ਪਟਨਾ:- ਨਵੀਂ ਬਿਹਾਰ ਸਰਕਾਰ ਦੇ ਸਹੁੰ ਚੁੱਕ ਸਮਾਗਮ, ਜੋ ਕਿ 20 ਨਵੰਬਰ ਨੂੰ ਹੋਣ ਜਾ ਰਿਹਾ ਹੈ, ਤੋਂ ਪਹਿਲਾਂ ਐਨ.ਡੀ.ਏ. ਸਹਿਯੋਗੀ ਪਾਰਟੀਆਂ ਵਿੱਚ ਕੈਬਨਿਟ ਮੰਤਰੀਆਂ ਦੀ ਵੰਡ ਅਤੇ ਅਸੈਂਬਲੀ ਸਪੀਕਰ ਦੇ ਅਹੁਦੇ ਨੂੰ ਲੈ ਕੇ ਅਜੇ ਵੀ ਜ਼ੋਰਦਾਰ ਲਾਬਿੰਗ ਚੱਲ ਰਹੀ ਹੈ। ਸੂਤਰਾਂ ਅਨੁਸਾਰ, ਅਸੈਂਬਲੀ ਸਪੀਕਰ ਦੇ ਅਹੁਦੇ ’ਤੇ ਸਹਿਮਤੀ ਬਣਾਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ, ਕਿਉਂਕਿ ਭਾਜਪਾ ਅਤੇ ਜੇ.ਡੀ.ਯੂ. ਦੋਵੇਂ ਹੀ ਇਸ ਅਹੁਦੇ ’ਤੇ ਆਪਣਾ ਦਾਅਵਾ ਪੇਸ਼ ਕਰ ਰਹੇ ਹਨ। ਪਿਛਲੀ ਅਸੈਂਬਲੀ ਵਿੱਚ, ਭਾਜਪਾ ਦੇ ਨੰਦ ਕਿਸ਼ੋਰ ਯਾਦਵ ਸਪੀਕਰ ਸਨ।
ਸੀਨੀਅਰ ਜੇ.ਡੀ.ਯੂ. ਅਤੇ ਭਾਜਪਾ ਆਗੂ ਦਿੱਲੀ ਵਿੱਚ ਮੀਟਿੰਗਾਂ ਕਰ ਰਹੇ ਹਨ, ਜਿੱਥੇ ਸਪੀਕਰ ਦੇ ਅਹੁਦੇ ਤੋਂ ਇਲਾਵਾ ਮੁੱਖ ਮੰਤਰਾਲਿਆਂ ਦੀ ਵੰਡ ਵੀ ਮੁੱਖ ਏਜੰਡਾ ਹੈ। ਸੂਤਰਾਂ ਮੁਤਾਬਕ, ਸਪੀਕਰ ਅਹੁਦੇ ਲਈ ਜੇ.ਡੀ.ਯੂ. ਤੋਂ ਵਿਜੇ ਚੌਧਰੀ ਅਤੇ ਭਾਜਪਾ ਤੋਂ ਪ੍ਰੇਮ ਕੁਮਾਰ ਸਭ ਤੋਂ ਅੱਗੇ ਹਨ। ਵੱਧ ਤੋਂ ਵੱਧ 16 ਮੰਤਰੀ। (ਪਿਛਲੀ ਕੈਬਨਿਟ ਦੇ ਮੁਕਾਬਲੇ ਨਵੇਂ ਚਿਹਰੇ ਆ ਸਕਦੇ ਹਨ)।
ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਸਮੇਤ 14 ਮੰਤਰੀ। ਜੇ.ਡੀ.ਯੂ. ਪਾਰਟੀ ਪਿਛਲੇ ਕੈਬਨਿਟ ਦੇ ਮੰਤਰੀਆਂ ਨੂੰ ਦੁਹਰਾਉਣ ਦੀ ਤਿਆਰੀ ਵਿੱਚ ਹੈ। ਜੇ.ਡੀ.ਯੂ. ਸੂਤਰਾਂ ਦਾ ਕਹਿਣਾ ਹੈ ਕਿ ਉਹਨਾਂ ਦੀਆਂ ਸੀਟਾਂ ਵਧਣ ਕਾਰਨ ਉਹ ਇਸ ਵਾਰ ਪਿਛਲੇ 12 ਮੰਤਰੀਆਂ ਦੇ ਮੁਕਾਬਲੇ ਵੱਧ ਨੁਮਾਇੰਦਗੀ ਚਾਹੁੰਦੇ ਹਨ।
ਉੱਥੇ ਹੀ ਜੇਕਰ ਛੋਟੇ ਅਹੁਦਿਆਂ ਦੀ ਗੱਲ ਕਰੀਏ ਤਾਂ ਚਿਰਾਗ ਪਾਸਵਾਨ ਦੀ ਐਲਜੇਪੀ (ਆਰਵੀ): ਸੰਭਾਵਿਤ ਤੌਰ ’ਤੇ 3 ਮੰਤਰੀ ਅਹੁਦੇ। ਜੀਤਨ ਰਾਮ ਮਾਂਝੀ ਦੀ ਐੱਚਏਐੱਮ-ਐੱਸ: 1 ਮੰਤਰੀ ਅਹੁਦਾ। ਉਪੇਂਦਰ ਕੁਸ਼ਵਾਹਾ ਦੀ ਆਰ.ਐਲ.ਐਮ.: 1 ਮੰਤਰੀ ਅਹੁਦਾ ਮਿਲਣ ਦੀ ਸੰਭਾਵਨਾ ਹੈ।
ਸਹੁੰ ਚੁੱਕ ਸਮਾਗਮ ਇਤਿਹਾਸਕ ਗਾਂਧੀ ਮੈਦਾਨ ਵਿੱਚ ਹੋਵੇਗਾ। ਪਟਨਾ ਜ਼ਿਲ੍ਹਾ ਪ੍ਰਸ਼ਾਸਨ ਨੇ 20 ਨਵੰਬਰ ਤੱਕ ਗਾਂਧੀ ਮੈਦਾਨ ਵਿੱਚ ਆਮ ਲੋਕਾਂ ਦੇ ਦਾਖਲੇ ’ਤੇ ਪੂਰੀ ਪਾਬੰਦੀ ਲਗਾ ਦਿੱਤੀ ਹੈ। ਸੁਰੱਖਿਆ ਦੇ ਵੱਡੇ ਪ੍ਰਬੰਧ ਕੀਤੇ ਗਏ ਹਨ, ਕਿਉਂਕਿ ਸਮਾਗਮ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਹੋਰ ਕਈ ਵੱਡੇ ਐਨ.ਡੀ.ਏ. ਆਗੂ, ਜਿਵੇਂ ਕਿ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ।