰਾਂ ਨੂੰ ਆਪਣੀਆਂ ਇੰਨੇਵੇਟਿਵ ਆਈਡਿਆਜ਼ ਪੇਸ਼ ਕਰਨ ਲਈ ਚੁਣਿਆ ਗਿਆ।
ਇਸ ਇਵੈਂਟ ਦਾ ਸਫਲਤਾ ਪੂਰਵਕ ਸੰਚਾਲਨ ਡਾ. ਜਸਕੀਰਤ ਕੌਰ, ਡਾ. ਗੌਰਵ ਦਾਸ ਅਤੇ ਡਾ. ਗਗਨਦੀਪ ਸਿੰਘ ਨੇ ਕੀਤਾ। ਚੁਣੇ ਗਏ ਟੀਮਾਂ ਆਪਣੀਆਂ ਅਨੌਖੀਆਂ ਜਿਓ-ਹੈਲਥ ਇਨੋਵੇਸ਼ਨ ਦੀਆਂ ਸੋਚਾਂ ਨੂੰ ਅਕਾਦਮਿਕ, ਰਿਸਰਚ, ਇੰਡਸਟਰੀ ਅਤੇ ਸਮਾਜਿਕ ਖੇਤਰ ਦੇ ਮਾਹਰਾਂ ਤੋਂ ਬਣੇ ਜੂਰੀ ਮੈਂਬਰਾਂ ਦੇ ਸਾਹਮਣੇ ਰੱਖਣਗੇ, ਜੋ ਉਨ੍ਹਾਂ ਨੂੰ ਵੱਖ-ਵੱਖ ਤਕਨੀਕੀ ਅਤੇ ਨਵਾਂਪਣ ਦੇ ਮਾਪਦੰਡਾਂ ‘ਤੇ ਪੱਖਣਗੇ।