ਚੰਡੀਗੜ੍ਹ- ਗਾਂਧੀ ਜੈਅੰਤੀ ਮੌਕੇ ਸੈਕਟਰ 42 ਸਥਿਤ ਕਮਿਊਨਿਟੀ ਸੈਂਟਰ ਵਿਖੇ ਕਰਮਪੱਥ ਫਾਊਂਡੇਸ਼ਨ ਵੱਲੋਂ ਪੇਂਟਿੰਗ ਮੁਕਾਬਲਾ ਕਰਵਾਇਆ ਗਿਆ। ਪ੍ਰੋਗਰਾਮ ਵਿੱਚ ਸ਼ਹਿਰ ਦੇ ਸਕੂਲਾਂ ਦੇ ਵੱਖ-ਵੱਖ ਉਮਰ ਵਰਗ ਦੇ 150 ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ। ਪ੍ਰੋਗਰਾਮ ਵਿੱਚ ਇਲਾਕਾ ਕੌਂਸਲਰ ਜਸਵੀਰ ਸਿੰਘ ਬੰਟੀ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ। 6 ਤੋਂ 11 ਉਮਰ ਵਰਗ ਵਿੱਚ ਦੀਪਾਂਸ਼ੀ ਪਹਿਲੇ, ਇਸ਼ਾਨੀ ਸਿਨਹਾ ਦੂਜੇ ਅਤੇ ਖੁਸ਼ਬੂ ਜੋਗੀ ਤੀਜੇ ਸਥਾਨ ’ਤੇ ਰਹੀ। 12 ਤੋਂ 15 ਉਮਰ ਵਰਗ ਵਿੱਚ ਵੇਦਾ ਮਹਾਜਨ ਪਹਿਲੇ, ਮੋਨੀਸ਼ਾ ਦੂਜੇ ਅਤੇ ਅਨਿਆ ਸੂਦ ਤੀਜੇ ਸਥਾਨ ’ਤੇ ਰਹੀ।