ਜਬਲਪੁਰ : ਮੱਧ ਪ੍ਰਦੇਸ਼ ਦੇ ਕਬਾਇਲੀ ਮਾਮਲਿਆਂ ਦੇ ਮੰਤਰੀ ਵਿਜੈ ਸ਼ਾਹ ਵੱਲੋਂ ਕਰਨਲ ਸੋਫੀਆ ਕੁਰੈਸ਼ੀ ਬਾਰੇ ਦਿੱਤੇ ਗਏ ਬਿਆਨ 'ਤੇ ਸੁਪਰੀਮ ਕੋਰਟ 'ਚ ਸੁਣਵਾਈ ਚੱਲ ਰਹੀ ਹੈ। ਮੰਤਰੀ ਵਿਜੈ ਸ਼ਾਹ (ਨੇ ਮਾਨਪੁਰ, ਮਹੂ 'ਚ ਇਕ ਪ੍ਰੋਗਰਾਮ ਦੌਰਾਨ ਕਰਨਲ ਸੋਫੀਆ ਕੁਰੈਸ਼ੀ ਬਾਰੇ ਇਕ ਵਿਵਾਦਤ ਬਿਆਨ ਦਿੱਤਾ ਸੀ, ਜਿਸਨੇ ਆਪ੍ਰੇਸ਼ਨ ਸਿੰਦੂਰ ਬਾਰੇ ਜਾਣਕਾਰੀ ਦਿੱਤੀ ਸੀ।
ਸੁਣਵਾਈ ਦੌਰਾਨ ਮੰਤਰੀ ਵਿਜੈ ਸ਼ਾਹ ਦੇ ਵਕੀਲ ਮਨਿੰਦਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਆਪਣੇ ਬਿਆਨ ਲਈ ਮਾਫ਼ੀ ਮੰਗ ਲਈ ਹੈ। ਇਸ 'ਤੇ ਅਦਾਲਤ ਨੇ ਕਿਹਾ ਕਿ ਮਾਫ਼ੀ ਸਵੀਕਾਰ ਨਹੀਂ ਕੀਤੀ ਜਾਂਦੀ। ਇਕ ਮੰਤਰੀ ਦਾ ਆਚਰਨ ਆਦਰਸ਼ ਹੋਣਾ ਚਾਹੀਦਾ ਹੈ।
ਜੋਤੀ ਮਲਹੋਤਰਾ ਤੇ ਪ੍ਰਿਯੰਕਾ ਸੈਨਾਪਤੀ ਦਾ ਇੱਕ ਹੋਰ ਵੀਡੀਓ ਆਇਆ ਸਾਹਮਣੇ, ਪੁਰੀ; ਪਾਕਿਸਤਾਨ ਤੇ ਪਹਿਲਗਾਮ ਨਾਲ ਹੈ ਕੁਨੈਕਸ਼ਨਜੋਤੀ ਮਲਹੋਤਰਾ ਤੇ ਪ੍ਰਿਯੰਕਾ ਸੈਨਾਪਤੀ ਦਾ ਇੱਕ ਹੋਰ ਵੀਡੀਓ ਆਇਆ ਸਾਹਮਣੇ, ਪੁਰੀ; ਪਾਕਿਸਤਾਨ ਤੇ ਪਹਿਲਗਾਮ ਨਾਲ ਹੈ ਕੁਨੈਕਸ਼ਨ
ਅਦਾਲਤ ਨੇ ਇਹ ਵੀ ਕਿਹਾ ਕਿ ਅਸੀਂ ਅਦਾਲਤੀ ਹੁਕਮਾਂ 'ਤੇ ਮਾਫ਼ੀ ਮੰਗੀ ਹੈ। ਤੁਹਾਡੇ ਬਿਆਨ ਕਾਰਨ ਦੇਸ਼ ਵਿਚ ਗੁੱਸਾ ਹੈ। ਜੇਕਰ ਇਰਾਦਾ ਚੰਗਾ ਹੁੰਦਾ ਤਾਂ ਮਾਫ਼ੀ 'ਚ ਕੋਈ "ਜੇ" ਅਤੇ "ਪਰ" ਨਾ ਹੁੰਦਾ। ਅਦਾਲਤ ਨੇ ਤਿੰਨ ਆਈਪੀਐਸ ਅਧਿਕਾਰੀਆਂ ਦੀ ਇਕ ਐਸਆਈਟੀ ਬਣਾਈ ਹੈ, ਜੋ ਪੂਰੇ ਮਾਮਲੇ ਦੀ ਜਾਂਚ ਕਰੇਗੀ।
ਆਪਣੇ ਹੁਕਮ 'ਚ ਅਦਾਲਤ ਨੇ ਡੀਜੀਪੀ ਨੂੰ ਇਕ ਐਸਆਈਟੀ ਗਠਿਤ ਕਰਨ ਦਾ ਨਿਰਦੇਸ਼ ਦਿੱਤਾ। ਐਸਆਈਟੀ ਦੀ ਅਗਵਾਈ ਆਈਜੀ ਰੈਂਕ ਦੇ ਅਧਿਕਾਰੀ ਕਰਨਗੇ ਤੇ ਇਸ ਵਿਚ ਇਕ ਔਰਤ ਵੀ ਸ਼ਾਮਲ ਹੋਵੇਗੀ। ਵਿਜੈ ਸ਼ਾਹ ਨੂੰ ਜਾਂਚ ਵਿਚ ਸਹਿਯੋਗ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਹਾਲਾਂਕਿ, ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਜਾਵੇਗਾ।