ਐਸ. ਏ. ਐਸ. ਨਗਰ, 8 ਸਤੰਬਰ- ਸਟਾਰ ਪਲੱਸ ’ਤੇ ਅੱਜ ਸ਼ਾਮ 7:30 ਵਜੇ ਤੋਂ ਪ੍ਰਸਾਰਿਤ ਹੋਣ ਜਾ ਰਹੇ ਹਿੰਦੀ ਲੜੀਵਾਰ ‘ਸੰਪੂਰਨਾ’ ਵਿੱਚ ਸਰਘੀ ਕਲਾ ਕੇਂਦਰ ਦੇ ਜਨਰਲ ਸਕੱਤਰ ਕੁੱਕੂ ਦੀਵਾਨ ਹੀਰੋ ਦੇ ਪਿਤਾ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। ਪ੍ਰਸਿੱਧ ਬੰਗਾਲੀ ਵੈਬਸੀਰੀਜ਼ ਨੋਸਤোনੀਰ ਦੇ ਹਿੰਦੀ ਰੀਮੇਕ ਸੰਪੂਰਨਾ ਦਾ ਟੀਜ਼ਰ ਚਰਚਿਤ ਫਿਲਮ ਅਦਾਕਾਰ ਅਤੇ ਸਮਾਜਿਕ ਕਾਰਕੁਨ ਸੋਨੂ ਸੂਦ ਰਿਲੀਜ਼ ਕਰਨਗੇ।
 ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਨਾਟਕਕਾਰ ਸੰਜੀਵਨ ਸਿੰਘ ਨੇ ਦੱਸਿਆ ਕਿ ਸਾਢੇ ਚਾਰ ਦਹਾਕੇ ਪਹਿਲਾਂ ਬਾਲ ਉਮਰੇ ਰਾਮ ਲੀਲਾ ਰਾਹੀਂ ਮੰਚ ’ਤੇ ਆਪਣੀ ਹਾਜ਼ਰੀ ਲਵਾਉਣ ਤੋਂ ਬਾਅਦ ਕੁੱਕੂ ਨੇ ਪਿੱਛੇ ਮੁੜ ਕੇ ਨਹੀਂ ਵੇਖਿਆ। ਪੰਜਾਬੀ ਰੰਗਮੰਚ ਦੇ ਖੇਤਰ ਵਿੱਚ ਸਰਘੀ ਕਲਾ ਕੇਂਦਰ ਰਾਹੀਂ ਨਾਟਕ ‘ਡੈਣ’ ਵਿੱਚ ਇੱਕ ਨਿੱਕੇ ਜਿਹੇ ਰੋਲ ਨਾਲ ਪ੍ਰਵੇਸ਼ ਕੀਤਾ।