ਗੜ੍ਹਸ਼ੰਕਰ ,8 ਅਪਰੈਲ- ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੱਖੋਵਾਲ ਵਿਖੇ ਇਕ ਸਾਦਾ ਸਮਾਗਮ ਦੌਰਾਨ ਪ੍ਰਵਾਸੀ ਭਾਰਤੀ ਹਰਭਜਨ ਸਿੰਘ ਅਤੇ ਚਰਨਜੀਤ ਸਿੰਘ ਨੇ ਸਕੂਲ ਦੇ ਬੱਚਿਆਂ ਨੂੰ ਸਕੂਲ ਬੈਗ,ਸਟੇਸ਼ਨਰੀ ਅਤੇ ਡਾਇਰੀਆਂ ਦਿੱਤੀਆਂ ਗਈਆਂ।ਪ੍ਰਵਾਸੀ ਭਾਰਤੀ ਪਰਿਵਾਰ  ਵੱਲੋਂ ਸਕੂਲ ਨੂੰ ਵਿੱਤੀ ਸਹਾਇਤਾ ਵੀ ਦਿੱਤੀ ਗਈ।  
ਸਕੂਲ ਅਧਿਆਪਕਾਂ ਵੱਲੋਂ ਵੀ ਬਾਕੀ ਵਿਦਿਆਰਥੀਆਂ ਨੂੰ ਡਾਇਰੀਆਂ ਵੰਡੀਆਂ ਗਈਆਂ।ਇਸ ਸਮੇਂ ਸੰਬੋਧਨ ਕਰਦੇ ਹੋਏ ਪ੍ਰਵਾਸੀ ਭਾਰਤੀਆਂ ਨੇ ਬੱਚਿਆਂ ਅਤੇ ਅਧਿਆਪਕਾਂ ਨੂੰ ਹੋਰ ਦੱਬਕੇ ਮਿਹਨਤ ਕਰਨ ਲਈ ਪ੍ਰੇਰਿਆ| ਇਸ ਮੌਕੇ ਪ੍ਰਿੰਸੀਪਲ  ਜਗਦੀਸ਼ ਕੌਰ ਅਤੇ  ਮਾ ਰਾਜ ਕੁਮਾਰ ਵੱਲੋਂ ਆਏ ਮਹਿਮਾਨਾ ਨੂੰ ਜੀਆਇਆਂ ਕਹਿੰਦਿਆਂ ਸਕੂਲ ਨੂੰ ਸਹਾਇਤਾ ਪ੍ਰਦਾਨ ਕਰਨ ਲਈ ਪ੍ਰਵਾਸੀ ਭਾਰਤੀਆਂ ਅਤੇ ਪਿੰਡ ਦੇ ਪਤਵੰਤਿਆਂ ਦਾ ਦਿਲ ਦੀਆਂ ਗਹਿਰਾਈਆਂ ਤੋਂ ਧੰਨਵਾਦ ਕੀਤਾ ਅਤੇ ਸਕੂਲ ਦੀਆਂ ਪ੍ਰਾਪਤੀਆਂ ਦਾ ਜ਼ਿਕਰ ਕੀਤਾ।
ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਲੈਕਚਰਾਰ ਮਨਮੋਹਨ ਸਿੰਘ,ਮਾ ਰਾਜ ਕੁਮਾਰ,ਜਸਵਿੰਦਰ ਸਿੰਘ,ਦਵਿੰਦਰ ਕੁਮਾਰ,ਗੁਰਮਿੰਦਰ ਸਿੰਘ,ਬਲਵਿੰਦਰ ਸਿੰਘ,ਮੈਡਮ ਜਤਿੰਦਰ ਕੌਰ, ਬਲਜੀਤ ਕੌਰ,ਸੀਮਾ  ਮਾ.ਹਰਵਿੰਦਰ ਸਿੰਘ,ਕੈਂਪਸ ਮੈਨੇਜਰ ਸੂਬੇਦਾਰ ਬਲਵੰਤ  ਸਿੰਘ ਦਦਿਆਲ ਤੇ ਸਾਬਕਾ ਸਰਪੰਚ  ਬਲਵੀਰ ਸਿੰਘ ਅਦਿ ਹਾਜਰ ਸਨ।ਵਿਦਿਆਰਥੀਆਂ ਨੇ ਉਸਾਰੂ ਗੀਤ ਸੰਗੀਤ ਪੇਸ਼ ਕੀਤਾ।