ਅੰਬਾਲਾ, 31 ਜਨਵਰੀ:- ਹਰਿਆਣਾ ਦੇ ਊਰਜਾ, ਆਵਾਜਾਈ ਅਤੇ ਕਿਰਤ ਮੰਤਰੀ ਅਨਿਲ ਵਿਜ ਨੇ ਕਿਰਤ ਵਿਭਾਗ ਵਿੱਚ ਵਰਕ ਸਲਿਪ ਘੁਟਾਲੇ ਮਾਮਲੇ ਵਿੱਚ ਕਾਂਗਰਸ ਨੇਤਾ ਰਣਦੀਪ ਸੁਰਜੇਵਾਲਾ ਵੱਲੋਂ ਸਰਕਾਰ 'ਤੇ ਲਾਏ ਗਏ ਘੁਟਾਲੇ ਦੇ ਦੋਸ਼ਾਂ ਦਾ ਸਖ਼ਤ ਜਵਾਬ ਦਿੰਦੇ ਹੋਏ ਕਿਹਾ, "ਸੁਰਜੇਵਾਲਾ ਜੀ, ਅਸੀਂ ਤੁਹਾਡੇ ਵਾਂਗ ਘੁਟਾਲੇ ਨਹੀਂ ਲੁਕਾਉਂਦੇ, ਘੁਟਾਲਾ ਹੋਇਆ ਹੈ, ਇਸ ਦਾ ਪਰਦਾਫਾਸ਼ ਹੋ ਗਿਆ ਹੈ ਅਤੇ ਅਸੀਂ ਮੁੱਖ ਮੰਤਰੀ ਨੂੰ ਇਸ ਦੀ ਉੱਚ ਪੱਧਰੀ ਜਾਂਚ ਲਈ ਲਿਖਿਆ ਹੈ ਅਤੇ ਮੁੱਖ ਮੰਤਰੀ ਨੇ ਇਹ ਵੀ ਆਦੇਸ਼ ਦਿੱਤੇ ਹਨ ਕਿ ਬਾਕੀ ਨੌਂ ਜ਼ਿਲ੍ਹਿਆਂ ਵਿੱਚ ਜਾਂਚ ਤੁਰੰਤ ਪੂਰੀ ਕੀਤੀ ਜਾਵੇ ਤਾਂ ਜੋ ਇਸ ਮਾਮਲੇ ਵਿੱਚ ਫ਼ੈਸਲਾ ਲਿਆ ਜਾ ਸਕੇ।"
ਕਿਰਤ ਮੰਤਰੀ ਅੱਜ ਇੱਥੇ ਪੱਤਰਕਾਰਾਂ ਨਾਲ ਗੱਲ-ਬਾਤ ਕਰ ਰਹੇ ਸਨ। ਉਨ੍ਹਾਂ ਸੁਰਜੇਵਾਲਾ 'ਤੇ ਚੁਟਕੀ ਲੈਂਦੇ ਹੋਏ ਪੁੱਛਿਆ ਕਿ ਸੁਰਜੇਵਾਲਾ ਇਸ ਮਾਮਲੇ ਵਿੱਚ ਕਿਵੇਂ ਸ਼ਾਮਲ ਹੋਏ। ਇਹ ਸੰਭਵ ਹੈ ਕਿ ਇਹ ਮਾਮਲਾ ਉਨ੍ਹਾਂ (ਕਾਂਗਰਸ) ਦੇ ਸਮੇਂ ਦਾ ਹੈ; ਇਹ ਅਜੇ ਤੱਕ ਪਤਾ ਨਹੀਂ ਹੈ ਕਿ ਇਹ ਸ਼ਰਾਰਤ ਕਦੋਂ ਹੋਈ ਅਤੇ ਨਾ ਹੀ ਇਹ ਸਪਸ਼ਟ ਹੈ ਕਿ ਇਹ ਘੁਟਾਲਾ ਕਿਸ ਦੇ ਸਮੇਂ ਦਾ ਹੈ।
ਅਰਾਵਲੀ ਦੇ ਮੁੱਦੇ ਤੇ ਸਾਂਸਦ ਦੀਪਿੰਦਰ ਹੁੱਡਾ ਦੇ ਦੋਸ਼ ਕਿ ਇਹ ਸਾਰੀ ਖੇਡ ਸਾਢੇ 10 ਹਜ਼ਾਰ ਕਰੋੜ ਰੁਪਏ ਚੰਦੇ ਲਈ ਹੈ, ਦਾ ਜਵਾਬ ਦਿੰਦਿਆਂ ਅਨਿਲ ਵਿਜ ਨੇ ਕਿਹਾ ਕਿ ਹੁੱਡਾ ਬੇਬੁਨਿਆਦ ਅਤੇ ਬਿਨਾ ਅਧਾਰ ਦੇ ਗੱਲਾਂ ਕਰ ਰਹੇ ਹਨ। ਅਰਾਵਲੀ ਵਿਚ ਜੋ ਹੋਇਆ ਉਹ ਸੁਪਰੀਮ ਕੋਰਟ ਨੇ ਕੀਤਾ ਅਤੇ ਆਪਣੇ ਫ਼ੈਸਲੇ ਤੇ ਰੋਕ ਵੀ ਸੁਪਰੀਮ ਕੋਰਟ ਨੇ ਹੀ ਲਾਈ ਹੈ। ਇਸ ਦਾ ਮਤਲਬ ਇਹ ਹੈ ਕਿ ਹੁੱਡਾ ਸੁਪਰੀਮ ਕੋਰਟ ਤੇ ਦੋਸ਼ ਲਾ ਰਹੇ ਹਨ।
2026 ਲਈ ਆਪਣੇ ਵਿਭਾਗਾਂ ਲਈ ਨਵੇਂ ਰੋਡਮੈਪ ਬਾਰੇ ਪੁੱਛੇ ਗਏ ਸਵਾਲ ਦੇ ਜਵਾਬ ਵਿੱਚ ਊਰਜਾ ਮੰਤਰੀ ਨੇ ਕਿਹਾ ਕਿ ਇੱਥੇ ਹਰ ਰੋਜ਼ ਕੁਝ ਨਵਾਂ ਹੁੰਦਾ ਹੈ, ਸਰਕਾਰ ਦੁਆਰਾ ਹਰ ਰੋਜ਼ ਕੁਝ ਨਵਾਂ ਕੀਤਾ ਜਾਂਦਾ ਹੈ ਅਤੇ ਇਸੇ ਲਈ ਹਰਿਆਣਾ ਦੇ ਜਾਗਰੂਕ ਲੋਕਾਂ ਨੇ ਤੀਜੀ ਵਾਰ ਭਾਰਤੀ ਜਨਤਾ ਪਾਰਟੀ ਦੀ ਸਰਕਾਰ ਬਣਾਈ ਹੈ। ਇਹ ਪਹਿਲੀ ਵਾਰ ਹੋਇਆ ਹੈ ਕਿਉਂਕਿ ਇਹ ਸਰਕਾਰ ਇੱਕ ਕਾਰਜਸ਼ੀਲ ਸਰਕਾਰ ਹੈ।