ਚੰਡੀਗੜ੍ਹ:- ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕੇਂਦਰ ਸਰਕਾਰ ਵੱਲੋਂ ਜੀ.ਐੱਸ.ਟੀ. ਘਟਾਏ ਜਾਣ 'ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਖੁਦ ਹੀ ਜੀ.ਐੱਸ.ਟੀ. ਲੈ ਕੇ ਆਈ ਸੀ ਅਤੇ ਉਸ ਨੂੰ ਮਾਸਟਰ ਸਟ੍ਰੋਕ ਦੱਸਿਆ ਸੀ ਪਰ ਹੁਣ ਆਪ ਹੀ ਘਟਾ ਕੇ ਲੋਕਾਂ ਨੂੰ ਭੁਲੇਖੇ ਵਿਚ ਪਾ ਰਹੀ ਹੈ। 
ਮੁੱਖ ਮੰਤਰੀ ਨੇ ਕਿਹਾ ਕਿ ਜੀ.ਐੱਸ.ਟੀ. ਲੈ ਕੇ ਵੀ ਭਾਜਪਾ ਹੀ ਆਈ ਸੀ ਅਤੇ ਕਟੌਤੀ ਵੀ ਇਨ੍ਹਾਂ ਨੇ ਹੀ ਕੀਤੀ ਹੈ। ਜੇ ਪਹਿਲਾਂ ਹੀ ਇਹ ਟੈਕਸ ਨਾ ਲਿਆਉਂਦੇ ਤਾਂ ਮਹਿੰਗਾਈ ਅਸਮਾਨ ਨਾ ਛੂਹਦੀ। ਆਪ ਹੀ ਵਧਾ ਲੈਂਦੇ ਹਨ, ਆਪ ਹੀ ਘਟਾ ਲੈਂਦੇ ਹਨ ਅਤੇ ਕਹਿੰਦੇ ਹਨ ਕਿ ਕਮਾਲ ਹੋ ਗਿਆ।
ਮਾਨ ਨੇ ਕੇਂਦਰ ਨੂੰ ਘੇਰਦਿਆਂ ਕਿਹਾ ਕਿ ਲੋਕਾਂ ਨੂੰ ਦਿਖਾਵਾ ਕਰਨ ਦੀ ਬਜਾਏ ਸਭ ਤੋਂ ਪਹਿਲਾਂ ਸੂਬਿਆਂ ਦੇ ਹਿੱਸੇ ਦਾ ਜੀ.ਐੱਸ.ਟੀ. ਦਾ ਬਕਾਇਆ ਪੈਸਾ ਜਾਰੀ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਦੱਸਿਆ ਕਿ ਕਈ ਸੂਬੇ, ਜਿਨ੍ਹਾਂ ਵਿੱਚ ਪੰਜਾਬ ਵੀ ਸ਼ਾਮਲ ਹੈ, ਬਕਾਇਆ ਪੈਸੇ ਦੇ ਇੰਤਜ਼ਾਰ ਵਿਚ ਹਨ, ਜਿਸ ਕਾਰਨ ਵਿਕਾਸ ਦੇ ਕਈ ਕੰਮ ਪ੍ਰਭਾਵਿਤ ਹੋ ਰਹੇ ਹਨ।