ਪਟਿਆਲਾ- ਬਸੰਤ ਰਿਤੂ ਯੂਥ ਕਲੱਬ ਤ੍ਰਿਪੜੀ ਪਟਿਆਲਾ ਵੱਲੋਂ ਮੇਰਾ ਯੂਵਾ ਭਾਰਤ ਖੇਡ ਮੰਤਰਾਲੇ ਭਾਰਤ ਸਰਕਾਰ ਦੇ ਸਹਿਯੋਗ ਨਾਲ ਦੀਪ ਨਗਰ ਪਟਿਆਲਾ ਵਿਖੇ ਇੱਕ ਪੌਦਾ ਮੇਰੇ ਮਾਂ ਦੇ ਨਾਮ ਮੁਹਿੰਮ ਤਹਿਤ ਵਣ ਮਹਾਂ ਉਤਸਵ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ। ਇਸ ਦੀ ਪ੍ਰਧਾਨਗੀ ਸੰਦੀਪ ਸਿੰਘ ਨੇ ਕੀਤੀ ਅਤੇ ਮੁੱਖ ਮਹਿਮਾਨ ਵਜੋਂ ਸ੍ਰ. ਮੇਹਰ ਸਿੰਘ ਨੇ ਸ਼ਿਰਕਤ ਕੀਤੀ ਅਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ੍ਰ. ਹਰਪਾਲ ਸਿੰਘ ਪੰਨੂੰ ਵੀ ਪੁੱਜੇ।
 ਪ੍ਰੋਗਰਾਮ ਦੀ ਸ਼ੁਰੂਆਤ ਵਿੱਚ ਨਿੰਮ ਦਾ ਪੌਦਾ ਲਗਾ ਕੇ ਵਣ ਮਹਾ ਉਤਸਵ ਦਾ ਉਦਘਾਟਨ ਕੀਤਾ ਗਿਆ। ਕਲੱਬ ਦੇ ਪ੍ਰਧਾਨ ਇੰਜੀ: ਆਕਰਸ਼ ਸ਼ਰਮਾ ਅਤੇ ਸੰਸਥਾਪਕ ਰਾਜੇਸ਼ ਸ਼ਰਮਾ ਰਾਮਟੱਟਵਾਲੀ ਨੇ ਆਖਿਆ ਕਿ ਪਿਛਲੇ ਸਾਲ ਵੀ ਦੀਪ ਨਗਰ ਵਿਖੇ 100 ਪੌਦੇ ਲਗਾਏ ਗਏ ਸਨ ਜਿਨ੍ਹਾਂ ਵਿਚੋਂ ਅੱਜ ਲਗਭਗ 70 ਪ੍ਰਤੀਸ਼ਤ ਪੌਦੇ ਚੱਲ ਰਹੇ ਹਨ। 
ਉਹਨਾਂ ਦੇ ਇਸੀ ਉਤਸ਼ਾਹ ਨੂੰ ਦੇਖਦੇ ਹੋਏ ਬਸੰਤ ਰਿਤੂ ਯੂਥ ਕਲੱਬ ਤ੍ਰਿਪੜੀ ਪਟਿਆਲਾ ਵੱਲੋਂ ਇਸ ਬਰਸਾਤ ਦੇ ਮੌਸਮ ਵਿੱਚ ਵੀ ਦੀਪ ਨਗਰ ਦੇ ਨਿਵਾਸੀਆਂ ਦੀ ਇੱਛਾ ਅਨੁਸਾਰ ਨਿੰਮ ਅਤੇ ਸੁਖਚੈਨ ਦੇ ਪੌਦੇ ਲਗਾਉਣ ਦਾ ਪ੍ਰੋਗਰਾਮ ਉਲੀਕਿਆ ਗਿਆ ਹੈ।
 ਅਤੇ ਦੀਪ ਨਗਰ ਦੀਆਂ ਗਲੀਆਂ ਅਤੇ ਬਾਈਪਾਸ ਰੋਡ ਤੇ ਇਹ ਪੌਦੇ ਲਗਾਉਣ ਦਾ ਪ੍ਰੋਗਰਾਮ ਅੱਜ ਸ਼ੁਰੂ ਕੀਤਾ ਗਿਆ ਅਤੇ ਸ਼ੁਰੂਆਤ ਵਿੱਚ ਕਲੱਬ ਵੱਲੋਂ 50 ਨਿੰਮ ਅਤੇ ਸੁਖਚੈਨ ਦੇ ਪੌਦੇ ਲਗਾਏ ਗਏ। ਇਲਾਕਾ ਨਿਵਾਸੀ ਸੰਦੀਪ ਸਿੰਘ ਨੇ ਆਖਿਆ ਕਿ ਉਹ ਬਸੰਤ ਰਿਤੂ ਯੂਥ ਕਲੱਬ ਤਿ਼ਪੜੀ ਨਾਲ ਮਿਲ ਕੇ ਉਹ ਦੀਪ ਨਗਰ ਦੀ ਹਰ ਗਲੀ ਵਿੱਚ ਨਿੰਮ ਦੇ ਬੂਟੇ ਲਗਾਉਣਗੇ।
 ਕਲੱਬ ਦੇ ਸੰਸਥਾਪਕ ਰਾਜੇਸ਼ ਸ਼ਰਮਾ ਰਾਮਟੱਟਵਾਲੀ ਨੇ ਦੀਪ ਨਗਰ ਨਿਵਾਸੀਆਂ ਦਾ ਧੰਨਵਾਦ ਕਰਦਿਆ ਆਖਿਆ ਕਿ ਦੀਪ ਨਗਰ ਨਿਵਾਸੀ ਪਟਿਆਲਾ ਲਈ ਇੱਕ ਮਿਸਾਲ ਬਣ ਰਹੇ ਹਨ। ਦੀਪ ਨਗਰ ਦੀਆਂ ਲਗਭਗ 20 ਗਲੀਆਂ ਵਿੱਚ ਨਿੰਮ ਦੇ ਪੌਦੇ ਲਗਾਉਣ ਦੀ ਜ਼ੋ ਸ਼ੁਰੂਆਤ ਕੀਤੀ ਗਈ ਹੈ ਉਹ ਸਾਰਿਆ ਲਈ ਪ੍ਰੇਰਣਾ ਦਾ ਸਰੋਤਰ ਬਣੇਗੀ। 
ਸ੍ਰ. ਮੇਹਰ ਸਿੰਘ ਅਤੇ ਸ੍ਰ. ਹਰਪਾਲ ਸਿੰਘ ਪੰਨੂੰ ਨੇ ਵੀ ਵਾਤਾਵਰਨ ਨੂੰ ਬਚਾਉਣ ਲਈ ਆਪਣਾ ਵਿਚਾਰ ਰੱਖਦਿਆ ਆਖਿਆ ਕਿ ਅੱਜ ਪੌਦੇ ਲਗਾਉਣਾ ਅਤੇ ਜੱਲ ਬਚਾਉਣਾ ਸਮੇਂ ਦੀ ਲੋੜ ਹੈ। ਜੇਕਰ ਹਰ ਇਨਸਾਨ ਪੌਦੇ ਲਗਾਵੇਗਾ ਅਤੇ ਜਲ ਬਚਾਵੇਗਾ ਉਹ ਪ੍ਰਕਿਰਤੀ ਦੀ ਬਹੁਤ ਵੱਡੀ ਸੇਵਾ ਕਰੇਗਾ। ਇਸ ਲਈ ਸਾਨੂੰ ਸਾਰਿਆਂ ਨੂੰ ਪੋਦੇ ਲਗਾਉਣ ਅਤੇ ਜਲ ਬਚਾਉਣ ਲਈ ਅੱਗੇ ਆਉਣਾ ਪਵੇਗਾ। ਇਸ ਪ੍ਰੋਗਰਾਮ ਵਿੱਚ ਕਲੱਬ ਮੈਂਬਰ ਮੁਕੇਸ਼ ਕੁਮਾਰ, ਰੁਪਿੰਦਰ ਸਿੰਘ, ਜਗਤਾਰ ਸਿੰਘ, ਧਰਮਿੰਦਰ ਕੁਮਾਰ, ਆਦਿ ਮੈਂਬਰਾਂ ਨੇ ਭਾਗ ਲਿਆ।
ਜਾਰੀ ਕਰਤਾ ਰਾਜੇਸ਼ ਸ਼ਰਮਾ
ਬਸੰਤ ਰਿਤੂ ਯੂਥ ਕਲੱਬ ਤ੍ਰਿਪੜੀ ਪਟਿਆਲਾ ਵੱਲੋਂ ਦੀਪ ਨਗਰ ਤ੍ਰਿਪੜੀ ਪਟਿਆਲਾ ਵਿਖੇ ਨਿੰਮ ਦੇ ਪੌਦੇ ਲਗਾਉਂਦੇ ਹੋਏ ਸੰਦੀਪ ਸਿੰਘ, ਹਰਪਾਲ ਸਿੰਘ ਪੰਨੂ, ਮੇਹਰ ਸਿੰਘ, ਰੁਪਿੰਦਰ ਸਿੰਘ, ਕਲੱਬ ਪ੍ਰਧਾਨ ਇੰਜ: ਆਕਰਸ਼ ਸ਼ਰਮਾ, ਮਾਨਵ ਕੁਮਾਰ ਫੌਜੀ, ਰਾਜੇਸ਼ ਸ਼ਰਮਾ ਰਾਮਟੱਟਵਾਲੀ।