ਚੰਡੀਗੜ੍ਹ, 29 ਨਵੰਬਰ- ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸਵੈ-ਨਿਰਭਰ ਭਾਰਤ ਦਾ ਸੁਪਨਾ ਸਿਰਫ਼ ਨਾਰਾ ਨਹੀਂ ਸਗੋਂ 21ਵੀਂ ਸਦੀ ਵਿੱਚ ਭਾਰਤ ਨੂੰ ਅਗ੍ਰਣੀ ਆਰਥਿਕ ਸ਼ਕਤੀ ਬਨਾਉਣ ਦਾ ਸੰਕਲਪ ਹੈ। ਮੁੱਖ ਮੰਤਰੀ ਅੱਜ ਪੰਚਕੂਲਾ ਵਿੱਚ ਆਯੋਜਿਤ ਸਵੈ-ਨਿਰਭਰ ਭਾਰਤ ਸਮੇਲਨ ਨੂੰ ਸੰਬੋਧਿਤ ਕਰ ਰਹੇ ਸਨ।
ਮੁੱਖ ਮੰਤਰੀ ਨੇ ਕਿਹਾ ਕਿ ਇਸ ਸਮੇਲਨ ਨਾਲ ਪ੍ਰਾਪਤ ਵਿਚਾਰ-ਮੰਥਨ ਵਿਕਸਿਤ ਭਾਰਤ ਵਿਕਸਿਤ ਹਰਿਆਣਾ ਦੇ ਟੀਚੇ ਨੂੰ ਨਵੀਂ ਗਤੀ ਦੇਵੇੇਗਾ। ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਭਾਰਤ ਨੂੰ ਸਾਲ 2047 ਤੱਕ ਵਿਕਸਿਤ ਰਾਸ਼ਟਰ ਬਨਾਉਣ ਅਤੇ 2030 ਤੱਕ ਪੰਜ ਟ੍ਰਿਲਿਅਨ ਡਾਲਰ ਅਰਥਵਿਵਸਥਾ ਦਾ ਟੀਚਾ ਰਖਿਆ ਹੈ। ਸਵੈ-ਨਿਰਭਰ ਭਾਰਤ ਦਾ ਸਾਰ ਹੈ ਉਦਯੋਗ, ਖੇਤੀਬਾੜੀ, ਸਿੱਖਿਆ, ਤਕਨੀਕ ਅਤੇ ਵਿਆਪਾਰ ਵਿੱਚ ਸਵੈ-ਨਿਰਭਰਤਾ।
ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਵੱਲੋਂ ਦੱਸੇ ਗਏ ਪੰਜ ਸਤੰਭ ਇਕੋਨਾਮੀ, ਨਿੰਫ੍ਰਾਸਟਕਚਰ, ਸਿਸਟਮ, ਡੇਮੋਗ੍ਰਾਫੀ ਅਤੇ ਡਿਮਾਂਡ ਅੱਜ ਰਾਸ਼ਟਰ ਨਿਰਮਾਣ ਦੀ ਮਜਬੂਤ ਅਧਾਰਸ਼ਿਲਾ ਹਨ। ਹਰਿਆਣਾ ਇਨ੍ਹਾਂ ਸਾਰੇ ਸਤੰਭਾਂ ਨੂੰ ਮਜਬੂਤ ਕਰਨ ਵਿੱਚ ਪ੍ਰਮੁੱਖ ਭੂਮੀਕਾ ਨਿਭਾ ਰਿਹਾ ਹੈ। ਖੁਦ ਪ੍ਰਧਾਨ ਮੰਤਰੀ ਹਰਿਆਣਾ ਨੂੰ ਭਾਰਤ ਦਾ ਗ੍ਰੋਥ ਇੰਜਨ ਕਹਿ ਚੁੱਕੇ ਹਨ।
ਖੇਤੀਬਾੜੀ ਖੇਤਰ 'ਤੇ ਬੋਲਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਨੇ ਦੇਸ਼ ਨੂੰ ਖੁਦਾਕ ਸਵੈ-ਨਿਰਭਰ ਬਨਾਉਣ ਵਿੱਚ ਅਗ੍ਰਣੀ ਭੂਮੀਕਾ ਨਿਭਾਈ ਹੈ। ਉਦਯੋਗ ਖੇਤਰ ਵਿੱਚ ਹਰਿਆਣਾ ਸਵੈ-ਨਿਰਭਰ ਪੋਰਟਲ ਉਦਮਿਆਂ ਨੂੰ ਯੋਜਨਾਵਾਂ ਦਾ ਸਿੱਧਾ ਲਾਭ ਮਿਲ ਰਿਹਾ ਹੈ। 12 ਲੱਖ ਤੋਂ ਵੱਧ ਐਮਐਸਐਮਈ ਵੱਲੋਂ 65 ਲੱਖ ਤੋਂ ਵੱਧ ਲੋਕਾਂ ਨੂੰ ਰੁਜਗਾਰ ਦਿੱਤਾ ਹੈ ਅਤੇ ਇਜ਼ ਆਫ਼ ਡੂਇੰਗ ਬਿਜਨੇਸ ਸੁਧਾਰਾਂ ਦੇ ਤਹਿਤ ਲਗਭਗ 400 ਕਰੋੜ ਰੁਪਏ ਦੀ ਮਦਦ ਦਿੱਤੀ ਗਈ ਹੈ।

ਸਟਾਰ-ਅਪ, ਐਮਐਸਐਮਈ ਅਤੇ ਇੰਫ੍ਰਾਸਟਕਚਰ ਵਿੱਚ ਹਰਿਆਣਾ ਦੇ ਰਿਹਾ ਰਾਸ਼ਟਰੀ ਯੋਗਦਾਨ
ਉਨ੍ਹਾਂ ਨੇ ਕਿਹਾ ਕਿ ਪਦਮਾ  ਪ੍ਰੋਗਰਾਮ ਰਾਹੀਂ ਹਰ ਬਲਾਕ ਵਿੱਚ ਕਲਸਟਰ ਪੱਧਰ 'ਤੇ ਉਦਯੋਗਿਕ ਬੁਨਿਆਦੀ ਢਾਂਚਾ ਵਿਕਸਿਤ ਹੋ ਰਿਹਾ ਹੈ। 48 ਵਿਭਾਗਾਂ ਵਿੱਚ 1100 ਤੋਂ ਵੱਧ ਗੈਰ-ਜਰੂਰੀ ਨਿਯਮ ਖਤਮ ਕਰ ਉਦਯੋਗ ਸੁਲਭ ਮਾਹੌਲ ਤਿਆਰ ਕੀਤਾ ਗਿਆ ਹੈ। ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਡੇਮੋਗ੍ਰਾਫ਼ੀ ਨੂੰ ਮਹੱਤਵਪੂਰਨ ਸਤੰਭ ਦੱਸਦੇ ਹੋਏ ਕਿਹਾ ਕਿ ਹਰਿਆਣਾ ਦਾ ਟੀਚਾ ਨੌਕਰੀ ਮੰਗਣ ਵਾਲੇ ਨਹੀਂ ਸਗੋਂ ਨੌਕਰੀ ਦੇਣ ਵਾਲੇ ਯੁਵਾ ਤਿਆਰ ਕਰਨਾ ਹੈ। ਹਰਿਆਣਾ ਸਟਾਰਟ-ਅਪ ਨੀਤੀ 2022 ਤੋਂ ਬਾਅਦ ਰਾਜ ਵਿੱਚ 9500 ਤੋਂ ਵੱਧ ਸਟਾਰ-ਅਪ ਸਥਾਪਿਤ ਹੋਏ ਹਨ। ਹਾਲ ਹੀ ਵਿੱਚ 22 ਸਟਾਰਟ-ਅਪਸ ਨੂੰ 1.14 ਕਰੋੜ ਰੁਪਏ ਦੀ ਮਦਦ ਦਿੱਤੀ ਗਈ ਹੈ ਅਤੇ 2000 ਕਰੋੜ ਰੁਪਏ ਦਾ ਫੰਡ ਆਫ਼ ਫੰਡਸ ਸਥਾਪਿਤ ਕੀਤਾ ਜਾ ਰਿਹਾ ਹੈ।
ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਇਸ ਮੌਕੇ 'ਤੇ ਵਕੀਲਾਂ ਅਤੇ ਮੌਜ਼ੂਦ ਜਨ-ਪ੍ਰਤੀਨਿਧੀਆਂ ਨੂੰ ਅਪੀਲ ਕੀਤੀ ਕਿ ਉਹ 1 ਦਸੰਬਰ ਨੂੰ ਸਵੇਰੇ 11 ਵਜੇ ਇੱਕ ਸਾਥ ਇੱਕ ਮਿਨਟ ਦਾ ਗੀਤਾ-ਪਾਠ ਕਰ ਗੀਤਾ ਜੈਯੰਤੀ  ਦੇ ਇਸ ਪਵਿੱਤਰ ਪਰਵ ਨਾਲ ਖੁਦ ਨੂੰ ਜੋੜਨ ਅਤੇ ਸਮਾਜ ਵਿੱਚ ਧਰਮ, ਡਿਯੂਟੀ ਅਤੇ ਰਾਸ਼ਟਰ ਨਿਰਮਾਣ ਦੇ ਸੰਦੇਸ਼ ਦਾ ਪ੍ਰਚਾਰ ਕਰਨ।
ਮੁੱਖ ਮੰਤਰੀ ਨੇ ਇਹ ਵਰਣ ਵੀ ਕੀਤਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਹਾਲ ਹੀ ਵਿੱਚ ਕਰਨਾਟਕ ਦੇ ਉਡੁਪੀ ਦੌਰੇ ਦੌਰਾਨ ਕੁਰੂਕਸ਼ੇਤਰ ਵਿੱਚ ਬਣੇ ਮਹਾਭਾਰਤ ਵਿਸ਼ੇ ਅਨੁਭਵ ਕੇਂਦਰ ਦਾ ਵਿਸ਼ੇਸ਼ ਤੌਰ ਨਾਲ ਜਿਕਰ ਕੀਤਾ ਹੈ ਅਤੇ ਦੇਸ਼ਵਾਸਿਆਂ ਨੂੰ ਅਪੀਲ ਕੀਤੀ ਕਿ ਉਹ ਜਰੂਰ ਇਸ ਅਣੌਖੇ ਕੇਂਦਰ ਦਾ ਅਵਲੋਕਨ ਕਰਨ।