ਗੜਸ਼ੰਕਰ, 25 ਅਗਸਤ- ਭਾਰਤ ਦੀ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਹਸਪਤਾਲ ਚੇਨ ਸੇਵਾ 24 7 ਅਤੇ ਮਾਈ ਹਸਪਤਾਲਜ਼ ਨੇ ਰਮਨਪ੍ਰੀਤ ਹਸਪਤਾਲ, ਚੰਡੀਗੜ੍ਹ ਰੋਡ, ਗੜ੍ਹਸ਼ੰਕਰ ਵਿਖੇ ਨਿਊਰੋ ਟਰੌਮਾ, ਸਪਾਈਨ ਸਰਜਰੀ, ਕਾਰਡੀਓਲੋਜੀ ਵਿਭਾਗ, ਗੈਸਟ੍ਰੋਐਂਟਰੋਲੋਜੀ ਵਿਭਾਗ, ਮੈਡੀਸਨ ਵਿਭਾਗ, ਆਈਵੀਐਫ ਸੈਂਟਰ ਅਤੇ ਆਈਸੀਯੂ ਖੋਲ੍ਹਿਆ।
ਸੰਸਥਾਪਕ ਡਾਇਰੈਕਟਰ ਵਿਸ਼ਾਲ ਭੱਲਾ ਨੇ ਕਿਹਾ ਕਿ ਸੇਵਾ ਪੇਂਡੂ ਖੇਤਰਾਂ ਵਿੱਚ ਅਜਿਹੇ ਮੈਡੀਕਲ ਸਪੈਸ਼ਲਿਟੀ ਅਤੇ ਸੁਪਰਸਪੈਸ਼ਲਿਟੀ ਹਸਪਤਾਲ ਖੋਲ੍ਹਣਾ ਜਾਰੀ ਰੱਖੇਗੀ, ਜਿੱਥੇ ਮਰੀਜ਼ਾਂ ਨੂੰ ਵੱਡੇ ਸ਼ਹਿਰਾਂ ਵਿੱਚ ਜਾਣਾ ਪੈਂਦਾ ਹੈ ਅਤੇ ਕਈ ਵਾਰ ਮਰੀਜ਼ ਜਾਨ ਗੁਆ ਬੈਠਦੇ ਹਨ, ਇਸ ਲਈ ਹਰ ਸ਼ਹਿਰ ਵਿੱਚ ਅਜਿਹੇ ਸੈਂਟਰ ਦੀ ਲੋੜ ਹੈ। 
ਵਿਸ਼ੇਸ਼ ਮਹਿਮਾਨ ਵਜੋਂ ਮੌਜੂਦ ਸਨ ਡਾ ਵਰੁਣ ਖੁੱਲਰ, ਕੰਸਲਟੈਂਟ ਨਿਊਰੋਸਰਜਨ, ਜੋ ਮਾਈ ਹਸਪਤਾਲ, ਗੜ੍ਹਸ਼ੰਕਰ ਵਿੱਚ ਸ਼ਾਮਲ ਹੋਏ ਹਨ, ਆਈਐਮਏ ਪ੍ਰਧਾਨ ਜੰਗ ਬਹਾਦਰ, ਡਾ ਰਮਨਪ੍ਰੀਤ ਕੌਰ, ਆਈਵੀਐਫ ਸਪੈਸ਼ਲਿਸਟ ਅਤੇ ਡਾਇਰੈਕਟਰ, ਡਾ ਜਸਵੰਤ ਸਿੰਘ, ਐਮਡੀ ਮੈਡੀਸਨ, ਸਚਿਨ ਅੰਗਰਾ, ਏਜੀਐਮ ਆਪ੍ਰੇਸ਼ਨਜ਼, ਅਤੇ ਅਕਾਂਕਸ਼ਾ, ਐਚਆਰ।