ਗੜ੍ਹਸ਼ੰਕਰ- ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਬੰਧ ਅਧੀਨ ਚੱਲ ਰਹੇ ਬੱਬਰ ਅਕਾਲੀ ਮੈਮੋਰੀਅਲ ਖ਼ਾਲਸਾ ਕਾਲਜ ਵਿਖੇ ਪਿ੍ਰੰਸੀਪਲ ਡਾ. ਅਮਨਦੀਪ ਹੀਰਾ ਦੀ ਅਗਵਾਈ ਹੇਠ ਵੱਖ-ਵੱਖ ਵਿਭਾਗਾਂ ਦੀਆਂ ਸੁਸਾਇਟੀਆਂ ਆਈ.ਕਿਯੂ.ਏ.ਸੀ. ਅਤੇ ਸੈੱਸ ਰੈੱਕ ਦੇ ਸਹਿਯੋਗ ਨਾਲ ਇਕ ਦਿਨਾਂ ਮੈਗਾ ਫੈਸਟ-2 ਲਗਾਇਆ ਗਿਆ। ਮੈਗਾ ਫੈਸਟ ਦਾ ਉਦਘਾਟਨ ਮੁੱਖ ਮਹਿਮਾਨ ਡਾ. ਜਸਪਾਲ ਸਿੰਘ ਸਾਬਕਾ ਪਿ੍ਰੰਸੀਪਲ ਲਾਇਲਪੁਰ ਖਾਲਸਾ ਕਾਲਜ ਜਲੰਧਰ ਵਲੋਂ ਕੀਤਾ ਗਿਆ। 
ਇਸ ਮੌਕੇ ਵਿਸ਼ੇਸ਼ ਤੌਰ ’ਤੇ ਹਰਬੰਸ ਸਿੰਘ ਸਿੱਧੂ ਯੂ.ਕੇ., ਡਾ. ਹਰਵਿੰਦਰ ਸਿੰਘ ਬਾਠ, ਰਣਜੀਤ ਸਿੰਘ ਖੱਖ, ਯੋਗ ਰਾਜ ਗੰਭੀਰ, ਰਾਜਵਿੰਦਰ ਸਿੰਘ ਦਿਆਲ ਯੂ.ਐੱਸ.ਏ., ਅਮਨਦੀਪ ਸਿੰਘ ਬੈਂਸ, ਕਸ਼ਮੀਰ ਸਿੰਘ ਭੱਜਲ ਹਾਜ਼ਰ ਹੋਏ। ਡਾ. ਜਸਪਾਲ ਸਿੰਘ ਨੇ ਮੈਗਾ ਫੈਸਟ ਵਿਚ ਵਿਦਿਆਰਥੀਆਂ ਦੀ ਉਤਸ਼ਾਹਜਨਕ ਸ਼ਮੂਲੀਅਤ ਦੀ ਪ੍ਰਸੰਸਾ ਕੀਤੀ। ਪਿ੍ਰੰਸੀਪਲ ਡਾ. ਅਮਨਦੀਪ ਹੀਰਾ ਨੇ ਪਹੁੰਚੇ ਮਹਿਮਾਨ ਦਾ ਸਵਾਗਤ ਕੀਤਾ।
 ਮੈਗਾ ਫੈਸਟ ਵਿਚ ਵੱਖ-ਵੱਖ ਵਿਭਾਗਾਂ ਦੇ ਵਿਦਿਆਰਥੀਆਂ ਵਲੋਂ 25 ਦੇ ਕਰੀਬ ਸਟਾਲ ਲਗਾਏ ਗਏ ਜਿਸ ਵਿਚ ਰਵਾਇਤੀ ਖਾਣੇ, ਸਾਊਥ ਇੰਡੀਅਨ ਖਾਣੇ, ਲੋਕ ਕਲਾਵਾਂ, ਮਹਿੰਦੀ ਲਗਾਉਣ, ਬਚਪਨ ਦੀਆਂ ਯਾਦਾਂ ਨੂੰ ਸਮਰਪਿਤ ਖੇਡਾਂ, ਖਾਣੇ ਦਾ ਸਮਾਨ, ਹੱਥੀ ਪਿ੍ਰੰਟ ਕੀਤਾ ਘਰੇਲੂ ਵਰਤੋਂ ਦਾ ਸਮਾਨ, ਮਨੋਰੰਜਕ ਖੇਡਾਂ ਆਦਿ ਸ਼ਾਮਿਲ ਕੀਤੀਆਂ। 
ਇਸ ਮੌਕੇ ਸੰਗੀਤ ਵਿਭਾਗ ਦੇ ਵਿਦਿਆਰਥੀਆਂ ਨੇ ਗੀਤ, ਲੋਕ  ਗੀਤ, ਗਜ਼ਲਾਂ ਤੇ ਸ਼ਾਇਰੀ ਨਾਲ ਖ਼ੂਬ ਰੰਗ ਬੰਨਿਆਂ। ਪਿ੍ਰੰਸੀਪਲ ਡਾ. ਅਮਨਦੀਪ ਹੀਰਾ ਨੇ ਪ੍ਰੋਗਰਾਮ ਨੂੰ ਉਲੀਕਣ ਲਈ ਡਾ. ਕੁਲਦੀਪ ਕੌਰ ਕੋਆਰਡੀਨੇਟਰ ਆਈ.ਕਿਯੂ.ਏ.ਸੀ. ਅਤੇ ਡਾ. ਮਨਬੀਰ ਕੌਰ ਨੋਡਲ ਅਫਸਰ ਸੈੱਕ ਰੈੱਕ ਦੇ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਹੋ ਜਿਹੇ ਮੇਲੇ ਵਿਦਿਆਰਥੀਆਂ ਦੇ ਸਰਬਪੱਖੀ ਵਿਕਾਸ ਲਈ ਸਾਰਥਕ ਰੋਲ ਨਿਭਾਉਂਦੇ ਹਨ।
 ਇਹ ਮੇਲੇ ਵਿਦਿਆਰਥੀਆਂ ਵਿਚਲੀ ਸਿਰਜਨਾਤਮਕ ਭਾਵਨਾ ਤੇ ਉਨ੍ਹਾਂ ਵਿਚਲੀ ਪ੍ਰਤਿਭਾ ਨੂੰ ਨਿਖ਼ਾਰਨ ਵਿਚ ਸਹਾਈ ਹੁੰਦੇ ਹਨ।