ਊਨਾ, 15 ਅਕਤੂਬਰ - ਆਈ.ਟੀ.ਆਈ ਊਨਾ ਵਿਖੇ ਸੈਸ਼ਨ 2024-25 ਲਈ ਇੱਕ ਸਾਲਾ ਮੋਟਰ ਡਰਾਈਵਿੰਗ ਅਤੇ ਹੈਵੀ ਅਰਥ ਮੂਵਿੰਗ ਮਸ਼ੀਨਰੀ ਆਪਰੇਟਰ ਸਿਖਲਾਈ ਵਿੱਚ ਦਾਖ਼ਲੇ ਲਈ 24 ਅਕਤੂਬਰ ਤੱਕ ਬਿਨੈ ਪੱਤਰ ਮੰਗੇ ਗਏ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਆਈ.ਟੀ.ਆਈ ਊਨਾ ਨੇ ਦੱਸਿਆ ਕਿ ਉਮੀਦਵਾਰ ਜਨਰਲ ਕੈਟਾਗਰੀ ਲਈ 300 ਰੁਪਏ ਅਤੇ ਰਾਖਵੀਆਂ ਸ਼੍ਰੇਣੀਆਂ ਲਈ 200 ਰੁਪਏ ਦੇ ਕੇ ਕਿਸੇ ਵੀ ਕੰਮ ਵਾਲੇ ਦਿਨ ਸਬੰਧਤ ਸੰਸਥਾ ਤੋਂ ਦਾਖਲੇ ਲਈ ਨਿਰਧਾਰਤ ਫਾਰਮ ਪ੍ਰਾਪਤ ਕਰ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਉਮੀਦਵਾਰ ਦਾ 26 ਅਕਤੂਬਰ ਨੂੰ ਸਵੇਰੇ 10 ਵਜੇ ਅਸਲ ਸਰਟੀਫਿਕੇਟ ਨਾਲ ਸੰਸਥਾ ਵਿਖੇ ਹਾਜ਼ਰ ਹੋਣਾ ਲਾਜ਼ਮੀ ਹੋਵੇਗਾ। ਸਿਖਲਾਈ ਦੀ ਸਾਲਾਨਾ ਫੀਸ 10,570 ਰੁਪਏ ਹੋਵੇਗੀ। ਇਸ ਲਈ ਉਮੀਦਵਾਰ ਦੀ ਉਮਰ 20 ਸਾਲ ਨਿਰਧਾਰਿਤ ਕੀਤੀ ਗਈ ਹੈ ਅਤੇ ਵਿਦਿਅਕ ਯੋਗਤਾ 10ਵੀਂ ਪਾਸ ਅਤੇ ਲਾਈਟ ਮੋਟਰ ਵਹੀਕਲ ਲਾਇਸੈਂਸ ਹੋਣਾ ਲਾਜ਼ਮੀ ਹੈ।