ਗੜ੍ਹਸ਼ੰਕਰ - ਆਦਰਸ਼ ਸੋਸ਼ਲ ਵੈਲਫੇਅਰ ਸੁਸਾਇਟੀ ਪੰਜਾਬ ਵਲੋ ਸੰਸਥਾਪਕ ਪ੍ਰਧਾਨ ਸਤੀਸ਼ ਕੁਮਾਰ ਸੋਨੀ ਦੀ ਪ੍ਰਧਾਨਗੀ ਵਿੱਚ ਇੱਕ ਸਨਮਾਨ ਸਮਾਰੋਹ ਕੀਤਾ ਗਿਆ ਜਿਸ ਵਿਚ ਸੀਨੀਅਰ ਮੀਤ ਪ੍ਰਧਾਨ ਲਖਵਿੰਦਰ ਕੁਮਾਰ ਅਤੇ ਜਿਲ੍ਹਾ ਪ੍ਰਧਾਨ ਜਸਪ੍ਰੀਤ ਕੌਰ ਹਾਜਿਰ ਹੋਏ।ਇਸ ਦੌਰਾਨ ਹਰਭਜਨ ਲਾਲ ਸਰੋਆ ਪਰਿਵਾਰ ਦਾ ਵਿਸ਼ੇਸ ਸਨਮਾਨ ਕੀਤਾ ਗਿਆ। 
ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਸਤੀਸ਼ ਕੁਮਾਰ ਸੋਨੀ ਨੇ ਦੱਸਿਆ ਕਿ ਇਹ ਸਨਮਾਨ ਸਰੋਆ ਪਰਿਵਾਰ ਵੱਲੋਂ ਮਨਾਈ ਜਾ ਰਹੀ ਆਪਣੀ ਪੋਤਰੀ ਜਪ ਰਹਿਮਤ ਕੌਰ ਦੀ ਲੋਹੜੀ ਦੌਰਾਨ ਉਹਨਾ ਦੇ ਘਰ ਜਾ ਕੇ ਹਰਭਜਨ ਲਾਲ ਸਰੋਆ ਅਤੇ ਸੁਰਿੰਦਰ ਕੌਰ ਸਰੋਆ ਦਾ ਸਨਮਾਨ ਚਿੰਨ ਦੇ ਕੇ ਸਨਮਾਨ ਕੀਤਾ ਗਿਆ ,ਵਰਨਣ ਯੋਗ ਹੈ ਕਿ ਆਦਰਸ਼ ਸੋਸ਼ਲ ਵੈਲਫੇਅਰ ਸੁਸਾਇਟੀ ਪੰਜਾਬ ਵਲੋ ਪਿਛਲੇ 2017 ਤੋ ਲਗਾਤਾਰ ਸੱਤਾਂ ਸਾਲਾਂ ਤੋਂ ਧੀਆਂ ਦੀਆਂ ਲੋਹੜੀਆਂ ਪਾਈਆਂ ਜਾ ਰਹੀਆਂ ਹਨ।ਜਿਸ ਦੇ ਨਤੀਜੇ ਅੱਜ ਸਮੁੱਚੇ ਸਮਾਜ ਵਿਚ ਬਹੁਤ ਹੀ ਵੱਡੇ ਬਦਲਾਅ ਦੇਖਣ ਨੂੰ ਮਿਲ ਰਿਹਾ ਹੈ ਅੱਜ ਘਰਾਂ ਵਿੱਚ ਜਿੱਥੇ ਪਹਿਲਾਂ ਸਿਰਫ ਬੇਟੇ ਦੀ ਲੋਹੜੀ ਪਾਈ ਜਾਂਦੀ ਸੀ,ਅੱਜ ਹਰਭਜਨ ਲਾਲ ਸਰੋਆ ਨੇ ਪੋਤਰੀ ਦੀ ਲੋਹੜੀ ਪਾਂ ਕੇ ਬੇਟੇ ਅਤੇ ਬੇਟੀ ਨੂੰ ਬਰਾਬਰੀ ਦਾ ਸਨਮਾਨ ਦੇ ਕੇ ਇਸ ਫਰਕ਼ ਨੂੰ ਖਤਮ ਕਰ ਦਿੱਤਾ ਹੈ। ਇਸ ਮੌਕੇ ਜਿਲ੍ਹਾ ਪ੍ਰਧਾਨ ਜਸਪ੍ਰੀਤ ਕੌਰ ਨੇ ਨੇ ਕਿਹਾ ਕਿ ਆਦਰਸ਼ ਸੋਸ਼ਲ ਵੈਲਫੇਅਰ ਸੁਸਾਇਟੀ ਵਿਚ ਬੇਟੀਆਂ ਨੂੰ ਪੂਰਾ ਸਨਮਾਨ ਦਿੱਤਾ ਜਾਂਦਾ ਹੈ ਅਤੇ ਜਿਸ ਨਤੀਜੇ ਵਜੋਂ ਅੱਜ ਮੈ ਜਿਲ੍ਹਾ ਪ੍ਰਧਾਨ ਦੇ ਅਹੁਦੇ ਤੇ ਵਿਰਾਜਮਾਨ ਹਾਂ,ਜੋਕਿ ਮੇਰੇ ਲਈ ਮਾਣ ਵਾਲੀ ਗੱਲ ਹੈ।ਸੁਸਾਇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਲਖਵਿੰਦਰ ਕੁਮਾਰ ਨੇ ਦੱਸਿਆ ਸਾਡੀ ਸੁਸਾਇਟੀ ਵੱਲੋਂ ਬੇਟੀਆਂ ਦੇ ਉੱਜਵਲ ਭਵਿੱਖ ਲਈ ਉਪਰਾਲੇ ਕੀਤੇ ਜਾਂਦੇ ਹਨ ਅਤੇ ਅਲੱਗ ਅਲੱਗ ਖੇਤਰਾਂ ਅਪਣਾ ਨਾਮ ਕਮਾਉਣ ਵਾਲੀਆ ਬੇਟੀਆਂ ਦਾ ਸਨਮਾਨ ਵੀ ਕੀਤਾ ਜਾਂਦਾ ਹੈ।ਇਸ ਮੌਕੇ ਤੇ ਮੌਜੂਦ ਸੋਮਨਾਥ ਬੰਗੜ ਸੀਨੀਅਰ ਵਾਈਸ ਪ੍ਰਧਾਨ ਨਗਰ ਕੌਂਸਲ ਗੜ੍ਹਸ਼ੰਕਰ ਨੇ ਸੁਸਾਇਟੀ ਵੱਲੋਂ ਕੀਤੇ ਗਏ ਇਸ ਸਨਮਾਨ ਸਮਾਰੋਹ ਦੀ ਸਲਾਘਾ ਕਰਦਿਆਂ ਕਿਹਾ ਕਿ ਇਹੋ ਜਿਹੇ ਕਾਰਜ ਸਮਾਜ ਨੂੰ ਨਵੀਂ ਸੇਧ ਦਿੰਦੇ ਹਨ। ਅਸੀ ਇਥੇ ਆਉਣ ਤੇ ਆਦਰਸ਼ ਸੋਸ਼ਲ ਵੈਲਫੇਅਰ ਸੁਸਾਇਟੀ ਦੇ ਮੈਂਬਰਾਂ ਦਾ ਧੰਨਵਾਦ ਕਰਦੇ ਹਾਂ । ਇਸ ਮੌਕੇ ਸੰਤ ਸਤਨਾਮ ਦਾਸ ਜੀ ਕੁਟੀਆ ਸੰਤ ਰਾਂਝੂ ਦਾਸ ਮਹਿਦੂਦ ਵਾਲਿਆਂ ਨੇ ਆਪਣੀ ਰਸਭਿੰਨੀ ਬਾਣੀ ਨਾਲ ਸਤਿਸੰਗ ਕਰਕੇ ਆਈਆਂ ਹੋਈਆਂ ਸੰਗਤਾਂ ਨੂੰ ਮੰਤਰਮੁਗਧ ਕਰ ਦਿੱਤਾ।ਇਸ ਮੌਕੇ ਮਾਸਟਰ ਸਤਪਾਲ ,ਮਾਸਟਰ ਰਾਜੇਸ਼ ਕੁਮਾਰ,ਬਾਬੂ ਸਤਪਾਲ ਰਿਟਾਇਰਡ ਪੋਸਟ ਮਾਸਟਰ,ਹਰਭਜਨ ਲਾਲ ਸਰੋਆ,ਸੋਨੂੰ ਸਰੋਆ,ਧਰਮਿੰਦਰ ਬਿੱਲਾ,ਪਰਮਜੀਤ ਸਾਬਕਾ ਕੌਂਸਲਰ,ਡਾਕਟਰ ਏਕਤਾ , ਮਹਿੰਦਰ ਸਿੰਘ ਸੈਕਟਰੀ,ਮਾਸਟਰ ਰੂਪ ਲਾਲ, ਸਤਪਾਲ ਪੱਪੀ,ਸ਼ੀਰਾ ਮਿਸਤਰੀ ਅਤੇ ਹੋਰ ਪਤਵੰਤੇ ਹਾਜਰ ਸਨ।