ਅੰਮ੍ਰਿਤਸਰ:- ਲਿਵਾਸਾ ਹਸਪਤਾਲ, ਅੰਮ੍ਰਿਤਸਰ ਨੇ ਵੀਰਵਾਰ ਨੂੰ ਆਰਥੋਪੀਡਿਕ ਦੇਖਭਾਲ ਲਈ ਆਪਣੇ 'ਏਆਈ ਆਗਮੈਂਟਡ ਰੋਬੋਟਿਕ ਜੁਆਇੰਟ ਰਿਪਲੇਸਮੈਂਟ ਸਰਜਰੀ ਪ੍ਰੋਗਰਾਮ' ਦੀ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ।
ਇਸ ਨਵੇਂ ਪ੍ਰੋਗਰਾਮ ਦੀ ਅਗਵਾਈ ਆਰਥੋ ਅਤੇ ਜੁਆਇੰਟ ਰਿਪਲੇਸਮੈਂਟ ਦੇ ਸੀਨੀਅਰ ਕਨਸਲਟੈਂਟ ਡਾ. ਸੁਖਪਾਲ ਸਿੰਘ ਮਾਨ ਅਤੇ ਡਾ. ਆਦਿਤਿਆ ਭਾਰਦਵਾਜ ਕਰਨਗੇ।
ਡਾ. ਸੁਖਪਾਲ ਸਿੰਘ ਮਾਨ ਨੇ ਦੱਸਿਆ ਕਿ ਇਹ ਅਤਿ-ਆਧੁਨਿਕ ਤਕਨੀਕ ਇੰਪਲਾਂਟ ਦੀ ਬਿਹਤਰ ਪੋਜ਼ੀਸ਼ਨਿੰਗ, ਸਹੀ ਅਲਾਈਨਮੈਂਟ ਅਤੇ ਸਿਹਤਮੰਦ ਹੱਡੀਆਂ ਅਤੇ ਨਰਮ ਟਿਸ਼ੂਆਂ ਨੂੰ ਵੱਧ ਤੋਂ ਵੱਧ ਸੁਰੱਖਿਅਤ ਰੱਖਦਿਆਂ ਮਰੀਜ਼ ਦੀ ਲੋੜ ਅਨੁਸਾਰ ਬਹੁਤ ਹੀ ਸਟੀਕ ਅਤੇ ਕਸਟਮਾਈਜ਼ਡ ਗੋਡੇ ਦੀ ਰਿਪਲੇਸਮੈਂਟ ਸਰਜਰੀ ਕਰਨ ਵਿੱਚ ਮਦਦ ਕਰੇਗੀ।
ਡਾ. ਆਦਿਤਿਆ ਭਾਰਦਵਾਜ ਨੇ ਕਿਹਾ ਕਿ ਇਸ ਤਕਨੀਕ ਨਾਲ ਮਰੀਜ਼ਾਂ ਨੂੰ ਬਿਹਤਰ ਨਤੀਜੇ ਮਿਲਣਗੇ, ਜਿਵੇਂ ਕਿ ਤੇਜ਼ੀ ਨਾਲ ਸਿਹਤਯਾਬੀ, ਸਰਜਰੀ ਤੋਂ ਬਾਅਦ ਘੱਟ ਦਰਦ ਅਤੇ ਇੰਪਲਾਂਟ ਦੀ ਲੰਬੇ ਸਮੇਂ ਤੱਕ ਵਧੀਆ ਕਾਰਗੁਜ਼ਾਰੀ।
ਡਾ. ਮਾਨ ਨੇ ਅੱਗੇ ਦੱਸਿਆ ਕਿ ਰੋਬੋਟਿਕ-ਸਹਾਇਤਾ ਪ੍ਰਾਪਤ ਜੁਆਇੰਟ ਰਿਪਲੇਸਮੈਂਟ ਸਰਜਰੀ ਸਰਜਨ ਦੇ ਤਜਰਬੇ ਨੂੰ ਅਤਿ-ਆਧੁਨਿਕ ਤਕਨੀਕ ਦੀ ਸ਼ੁੱਧਤਾ ਨਾਲ ਜੋੜਦੀ ਹੈ।
ਉਨ੍ਹਾਂ ਕਿਹਾ, "ਇਹ ਤਕਨੀਕ ਸਰਜਨ ਨੂੰ ਹਰ ਮਰੀਜ਼ ਦੀ ਸਰੀਰਕ ਬਣਤਰ (ਐਨਾਟਮੀ) ਦੇ ਅਨੁਸਾਰ ਸਰਜਰੀ ਦੀ ਯੋਜਨਾ ਬਣਾਉਣ ਦੇ ਯੋਗ ਬਣਾਉਂਦੀ ਹੈ, ਜਿਸ ਨਾਲ ਸਰਜਰੀ ਹੋਰ ਸਟੀਕ, ਕਾਰਗਰ ਅਤੇ ਸੁਰੱਖਿਅਤ ਬਣਦੀ ਹੈ। ਇਸ ਨਾਲ ਮਰੀਜ਼ਾਂ ਨੂੰ ਘੱਟ ਦਰਦ, ਜਲਦੀ ਚੱਲਣ-ਫਿਰਣ ਦੀ ਸਮਰੱਥਾ ਅਤੇ ਲੰਬੇ ਸਮੇਂ ਲਈ ਬਿਹਤਰ ਨਤੀਜਿਆਂ ਦਾ ਲਾਭ ਮਿਲਦਾ ਹੈ।"
ਡਾ. ਭਾਰਦਵਾਜ ਨੇ ਦੱਸਿਆ ਕਿ ਏਆਈ-ਸਮਰੱਥ ਰੋਬੋਟਿਕ ਪਲੇਟਫਾਰਮ ਕਈ ਮਹੱਤਵਪੂਰਨ ਲਾਭ ਪ੍ਰਦਾਨ ਕਰਦਾ ਹੈ, ਜਿਨ੍ਹਾਂ ਵਿੱਚ ਬਹੁਤ ਹੀ ਸਟੀਕ ਸਰਜੀਕਲ ਯੋਜਨਾਬੰਦੀ, ਹੱਡੀਆਂ ਅਤੇ ਲਿਗਾਮੈਂਟਾਂ ਦੀ ਸੁਰੱਖਿਆ, ਘੱਟ ਚੀਰਾ ਲਗਾਉਣ ਵਾਲੀ (ਮਿਨੀਮਲੀ ਇਨਵੇਸਿਵ) ਤਕਨੀਕ, ਘੱਟ ਖੂਨ ਵਹਿਣਾ, ਆਪਰੇਸ਼ਨ ਤੋਂ ਬਾਅਦ ਘੱਟ ਦਰਦ, ਤੇਜ਼ ਰੀਹੈਬਿਲੀਟੇਸ਼ਨ ਅਤੇ ਰੋਜ਼ਾਨਾ ਦੀਆਂ ਗਤੀਵਿਧੀਆਂ ਵਿੱਚ ਜਲਦੀ ਵਾਪਸੀ ਸ਼ਾਮਲ ਹੈ। ਉਨ੍ਹਾਂ ਕਿਹਾ ਕਿ ਮਾਹਿਰਾਂ ਦੀ ਨਿਗਰਾਨੀ ਹੇਠ ਚੱਲਣ ਵਾਲੇ ਰੀਹੈਬਿਲੀਟੇਸ਼ਨ ਪ੍ਰੋਟੋਕੋਲ ਦੇ ਤਹਿਤ ਜ਼ਿਆਦਾਤਰ ਮਰੀਜ਼ ਸਰਜਰੀ ਤੋਂ ਕੁਝ ਘੰਟਿਆਂ ਅੰਦਰ ਹੀ ਤੁਰਨਾ ਸ਼ੁਰੂ ਕਰ ਸਕਦੇ ਹਨ।
ਹਸਪਤਾਲ ਦੇ ਫੈਸਿਲਟੀ ਡਾਇਰੈਕਟਰ ਡਾ. ਰਾਜੀਵ ਕੁੰਦਰਾ ਨੇ ਕਿਹਾ ਕਿ ਇਹ ਸ਼ੁਰੂਆਤ ਹਸਪਤਾਲ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ, ਕਿਉਂਕਿ ਸੰਸਥਾ ਕਲੀਨੀਕਲ ਐਕਸੀਲੈਂਸ ਦੇ 11 ਸਾਲ ਪੂਰੇ ਹੋਣ ਅਤੇ 6.5 ਲੱਖ ਤੋਂ ਵੱਧ ਲੋਕਾਂ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰਨ ਦਾ ਮਾਣ ਮਨਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਰੋਬੋਟਿਕ-ਸਹਾਇਤਾ ਪ੍ਰਾਪਤ ਜੁਆਇੰਟ ਰਿਪਲੇਸਮੈਂਟ ਸੇਵਾ ਦੀ ਸ਼ੁਰੂਆਤ ਨਾਲ ਵਿਸ਼ਵ ਪੱਧਰੀ ਆਧੁਨਿਕ ਤਕਨੀਕ ਹੁਣ ਇਸ ਖੇਤਰ ਦੇ ਲੋਕਾਂ ਦੇ ਹੋਰ ਨੇੜੇ ਪਹੁੰਚ ਗਈ ਹੈ, ਜਿਸ ਨਾਲ ਮਰੀਜ਼ਾਂ ਨੂੰ ਇਲਾਜ ਲਈ ਬਾਹਰ ਜਾਣ ਦੀ ਲੋੜ ਨਹੀਂ ਪਵੇਗੀ ਅਤੇ ਉਹ ਆਪਣੇ ਖੇਤਰ ਵਿੱਚ ਹੀ ਵਿਸ਼ਵ ਪੱਧਰੀ ਸਿਹਤ ਸੇਵਾਵਾਂ ਦਾ ਲਾਭ ਲੈ ਸਕਣਗੇ।