ਹੂਤੀ ਬਾਗੀਆਂ ਵੱਲੋਂ ਸਾਊਦੀ ਹਵਾਈ ਅੱਡੇ ਅਤੇ ਤੇਲ ਸਹੂਲਤ 'ਤੇ ਹਮਲਾ

ਰਿਆਦ:- ਬੁੱਧਵਾਰ ਦੇਰ ਰਾਤ ਸਾਊਦੀ ਅਰਬ ਵਿੱਚ ਇੱਕ ਹਵਾਈ ਅੱਡੇ ਅਤੇ ਇੱਕ ਤੇਲ ਸਹੂਲਤ 'ਤੇ ਹੋਏ ਹਮਲਿਆਂ ਵਿੱਚ ਇੱਕ ਭਾਰਤੀ ਨਾਗਰਿਕ ਸਮੇਤ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਤਿੰਨ ਭਾਰਤੀਆਂ ਸਮੇਤ 10 ਹੋਰ ਜ਼ਖ਼ਮੀ ਹੋ ਗਏ। ਦੰਮਾਮ ਸ਼ਹਿਰ ਵਿੱਚ ਕਿੰਗ ਫਾਹਦ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਹੋਏ ਹਮਲੇ ਵਿੱਚ ਇੱਕ ਭਾਰਤੀ ਨਾਗਰਿਕ ਦੀ ਮੌਤ ਹੋ ਗਈ, ਜਦਕਿ ਦੋ ਭਾਰਤੀਆਂ ਸਮੇਤ ਅੱਠ ਹੋਰ ਲੋਕ ਜ਼ਖ਼ਮੀ ਹੋ ਗਏ। ਇਸ ਦੌਰਾਨ, ਅਰਾਮਕੋ ਦੀ ਇੱਕ ਤੇਲ ਸਹੂਲਤ 'ਤੇ ਡਰੋਨ ਹਮਲੇ ਵਿੱਚ ਇੱਕ ਨੇਪਾਲੀ ਅਤੇ ਇੱਕ ਫਿਲੀਪੀਨੋ ਨਾਗਰਿਕ ਦੀ ਜਾਨ ਚਲੀ ਗਈ। ਉੱਥੇ ਇੱਕ ਭਾਰਤੀ ਸਮੇਤ ਦੋ ਹੋਰ ਵਿਅਕਤੀ ਜ਼ਖ਼ਮੀ ਹੋਏ। ਇਸ ਮਹੀਨੇ ਹੂਤੀ ਬਾਗੀਆਂ ਨੇ ਸਾਊਦੀ ਅਰਬ 'ਤੇ ਛੇ ਵੱਡੇ ਹਮਲੇ ਕੀਤੇ ਹਨ, ਜਿਨ੍ਹਾਂ ਦੇ ਨਤੀਜੇ ਵਜੋਂ ਘੱਟੋ-ਘੱਟ 23 ਲੋਕਾਂ ਦੀ ਮੌਤ ਹੋਈ ਹੈ ਅਤੇ 370 ਲੋਕ ਜ਼ਖ਼ਮੀ ਹੋਏ ਹਨ।