ਐਸ.ਏ.ਐਸ. ਨਗਰ, 28 ਜੂਨ- ਹਰਿਆਵਲ ਪੰਜਾਬ ਵੱਲੋਂ ਸੰਨੀ ਸੁਪਰ ਸਿਟੀ ਵੈਲਫੇਅਰ ਸੋਸਾਇਟੀ ਸੰਨੀ ਇਨਕਲੇਵ ਸੈਕਟਰ 125 ਖਰੜ ਦੇ ਨਾਲ ਮਿਲ ਕੇ ਪਿਕਾਡਲੀ ਪਾਰਕ ਵਿੱਚ ਨਿੰਮ, ਅਰਜੁਨ, ਤੋਤਾ ਅਤੇ ਨਿੰਬੂ ਦੇ 55 ਪੌਦੇ ਲਗਾਏ ਗਏ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਬ੍ਰਿਜਮੋਹਨ ਜੋਸ਼ੀ ਨੇ ਦੱਸਿਆ ਕਿ ਹਰਿਆਵਲ ਪੰਜਾਬ ਵੱਲੋਂ ਵਾਤਾਵਰਣ ਦੀ ਸੰਭਾਲ ਲਈ ਕੀਤੀਆਂ ਜਾਂਦੀਆਂ ਗਤੀਵਿਧੀਆਂ ਦੌਰਾਨ ਰੁੱਖ ਲਗਾਉਣ, ਪਾਣੀ ਬਚਾਉਣ, ਪੋਲੀਥੀਨ ਹਟਾਉਣ, ਆਪਣੇ ਘਰ ਨੂੰ ਕੂੜਾ ਮੁਕਤ ਬਣਾਉਣ ਲਈ ਜਨਤਕ ਜਾਗਰੂਕਤਾ ਪੈਦਾ ਕਰਨ ਅਤੇ ਦੂਜਿਆਂ ਦੀ ਮਦਦ ਕਰਨ ਦਾ ਕੰਮ ਸਮਾਜ ਦੀ ਮਦਦ ਨਾਲ ਕੀਤਾ ਜਾਂਦਾ ਹੈ।
ਉਨ੍ਹਾਂ ਦੱਸਿਆ ਕਿ ਬੂਟੇ ਲਗਾਉਣ ਲਈ ਬੂਟੇ ਹਮੇਸ਼ਾ ਦੀ ਤਰ੍ਹਾਂ ਨਿਤਿਨ ਚੌਹਾਨ (ਗੋਦਰੇਜ ਕੰਪਨੀ ਮੁਹਾਲੀ) ਵੱਲੋਂ ਦਿੱਤੇ ਗਏ।
 ਇਸ ਮੌਕੇ ਸਚਿਨ ਮੋਹਲ, ਪਰਮਜੀਤ ਸਿੰਘ ਸੈਣੀ, ਐਸ.ਕੇ. ਬੋਰੀਵਾਲ, ਗੁਰਪਾਲ ਸਿੰਘ, ਤਜਿੰਦਰ ਸਿੰਘ, ਜਤਿੰਦਰ ਸਿੰਘ, ਮਨੋਜ ਰਾਵਤ, ਰਮੇਸ਼ ਕੁਮਾਰ, ਹਰਸ਼ ਦੁਰੀਜਾ, ਵਰਿੰਦਰ ਸਿੰਘ, ਮਨਮੋਹਨ ਕੁਮਾਰ, ਅਮਿਤ ਨਾਰੰਗ, ਰੌਨਕ ਮਹਿਤਾ, ਸੰਤ ਰਾਮ, ਹਰੀਸ਼ ਗਰੋਵਰ, ਸੰਜੀਵ ਵੈਦ ਵੀ ਮੌਜੂਦ ਸਨ।