ਹੁਸ਼ਿਆਰਪੁਰ- ਸੰਜੀਵਨੀ ਸ਼ਰਨਮ ਵਿਖੇ 26 ਤੋਂ 28 ਅਗਸਤ ਤੱਕ ਆਯੋਜਿਤ ਤਿੰਨ ਦਿਨਾਂ ਦਾ ਨਿਸ਼ੁਲਕ ਕ੍ਰਿਤ੍ਰਿਮ ਅੰਗ ਅਤੇ ਸ੍ਰਵਣ ਯੰਤਰ ਵੰਡ ਕੈਂਪ ਨੇ ਵਿਸ਼ੇਸ਼ ਜ਼ਰੂਰਤਾਂ ਵਾਲੇ ਭਰਾਵਾਂ-ਭੈਣਾਂ ਦੀ ਜ਼ਿੰਦਗੀ ਵਿੱਚ ਨਵੀਂ ਉਮੀਦ ਅਤੇ ਆਤਮਨਿਰਭਰਤਾ ਦੀ ਕਿਰਨ ਜਗਾਈ। ਇਹ ਸੇਵਾ ਕੈਂਪ ਸੋਨਾਲਿਕਾ ਗਰੁੱਪ ਦੇ ਸਹਿਯੋਗ ਨਾਲ, ਅਖਿਲ ਭਾਰਤੀਅ ਅਗਰਵਾਲ ਸੰਮੇਲਨ, ਪੰਜਾਬ ਪ੍ਰਦੇਸ਼ ਦੇ ਤਹਿਤ ਅਤੇ ਭਗਵਾਨ ਮਹਾਵੀਰ ਵਿਕਲਾਂਗ ਸਹਾਇਤਾ ਸਮਿਤੀ, ਜੈਪੁਰ ਦੇ ਸਹਿਯੋਗ ਨਾਲ ਸਫਲਤਾਪੂਰਵਕ ਸੰਪੰਨ ਹੋਇਆ।
ਇਸ ਸੇਵਾ ਮੁਹਿੰਮ ਦੀ ਸਫਲਤਾ ਦਾ ਸ੍ਰੇਯ ਸੋਨਾਲਿਕਾ ਗਰੁੱਪ ਦੇ ਵਾਈਸ ਚੇਅਰਮੈਨ ਡਾ. ਅਮ੍ਰਿਤ ਸਾਗਰ ਮਿੱਤਲ ਅਤੇ ਅਖਿਲ ਭਾਰਤੀਅ ਅਗਰਵਾਲ ਸੰਮੇਲਨ, ਪੰਜਾਬ ਪ੍ਰਦੇਸ਼ ਦੇ ਪ੍ਰਧਾਨ ਸ਼੍ਰੀ ਸੁਰੇੰਦਰ ਅਗਰਵਾਲ ਦੇ ਦੂਰਦਰਸ਼ੀ ਨੇਤ੍ਰਤਵ ਨੂੰ ਜਾਂਦਾ ਹੈ। ਉਨ੍ਹਾਂ ਦੇ ਮਾਰਗਦਰਸ਼ਨ ਨਾਲ ਇਹ ਆਯੋਜਨ ਸਿਰਫ਼ ਇਕ ਕੈਂਪ ਨਾ ਰਹਿ ਕੇ, ਸਗੋਂ ਅਨੇਕਾਂ ਜਿੰਦਗੀਆਂ ਬਦਲਣ ਵਾਲਾ ਅਨੁਭਵ ਬਣ ਗਿਆ।
ਇਸ ਕੈਂਪ ਦੌਰਾਨ ਕੁੱਲ 108 ਕ੍ਰਿਤ੍ਰਿਮ ਅੰਗ, 25 ਵ੍ਹੀਲਚੇਅਰ, 10 ਟ੍ਰਾਈਸਾਈਕਲ, 8 ਜੋੜੀਆਂ ਬੈਸਾਖੀਆਂ ਅਤੇ 163 ਸ੍ਰਵਣ ਯੰਤਰ ਵੰਡੇ ਗਏ। ਹਰ ਲਾਭਪਾਤਰੀ ਆਪਣੇ ਨਾਲ ਸਿਰਫ਼ ਸਰੀਰਕ ਸਹਾਰਾ ਹੀ ਨਹੀਂ, ਸਗੋਂ ਨਵਾਂ ਆਤਮਵਿਸ਼ਵਾਸ ਅਤੇ ਭਵਿੱਖ ਲਈ ਉਮੀਦ ਵੀ ਲੈ ਕੇ ਵਾਪਸ ਗਿਆ।
ਸੰਜੀਵਨੀ ਸ਼ਰਨਮ ਦੀ ਡਾਇਰੈਕਟਰ ਸ੍ਰੀਮਤੀ ਸੰਗੀਤਾ ਮਿੱਤਲ ਨੇ ਤਿੰਨੋ ਦਿਨ ਕੈਂਪ ਵਿੱਚ ਨਿਰੰਤਰ ਹਾਜ਼ਰੀ ਲਗਾ ਕੇ ਹਰ ਮਰੀਜ਼ ਨਾਲ ਵਿਅਕਤੀਗਤ ਗੱਲਬਾਤ ਕੀਤੀ। ਉਨ੍ਹਾਂ ਦੇ ਸਨੇਹੀ ਸ਼ਬਦਾਂ ਅਤੇ ਸੰਵੇਦਨਸ਼ੀਲ ਵਤੀਰੇ ਨੇ ਲਾਭਪਾਤਰੀਆਂ ਦੇ ਦਿਲਾਂ ਨੂੰ ਗਹਿਰਾਈ ਨਾਲ ਛੂਹਿਆ ਤੇ ਉਨ੍ਹਾਂ ਵਿੱਚ ਹੋਸਲਾ ਅਤੇ ਜੀਵਨ ਨੂੰ ਨਵੇਂ ਨਜ਼ਰੀਏ ਨਾਲ ਦੇਖਣ ਦੀ ਤਾਕਤ ਜਗਾਈ।
ਇਸ ਕੈਂਪ ਦੀ ਸਫਲਤਾ ਵਿੱਚ ਕ੍ਰਿਤ੍ਰਿਮ ਅੰਗ ਟੀਮ ਅਤੇ ਪੰਜਾਬ ਸਪੀਚ ਐਂਡ ਹਿਅਰਿੰਗ ਕੇਅਰ ਦੀ ਸਮਰਪਿਤ ਟੀਮ ਦਾ ਵੀ ਮਹੱਤਵਪੂਰਣ ਯੋਗਦਾਨ ਰਿਹਾ। ਡਾ. ਸੁਰਜੀਤ, ਨੇਕ ਰਾਮ ਅਤੇ ਸੁਨੀਲ ਮੁੱਖ ਇੰਚਾਰਜ ਰਹੇ। ਇਸ ਤੋਂ ਇਲਾਵਾ ਸੋਨਾਲਿਕਾ ਗਰੁੱਪ ਸੰਜੀਵਨੀ ਸ਼ਰਨਮ ਵੱਲੋਂ ਜਨਰਲ ਸਿੰਘ ਰਾਣਾ, ਨੀਰਜ ਮਨੋਚਾ, ਸੰਗੀਤਾ ਹਾਂਡਾ ਅਤੇ ਪੂਰੀ ਟੀਮ ਨੇ ਯੋਜਨਾਬੱਧ ਢੰਗ ਨਾਲ ਪਿੱਛੇ ਰਹਿ ਕੇ ਕਾਬਲੇ-ਤਾਰੀਫ਼ ਸਹਿਯੋਗ ਦਿੱਤਾ।
ਇਹ ਤਿੰਨ ਦਿਨਾਂ ਦਾ ਕੈਂਪ ਮਨੁੱਖਤਾ ਅਤੇ ਸਮਾਜਕ ਸਹਿਯੋਗ ਦੀ ਇਕ ਮਿਸਾਲ ਬਣ ਗਿਆ। ਇਸ ਨੇ ਸਾਬਤ ਕੀਤਾ ਕਿ ਜਦੋਂ ਨੇਤ੍ਰਤਵ, ਸੇਵਾ ਅਤੇ ਕਰੁਣਾ ਇਕੱਠੇ ਹੁੰਦੇ ਹਨ, ਤਾਂ ਜ਼ਿੰਦਗੀਆਂ ਸੱਚਮੁੱਚ ਬਦਲਦੀਆਂ ਹਨ। ਇਹ ਆਯੋਜਨ ਹੁਸ਼ਿਆਰਪੁਰ ਲਈ ਮਾਣ ਅਤੇ ਪ੍ਰੇਰਣਾ ਦਾ ਸਰੋਤ ਬਣਿਆ।
ਇਸ ਕੈਂਪ ਨੂੰ ਸਫਲ ਬਣਾਉਣ ਵਿੱਚ ਅਖਿਲ ਭਾਰਤੀਅ ਅਗਰਵਾਲ ਸੰਮੇਲਨ ਪੰਜਾਬ ਦੀ ਪ੍ਰਦੇਸ਼ ਮਹਿਲ਼ਾ ਅਧਿਆਕਸ਼ਾ ਸਿਮਰਨ ਅਗਰਵਾਲ, ਪ੍ਰਦੇਸ਼ ਪ੍ਰਵਕਤਾ ਧਨੀ ਰਾਮ ਗੁਪਤਾ, ਜਲੰਧਰ ਜ਼ਿਲ੍ਹਾ ਉਪ-ਪ੍ਰਧਾਨ ਹਰੀਸ਼ ਗੁਪਤਾ ਅਤੇ ਹੋਸ਼ਿਆਰਪੁਰ ਜ਼ਿਲ੍ਹਾ ਟੀਮ—ਜਿਸ ਵਿੱਚ ਜ਼ਿਲ੍ਹਾ ਪ੍ਰਧਾਨ ਨਵੀਂਨ ਅਗਰਵਾਲ, ਜ਼ਿਲ੍ਹਾ ਮਹਾਂਮੰਤਰੀ ਵਿਵੇਕ ਗੁਪਤਾ, ਜਗਦੀਸ਼ ਗੁਪਤਾ, ਨਿਤਯ ਗੁਪਤਾ, ਰਿੰਕੂ, ਯਸ਼ੋਦਾਨੰਦ ਗੁਪਤਾ, ਰੁਚੀ-ਰਿਤਿਕਾ, ਸਚਿਨ ਗੁਪਤਾ, ਕਿਰਨ ਅਗਰਵਾਲ, ਨੀਲਮ ਅਗਰਵਾਲ, ਅਲਕਾ ਨਗੌਰੀ, ਅਨਿਲ ਨਗੌਰੀ ਅਤੇ ਨੀਨਾ ਗੁਪਤਾ ਸ਼ਾਮਲ ਸਨ—ਦਾ ਯੋਗਦਾਨ ਬੇਹੱਦ ਕਾਬਿਲ-ਏ-ਸਤਾਇਸ਼ ਰਿਹਾ।