ਗੜ੍ਹਸ਼ੰਕਰ- ਤਰਕਸ਼ੀਲ ਸੁਸਾਇਟੀ ਪੰਜਾਬ (ਰਜ਼ਿ) ਇਕਾਈ ਗੜ੍ਹਸ਼ੰਕਰ ਦੀ ਚੋਣ ਸਰਬਸੰਮਤੀ ਨਾਲ ਹੋਈ।ਇਸ ਮੌਕੇ ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਸੱਭਿਆਚਾਰਕ ਵਿਭਾਗ ਮੁਖੀ ਜੋਗਿੰਦਰ ਕੁੱਲੇਵਾਲ ਤੋਂ ਇਲਾਵਾ ਜ਼ੋਨ ਕਮੇਟੀ ਦੇ ਮੀਡੀਆ ਮੁਖੀ ਮਾ ਜਗਦੀਸ਼ ਰਾਏ ਪੁਰ ਡੱਬਾ ਜੀ ਵਿਸੇਸ਼ ਨਿਗਰਾਨ ਵਜੋਂ ਹਾਜਰ ਸਨ। ਪਹਿਲਾਂ ਮਾ ਜਗਦੀਸ਼ ਜੀ ਨੇ ਸੰਸਥਾ ਦੇ ਐਲਾਨ-ਨਾਮੇ ਤੇ ਪ੍ਰਣ ਪੱਤਰ ਦੀ ਵਿਸਥਾਰ ਚ ਵਿਆਖਿਆ ਕੀਤੀ ਤੇ ਇਕਾਈ ਗੜ੍ਹਸ਼ੰਕਰ ਨੂੰ ਵਧੀਆ ਕਾਰਗੁਜ਼ਾਰੀ ਲਈ ਦੂਜੀ  ਵਾਰੀ ਸੂਬਾ ਕਮੇਟੀ ਵੱਲੋਂ ਸਨਮਾਨਤ ਕੀਤੇ ਜਾਣ ਤੇ ਵਧਾਈ ਦਿੱਤੀ।
ਇਸ ਮੌਕੇ ਮਾ ਰਾਜ ਕੁਮਾਰ ਨੇ ਬੀਤੇ ਦੋ ਸਾਲਾਂ ਦੀ ਕਾਰਗੁਜ਼ਾਰੀ ਰਿਪੋਰਟ ਪੇਸ਼ ਕੀਤੀ ।ਆਉਂਦੇ ਦੋ ਸਾਲਾਂ ਲਈ ਚੁਣੀ ਗਈ ਨਵੀਂ ਕਮੇਟੀ ਚ ਮਾ ਰਾਜ ਕੁਮਾਰ ਨੂੰ ਦੂਸਰੀ ਵਾਰ ਜਥੇਬੰਦਕ ਮੁਖੀ ਚੁਣਿਆਂ ਗਿਆ ਜਦਕਿ ਸੁਖਵਿੰਦਰ ਗੋਗਾ ਨੂੰ ਵਿੱਤ ਮੁਖੀ,ਗੁਰਨਾਮ ਹਾਜੀ ਪੁਰ ਨੂੰ ਸੱਭਿਆਚਾਰਕ ਵਿਭਾਗ ਮੁਖੀ, ਪ੍ਰਿੰਸੀਪਲ ਕਮਲਜੀਤ ਕੌਰ ਕੁੱਲੇਵਾਲ ਮਾਨਸਿਕ ਸਿਹਤ ਮਸ਼ਵਰਾ ਵਿਭਾਗ ਮੁਖੀ ਅਤੇ ਮਾ ਨਰੇਸ਼ ਭੰਮੀਆਂ ਨੂੰ ਮੀਡੀਆ ਵਿਭਾਗ ਮੁਖੀ ਚੁਣਿਆ ਗਿਆ। 
ਇਨ੍ਹਾਂ ਤੋਂ ਇਲਾਵਾ ਗੁਰਬਖਸ਼ ਸਿੰਘ ਨੂੰ ਸੱਭਿਆਚਾਰਕ ਵਿਭਾਗ ਸਹਾਇਕ, ਸਲੋਨੀ ਨੂੰ ਮਾਨਸਿਕ ਸਿਹਤ ਮਸ਼ਵਰਾ ਵਿਭਾਗ ਦੀ ਸਹਾਇਕ,ਕਰਨਦੀਪ ਨੂੰ ਵਿੱਤ ਸਹਾਇਕ, ਹਰਦੀਪ ਕੁਮਾਰ ਨੂੰ ਜਥੇਬੰਦਕ ਸਹਾਇਕ ਅਤੇ ਸਤਨਾਮ ਸਿੰਘ ਖਾਨ ਪੁਰੀ ਨੂੰ ਮੀਡੀਆ ਵਿਭਾਗ ਦੇ ਸਹਾਇਕ ਚੁਣਿਆਂ ਗਿਆ। ਇਸ ਮੌਕੇ ਜੋਗਿੰਦਰ ਕੁੱਲੇਵਾਲ ਨੂੰ ਸੂਬਾ ਅਤੇ ਜ਼ੋਨ ਕਮੇਟੀ ਲਈ ਡੈਲੀਗੇਟ ਚੁਣਿਆ ਗਿਆ। 
ਇਸ ਮੌਕੇ ਗੁਰਦੇਵ ਸਿੰਘ ਜੇ ਈ,ਡਾ ਰਾਮ ਲਾਲ ਸਰਪੰਚ ਹਾਜੀ ਪੁਰ,ਹੈੱਡਮਾਸਟਰ ਸੰਦੀਪ ਬਡੇਸਰੋਂ ਆਦਿ ਸਾਥੀ ਹਾਜਰ ਸਨ ਮਾ ਜਗਦੀਸ਼ ਅਤੇ ਜੋਗਿੰਦਰ ਕੁੱਲੇਵਾਲ ਨੇ ਸੰਬੋਧਨ ਕਰਦਿਆਂ ਸਮੂਹ ਅਹੁੱਦੇਦਾਰਾਂ ਅਤੇ ਹਾਜਰ ਮੈਂਬਰਾਂ ਨੂੰ ਸੰਸਥਾ ਦੇ ਪ੍ਰਚਾਰ ਪ੍ਰਸਾਰ ਲਈ ਡੱਟਕੇ ਕੰਮ ਕਰਨ ਲਈ ਪ੍ਰੇਰਿਆ ਤਰਕਸ਼ੀਲ ਮੈਗਜ਼ੀਨ ਤੇ ਹੋਰ ਉਸਾਰੂ ਵਿਗਿਆਨਕ ਸਾਹਿਤ ਲੋਕਾਂ ਤੱਕ ਲੈਕੇ ਜਾਣ,ਸੈਮੀਨਾਰ ਕਰਵਾਉਣ,ਤਰਕਸ਼ੀਲ ਨਾਟਕ ਮੇਲੇ ਕਰਵਾਉਣ ਲਈ ਪੇ੍ਰਰਿਆ। 
ਕੁੱਲੇਵਾਲ ਨੇ ਦੱਸਿਆ ਕਿ ਸੁਸਾਇਟੀ ਦਾ ਸੂਬਾਈ ਡੈਲੀਗੇਟ ਇਜਲਾਸ 5-6 ਅਪ੍ਰੈਲ ਨੂੰ ਬਰਨਾਲੇ ਵਿਖੇ ਹੋਵੇਗਾ ਜਿਸ ਵਿੱਚ ਪੂਰੇ ਪੰਜਾਬ ਚੋਂ ਜ਼ੋਨਾ ਦੀਆਂ ਸਾਰੀਆਂ ਇਕਾਈਆਂ ਦੇ ਚੁਣੇ ਹੋਏ ਡੈਲੀਗੇਟ ਸ਼ਾਮਲ ਹੋਣਗੇ।