ਮੁਬੰਈ, 18 ਸਤੰਬਰ ਮਹਾਰਾਸ਼ਟਰ ਵਿੱਚ ਗਣੇਸ਼ ਪੂਜਾ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। ਜੀ ਐਸ ਬੀ ਸੇਵਾ ਮੰਡਲ ਨੇ 19 ਸਤੰਬਰ ਨੂੰ ਸ਼ੁਰੂ ਹੋਣ ਵਾਲੀ ਗਣਪਤੀ ਪੂਜਾ ਲਈ ਸਭ ਤੋਂ ਮਹਿੰਗੀ ਗਣੇਸ਼ ਮੂਰਤੀ ਸਥਾਪਤ ਕੀਤੀ ਹੈ। ਇਸ ਨੂੰ ਮੁੰਬਈ ਦੇ ਸਭ ਤੋਂ ਅਮੀਰ ਮੰਡਲ ਵਜੋਂ ਜਾਣਿਆ ਜਾਂਦਾ ਹੈ। ਇਸ ਵਾਰ ਬੋਰਡ ਨੇ ਗਣਪਤੀ ਪੂਜਾ ਲਈ ਸੋਨੇ ਅਤੇ ਚਾਂਦੀ ਦੀ ਵਰਖਾ ਕੀਤੀ ਹੈ।

ਭਗਵਾਨ ਗਣੇਸ਼ ਦੀ ਇਹ ਮੂਰਤੀ 69 ਕਿਲੋ ਸੋਨੇ ਅਤੇ 336 ਕਿਲੋ ਚਾਂਦੀ ਦੀ ਬਣੀ ਹੋਈ ਹੈ। ਬੋਰਡ ਦੇ ਨੁਮਾਇੰਦੇ ਨੇ ਦੱਸਿਆ ਕਿ ਉਨ੍ਹਾਂ ਨੇ 360.45 ਕਰੋੜ ਰੁਪਏ ਦਾ ਬੀਮਾ ਵੀ ਕੀਤਾ ਗਿਆ ਹੈ, ਜਿਸ ਵਿੱਚ ਪੰਡਾਲ ਵਿੱਚ ਆਉਣ ਵਾਲੇ ਲੋਕਾਂ ਲਈ 290 ਕਰੋੜ ਰੁਪਏ, ਗਹਿਣਿਆਂ ਲਈ 39 ਕਰੋੜ ਰੁਪਏ ਅਤੇ ਜਨਤਕ ਦੇਣਦਾਰੀ ਲਈ 20 ਕਰੋੜ ਰੁਪਏ ਸ਼ਾਮਲ ਹਨ।

ਪ੍ਰਤੀਨਿਧੀ ਨੇ ਕਿਹਾ ਕਿ ਅਸੀਂ ਇੱਥੇ ਸਾਰੇ ਗਣੇਸ਼ ਭਗਤਾਂ ਦਾ ਸਵਾਗਤ ਕਰਦੇ ਹਾਂ। ਇਸ ਸਾਲ ਅਸੀਂ 69ਵਾਂ ਗਣੇਸ਼ ਉਤਸਵ ਮਨਾਉਣ ਜਾ ਰਹੇ ਹਾਂ। ਗਣੇਸ਼ ਦੀ ਇਸ ਮੂਰਤੀ ਵਿੱਚ 36 ਕਿਲੋ ਚਾਂਦੀ ਅਤੇ 250 ਗ੍ਰਾਮ ਸੋਨੇ ਦਾ ਪੈਂਡੈਂਟ ਵੀ ਬਣਾਇਆ ਗਿਆ ਹੈ। ਮੁੰਬਈ ਵਿੱਚ ਜੀ ਐਸ ਬੀ ਸੇਵਾ ਮੰਡਲ ਹਰ ਸਾਲ ਇਸੇ ਤਰ੍ਹਾਂ ਗਣਪਤੀ ਦੀ ਸਥਾਪਨਾ ਕਰਦਾ ਹੈ। ਇਸ ਸਾਲ ਗਣੇਸ਼ ਚਤੁਰਥੀ 19 ਸਤੰਬਰ ਨੂੰ ਹੈ ਅਤੇ ਇਹ 10 ਦਿਨਾਂ ਦਾ ਤਿਉਹਾਰ 28 ਸਤੰਬਰ ਤੱਕ ਚੱਲੇਗਾ।