ਐਸ.ਏ.ਐਸ. ਨਗਰ ਮੋਹਾਲੀ :- ਜਨਜਾਤੀ ਗੌਰਵ ਦਿਵਸ ਅਤੇ ਜਨਜਾਤੀ ਗੌਰਵ ਵਰ੍ਹਾ (ਨਵੰਬਰ 2024 – ਨਵੰਬਰ 2025) ਦੇ ਇੱਕ ਸਾਲਾ ਸਮਾਰੋਹ ਦੇ ਤਹਿਤ, ਨਾਈਪਰ ਐਸ.ਏ.ਐਸ. ਨਗਰ ਨੇ ਭਗਵਾਨ ਬਿਰਸਾ ਮੁੰਡਾ ਦੀ 150ਵੀਂ ਜਯੰਤਿ ਦੇ ਉਪਲਕਸ਼ ਵਿੱਚ ਕਈ ਕਾਰਜਕ੍ਰਮ ਆਯੋਜਿਤ ਕੀਤੇ।
ਕਾਰਜਕ੍ਰਮ ਦੀ ਸ਼ੁਰੂਆਤ ਭਗਵਾਨ ਬਿਰਸਾ ਮੁੰਡਾ ਅਤੇ ਡਾ. ਬਾਬਾ ਸਾਹਿਬ ਅੰਬੇਡਕਰ ਨੂੰ ਨਾਈਪਰ ਮੋਹਾਲੀ ਦੇ ਡਾਇਰੈਕਟਰ ਪ੍ਰੋ. ਦੂਲਾਲ ਪਾਂਡਾ ਅਤੇ ਬਾਇਓਟੈਕਨਾਲੋਜੀ ਵਿਭਾਗ ਦੇ ਪ੍ਰੋਫੈਸਰ ਅਤੇ ਮੁਖੀ ਪ੍ਰੋ. ਅਭੈ ਐੱਚ. ਪਾਂਡੇ ਵੱਲੋਂ ਫੁੱਲਾਂ ਦੀ ਸ਼ਰਧਾਂਜਲੀ ਅਰਪਿਤ ਕਰਕੇ ਕੀਤੀ ਗਈ।
ਆਪਣੇ ਸੰਬੋਧਨ ਵਿੱਚ ਨਾਈਪਰ ਐਸ.ਏ.ਐਸ. ਨਗਰ ਦੇ ਡਾਇਰੈਕਟਰ ਪ੍ਰੋ. ਦੂਲਾਲ ਪਾਂਡਾ ਨੇ ਕਿਹਾ ਕਿ “ਜਨਜਾਤੀ ਗੌਰਵ ਵਰ੍ਹਾ” ਦਾ ਮੁੱਖ ਉਦੇਸ਼ ਆਦਿਵਾਸੀ ਭਾਈਚਾਰਿਆਂ ਦੇ ਯੋਗਦਾਨ, ਖ਼ਾਸ ਕਰਕੇ ਭਾਰਤ ਦੇ ਆਜ਼ਾਦੀ ਸੰਗਰਾਮ ਵਿੱਚ ਉਨ੍ਹਾਂ ਦੀ ਭੂਮਿਕਾ ਨੂੰ ਰੌਸ਼ਨ ਕਰਨਾ ਹੈ। ਉਨ੍ਹਾਂ ਨੇ ਭਗਵਾਨ ਬਿਰਸਾ ਮੁੰਡਾ ਨੂੰ ਦੇਸ਼ ਦੀ ਆਜ਼ਾਦੀ ਦੇ ਅਸਲ ਨਾਇਕਾਂ ਵਿੱਚੋਂ ਇੱਕ ਦੱਸਿਆ, ਜਿਨ੍ਹਾਂ ਦੀ ਜਯੰਤਿ 15 ਨਵੰਬਰ ਨੂੰ “ਜਨਜਾਤੀ ਗੌਰਵ ਦਿਵਸ” ਵਜੋਂ ਮਨਾਈ ਜਾਂਦੀ ਹੈ।
ਪ੍ਰੋ. ਸੁਸ਼ਮਾ ਸਿੰਘ ਵੱਲੋਂ ਇੱਕ ਲਘੂ ਡੌਕੂਮੈਂਟਰੀ ਪੇਸ਼ ਕੀਤੀ ਗਈ, ਜਿਸ ਵਿੱਚ ਆਦਿਵਾਸੀ ਭਾਈਚਾਰੇ ਵੱਲੋਂ ਆਜ਼ਾਦੀ ਸੰਗਰਾਮ ਅਤੇ ਰਾਸ਼ਟਰੀ ਵਿਕਾਸ ਵਿੱਚ ਪਾਏ ਯੋਗਦਾਨ ਨੂੰ ਉਜਾਗਰ ਕੀਤਾ ਗਿਆ। ਨਾਈਪਰ ਦੇ ਵਿਦਿਆਰਥੀਆਂ ਦੁਆਰਾ ਭਗਵਾਨ ਬਿਰਸਾ ਮੁੰਡਾ ਦੇ ਜੀਵਨ ਅਤੇ ਉਨ੍ਹਾਂ ਦੇ ਮੁੱਖ ਆੰਦੋਲਨਾਂ ਉੱਤੇ ਤਿਆਰ ਕੀਤੀ ਇੱਕ ਵੀਡੀਓ ਕਲਿਪ ਵੀ ਰੂਬਰੂ ਕਰਵਾਈ ਗਈ।
ਜਨਜਾਤੀ ਗੌਰਵ ਵਰ੍ਹੇ ਦੇ ਸਮਾਰੋਹ ਤਹਿਤ ਨਾਈਪਰ ਮੋਹਾਲੀ ਵਿੱਚ ਹੋਈਆਂ ਪ੍ਰਸ਼ਨੋਤਰੀ ਅਤੇ ਨਿਬੰਧ ਲੇਖਨ ਪ੍ਰਤੀਯੋਗਿਤਾਵਾਂ ਵਿੱਚ ਭਾਗ ਲੈਣ ਵਾਲੇ ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਨੂੰ ਇਨਾਮ ਵੰਡੇ ਗਏ।
ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਦੇ ਇਤਿਹਾਸ ਵਿਭਾਗ ਦੇ ਸਹਾਇਕ ਪ੍ਰੋਫੈਸਰ (ਅਤਿਥੀ ਫੈਕਲਟੀ) ਡਾ. ਸੌੰਦਰਿਆ ਕੁਮਾਰ ਦੀਪਕ ਨੇ “ਭਗਵਾਨ ਬਿਰਸਾ ਮੁੰਡਾ: ਜਨਜਾਤੀ ਗੌਰਵ ਅਤੇ ਆਜ਼ਾਦੀ ਸੰਗਰਾਮ ਦੇ ਪ੍ਰਤੀਕ” ਵਿਸ਼ੇ 'ਤੇ ਇੱਕ ਵਿਸ਼ੇਸ਼ ਲੈਕਚਰ ਦਿੱਤਾ।
ਡਾ. ਦੀਪਕ ਸਾਲੁੰਕੇ ਨੇ ਭਾਰਤ ਸਰਕਾਰ ਦੀ ‘ਜਨਜਾਤੀ ਗੌਰਵ ਵਰ੍ਹਾ’ ਪਹਲ ਦੀ ਪ੍ਰਸ਼ੰਸਾ ਕਰਦਿਆਂ ਨਾਈਪਰ ਪ੍ਰਸ਼ਾਸਨ ਅਤੇ ਕਮੇਟੀ ਦੇ ਚੇਅਰਮੈਨ ਪ੍ਰੋ. ਅਭੈ ਐੱਚ. ਪਾਂਡੇ ਦਾ ਧੰਨਵਾਦ ਕੀਤਾ ਕਿ ਉਨ੍ਹਾਂ ਨੇ ਭਗਵਾਨ ਬਿਰਸਾ ਮੁੰਡਾ ਦੀ ਸਨਮਾਨ ਲਈ ਐਸੇ ਸਮਾਗਮ ਤੇ ਲੈਕਚਰ ਆਯੋਜਿਤ ਕੀਤੇ।
ਇਸ ਸਮਾਰੋਹ ਵਿੱਚ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ, ਕਰਮਚਾਰੀ ਅਤੇ ਅਧਿਆਪਕ ਮੌਜੂਦ ਸਨ।