ਊਨਾ, 31 ਅਕਤੂਬਰ - ਰਾਜ ਵਿੱਚ ਮਾਲ ਨਾਲ ਇੰਤਕਾਲ ਸਬੰਧਤ ਬਕਾਇਆ ਮਾਮਲਿਆਂ ਦੇ ਨਿਪਟਾਰੇ ਲਈ ਸੂਬਾ ਸਰਕਾਰ ਨੇ 30 ਅਤੇ 31 ਅਕਤੂਬਰ ਨੂੰ ਵਿਸ਼ੇਸ਼ ਮੁਹਿੰਮ ਚਲਾਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸ.ਡੀ.ਐਮ ਊਨਾ ਵਿਸ਼ਵ ਮੋਹਨ ਦੇਵ ਚੌਹਾਨ ਨੇ ਦੱਸਿਆ ਕਿ ਸਬ-ਡਵੀਜ਼ਨ ਊਨਾ ਅਧੀਨ 30 ਅਤੇ 31 ਅਕਤੂਬਰ ਨੂੰ ਕੁੱਲ 416 ਮਾਲ ਨਾਲ ਸਬੰਧਤ ਇੰਤਕਾਲ ਕੇਸਾਂ ਦਾ ਨਿਪਟਾਰਾ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ 30 ਅਕਤੂਬਰ ਨੂੰ ਊਨਾ ਤਹਿਸੀਲ ਅਧੀਨ 138 ਇੰਤਕਾਲ ਅਤੇ ਸਬ ਤਹਿਸੀਲ ਮਹਿਤਪੁਰ-ਬਸਦੇਹਰਾ ਅਧੀਨ 76 ਇੰਤਕਾਲ ਦੇ ਕੇਸਾਂ ਦਾ ਨਿਪਟਾਰਾ ਕੀਤਾ ਗਿਆ। ਇਸ ਤੋਂ ਇਲਾਵਾ 31 ਅਕਤੂਬਰ ਨੂੰ ਊਨਾ ਤਹਿਸੀਲ ਅਧੀਨ 150 ਅਤੇ ਸਬ-ਤਹਿਸੀਲ ਮਹਿਤਪੁਰ-ਬਸਦੇਹਰਾ ਅਧੀਨ 52 ਮਾਲ ਨਾਲ ਸਬੰਧਤ ਇੰਤਕਾਲ ਕੇਸਾਂ ਦਾ ਨਿਪਟਾਰਾ ਕੀਤਾ ਗਿਆ।