ਚੰਡੀਗੜ੍ਹ, 01 ਮਈ 2025: ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਦੇ ਏਅਰੋਸਪੇਸ ਇੰਜੀਨੀਅਰਿੰਗ ਵਿਭਾਗ ਵੱਲੋਂ 29 ਅਪ੍ਰੈਲ 2025 ਨੂੰ ‘ਸਵਯੰ ਪ੍ਰਭਾ ਜਾਗਰੂਕਤਾ ਸੈਸ਼ਨ’ ਸਫਲਤਾਪੂਰਵਕ ਕਰਵਾਇਆ ਗਿਆ। ਇਹ ਸੈਸ਼ਨ ਏਅਰੋਸਪੇਸ ਅਤੇ ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ ਦੇ ਫੈਕਲਟੀ ਮੈਂਬਰਾਂ ਵਿਚਕਾਰ ਸਵਯੰ ਪ੍ਰਭਾ ਡੀਟੀਐਚ ਸਿੱਖਿਆ ਮੰਚ ਬਾਰੇ ਜਾਣੂ ਕਰਵਾਉਣ ਅਤੇ ਉਨ੍ਹਾਂ ਨੂੰ ਆਪਣਾ ਯੋਗਦਾਨ ਪਾਉਣ ਲਈ ਪ੍ਰੇਰਿਤ ਕਰਨ ਦੇ ਉਦੇਸ਼ ਨਾਲ ਰੱਖਿਆ ਗਿਆ।
ਇਸ ਸੈਸ਼ਨ ਦੀ ਅਗਵਾਈ ਡਾ. ਟੀ. ਕੇ. ਜਿੰਦਲ (ਕਾਰਜਕਾਰੀ ਵਿਭਾਗ ਮੁਖੀ, ਏਅਰੋਸਪੇਸ ਇੰਜੀਨੀਅਰਿੰਗ) ਅਤੇ ਡਾ. ਪ੍ਰਭਜੀਤ ਸਿੰਘ (ਸਹਾਇਕ ਪ੍ਰੋਫੈਸਰ) ਵੱਲੋਂ ਕੀਤੀ ਗਈ। ਵਿਸ਼ੇਸ਼ ਤੌਰ ‘ਤੇ ਆਈਆਈਟੀ ਕਾਨਪੁਰ ਤੋਂ ਆਏ ਸਵਯੰ ਪ੍ਰਭਾ ਟੀਮ ਦੇ ਪ੍ਰੋਜੈਕਟ ਏਗਜ਼ੈਕਯੂਟਿਵ ਅਫਸਰ, ਮਿਸ ਮਾਧਵੀ ਰਾਏ ਅਤੇ ਸ੍ਰੀ ਆਕਾਸ਼ ਯਾਦਵ ਨੇ ਭਾਗ ਲਿਆ। ਉਨ੍ਹਾਂ ਨੇ ਸਵਯੰ ਪ੍ਰਭਾ ਦੀ ਬਣਤਰ, ਉਦੇਸ਼ ਅਤੇ ਇਸ ਨਾਲ ਜੁੜੇ ਮੌਕੇਆਂ ਬਾਰੇ ਚਾਨਣ ਪਾਇਆ ਅਤੇ ਫੈਕਲਟੀ ਮੈਂਬਰਾਂ ਨੂੰ ਦੱਸਿਆ ਕਿ ਉਹ ਆਪਣੀਆਂ ਕੋਸ਼ਿਸ਼ਾਂ ਨਾਲ ਇਸਨੂੰ ਰਾਸ਼ਟਰੀ ਪਲੇਟਫਾਰਮ ’ਤੇ ਕਿਵੇਂ ਸ਼ੁਰੂ ਕਰ ਸਕਦੇ ਹਨ ਤੇ ਚੰਗੀ ਤਰ੍ਹਾਂ ਚਲਾ ਸਕਦੇ ਹਨ।
ਇਸ ਮੌਕੇ ‘ਤੇ ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ, ਲੁਧਿਆਣਾ ਦੇ ਫੈਕਲਟੀ ਮੈਂਬਰਾਂ ਨੇ ਭਰਪੂਰ ਰੂਪ ਵਿੱਚ ਭਾਗ ਲਿਆ। ਸ਼੍ਰੀ ਲਖਵੀਰ ਸਿੰਘ ਖੰਨਾ ਅਤੇ ਡਾ. ਹਰਮੀਤ ਸਿੰਘ (ਪ੍ਰੋਫੈਸਰ ਅਤੇ ਵਿਭਾਗ ਮੁਖੀ, ਮਕੈਨੀਕਲ ਇੰਜੀਨੀਅਰਿੰਗ) ਨੇ ਖੁਦ ਹਾਜ਼ਰੀ ਭਰੀ, ਜਦਕਿ ਜੀਐਨਡੀਈਸੀ ਦੇ ਪ੍ਰਿੰਸੀਪਲ ਡਾ. ਸਹਿਜਪਾਲ ਸਿੰਘ ਅਤੇ ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨਿਕਲ ਯੂਨੀਵਰਸਿਟੀ, ਬਠਿੰਡਾ ਦੇ ਡਾਇਰੈਕਟਰ ਕਾਲਜ ਡਿਵੈਲਪਮੈਂਟ ਕੌਂਸਲ, ਡਾ. ਬਲਵਿੰਦਰ ਸਿੰਘ ਸਿੱਧੂ ਨੇ ਆਨਲਾਈਨ ਜੁੜ ਕੇ ਆਪਣੀ ਹਾਜ਼ਰੀ ਦਰਜ ਕਰਵਾਈ।
ਪੇਕ ਦੇ ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ ਤੋਂ ਡਾ. ਸੰਜੀਵ ਕੁਮਾਰ (ਵਿਭਾਗ ਮੁਖੀ), ਡਾ. ਸਰਬਜੀਤ ਸਿੰਘ, ਡਾ. ਹਰਸ਼ਿਤ, ਡਾ. ਸੁਸ਼ੀਲ ਅਤੇ ਡਾ. ਕਮਲ ਕੁਮਾਰ ਵਰਗੇ ਅਣਮੁੱਲੇ ਅਧਿਆਪਕ ਵੀ ਇਸ ਸੈਸ਼ਨ ਵਿੱਚ ਮੌਜੂਦ ਰਹੇ। ਏਅਰੋਸਪੇਸ ਵਿਭਾਗ ਦੇ ਮੁਖੀ ਡਾ. ਰਾਕੇਸ਼ ਕੁਮਾਰ ਵੀ ਵਰਚੁਅਲ ਰੂਪ ਵਿੱਚ ਜੁੜੇ।
ਸੈਸ਼ਨ ਦਾ ਸਮਾਪਨ ਇਕ ਰੂਚਿਕਰ ਤੇ ਉਤਸ਼ਾਹਜਨਕ ਵਿਚਾਰ-ਵਟਾਂਦਰੇ ਨਾਲ ਹੋਇਆ, ਜਿਸ ਵਿਚ ਇਹ ਗੱਲ ਚਰਚਾ ਵਿਚ ਆਈ, ਕਿ ਏਅਰੋਸਪੇਸ ਅਤੇ ਮਕੈਨੀਕਲ ਇੰਜੀਨੀਅਰਿੰਗ ਦੇ ਅਧਿਆਪਕ ਸਵਯੰ ਪ੍ਰਭਾ ਰਾਹੀਂ ਆਪਣਾ ਗਿਆਨ ਸਾਂਝਾ ਕਰਕੇ ਕਿਵੇਂ ਸਾਰੀ ਦੇਸ਼ ਵਿਚ ਗੁਣਵੱਤਾਪੂਰਕ ਤਕਨੀਕੀ ਸਿੱਖਿਆ ਨੂੰ ਫੈਲਾ ਸਕਦੇ ਹਨ।