ਅੱਜ ਭਾਰਤ ਸਰਕਾਰ ਦੇ ਯੁਵਾ ਮਾਮਲੇ ਅਤੇ ਖੇਡ ਮੰਤਰਾਲੇ ਦੇ ਸਕੱਤਰ, ਸ੍ਰੀਮਤੀ ਮੀਤਾ ਰਾਜੀਵਲੋਚਨ ਨੇ ਚੰਡੀਗੜ੍ਹ ਦਾ ਦੌਰਾ ਕੀਤਾ ਅਤੇ ਚੱਲ ਰਹੇ ਕਾਰਜਕ੍ਰਮਾਂ 'ਸਵੱਛਤਾ ਹੀ ਸੇਵਾ', 'ਸੇਵਾ ਤੋਂ ਸਿੱਖੋ' ਅਤੇ 'ਸਾਇਬਰ ਸੁਰੱਖਿਆ' ਦੀ ਸਮੀਖਿਆ ਕੀਤੀ। ਸਵੇਰੇ ਉਨ੍ਹਾਂ ਨੇ PGIMER ਦਾ ਦੌਰਾ ਕੀਤਾ ਅਤੇ ਉੱਥੇ NSS ਸਵੈੰਸੇਵਕਾਂ ਦੁਆਰਾ ਚਲਾਏ ਜਾ ਰਹੇ 'ਸਾਰਥੀ ਪ੍ਰੋਜੈਕਟ' ਦੀ ਕਾਰਗੁਜ਼ਾਰੀ ਦੇਖੀ। ਇਸ ਮੌਕੇ PGIMER ਦੇ ਡਾਇਰੈਕਟਰ ਡਾ. ਵਿਵੇਕ ਲਾਲ, ਸਟੇਟ ਲਾਇਜ਼ਨ ਅਫਸਰ ਡਾ. ਨੇਮੀ ਚੰਦ, ਰੀਜਨਲ ਡਾਇਰੈਕਟਰ ਜੈ ਭਗਵਾਨ ਅਤੇ NYKS ਪੰਜਾਬ ਦੇ ਸਟੇਟ ਕੋਆਰਡੀਨੇਟਰ ਸ਼੍ਰੀ ਪਰਮਜੀਤ ਸਿੰਘ ਨੇ ਸਕੱਤਰ ਦਾ ਸਵਾਗਤ ਕੀਤਾ। ਉਨ੍ਹਾਂ ਨੇ ਨਵੀਂ OPD 'ਚ ਸਵੈੰਸੇਵਕਾਂ ਨਾਲ ਗੱਲਬਾਤ ਕੀਤੀ ਅਤੇ ਸਰਟੀਫਿਕੇਟ ਵੰਡਣ ਦੌਰਾਨ ਵੀ ਸ਼ਮੂਲੀਅਤ ਕੀਤੀ। ਸਕੱਤਰ ਨੇ ਚੰਡੀਗੜ੍ਹ NSS ਸੈੱਲ ਅਤੇ PGIMER, NSS ਪ੍ਰੋਗਰਾਮ ਅਧਿਕਾਰੀਆਂ ਅਤੇ ਸਵੈੰਸੇਵਕਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ।
ਸਕੱਤਰ ਨੇ ਫਿਰ ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਸੈਕਟਰ-11, ਐਸ.ਡੀ. ਕਾਲਜ ਸੈਕਟਰ-32 ਅਤੇ ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਫਾਰ ਗਰਲਜ਼ ਸੈਕਟਰ-42 ਵਿੱਚ NSS ਦਿਵਸ ਸਮਾਰੋਹ ਦਾ ਉਦਘਾਟਨ ਦੀਪ ਪ੍ਰਜਵੱਲਿਤ ਕਰਕੇ ਕੀਤਾ। ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਸੈਕਟਰ-11 ਵਿੱਚ ਉਨ੍ਹਾਂ ਨੇ 'ਇੱਕ ਪੇੜ ਮਾਂ ਦੇ ਨਾਮ' ਤਹਿਤ ਪੌਧਾਰੋਪਣ ਕੀਤਾ ਅਤੇ NSS ਪ੍ਰੋਗਰਾਮ ਅਧਿਕਾਰੀਆਂ ਅਤੇ ਸਵੈੰਸੇਵਕਾਂ ਨਾਲ ਗੱਲਬਾਤ ਕੀਤੀ, ਅਤੇ ਉਨ੍ਹਾਂ ਨੂੰ 'ਮਾਈ ਭਾਰਤ ਪੋਰਟਲ' 'ਤੇ ਰਜਿਸਟਰ ਕਰਨ ਲਈ ਪ੍ਰੋਤਸਾਹਿਤ ਕੀਤਾ, ਤਾਂ ਜੋ ਉਨ੍ਹਾਂ ਨੂੰ ਹੋਰ ਮੌਕੇ ਮਿਲ ਸਕਣ। ਪ੍ਰਿੰਸਿਪਲ ਰਮਾ ਅਰੋੜਾ ਨੇ ਸਕੱਤਰ ਦਾ ਸਵਾਗਤ ਕੀਤਾ।
ਐਸ.ਡੀ. ਕਾਲਜ ਸੈਕਟਰ-32 ਵਿੱਚ ਸਕੱਤਰ ਨੇ ਸਾਇਬਰ ਸੁਰੱਖਿਆ ਸਮਾਰੋਹ ਵੇਖਿਆ ਅਤੇ NSS ਸਵੈੰਸੇਵਕਾਂ ਨਾਲ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਸਵੈੰਸੇਵਕਾਂ ਨੂੰ ਸਾਇਬਰ ਸੁਰੱਖਿਆ ਬਾਰੇ ਜਾਗਰੂਕਤਾ ਫੈਲਾਉਣ ਅਤੇ I4C ਦੁਆਰਾ ਡਿਜ਼ਾਇਨ ਕੀਤੇ ਸਾਇਬਰ ਸੁਰੱਖਿਆ ਕੋਰਸ ਨੂੰ ਪੂਰਾ ਕਰਨ ਲਈ ਕਿਹਾ। ਪ੍ਰਿੰਸਿਪਲ ਡਾ. ਅਜੈ ਸ਼ਰਮਾ ਨੇ ਸਕੱਤਰ ਦਾ ਸਵਾਗਤ ਕੀਤਾ। ਇਸ ਮੌਕੇ ਸਟੇਟ ਲਾਇਜ਼ਨ ਅਫਸਰ ਡਾ. ਨੇਮੀ ਚੰਦ, ਰੀਜਨਲ ਡਾਇਰੈਕਟਰ ਜੈ ਭਗਵਾਨ ਅਤੇ NYKS ਪੰਜਾਬ ਦੇ ਸਟੇਟ ਕੋਆਰਡੀਨੇਟਰ ਸ੍ਰੀ ਪਰਮਜੀਤ ਸਿੰਘ ਹਾਜ਼ਰ ਸਨ।
ਪੋਸਟ ਗ੍ਰੈਜੂਏਟ ਗਵਰਨਮੈਂਟ ਕਾਲਜ ਫਾਰ ਗਰਲਜ਼ ਸੈਕਟਰ-42 ਵਿੱਚ ਸਕੱਤਰ ਦਾ ਸਵਾਗਤ ਪ੍ਰਿੰਸਿਪਲ ਪ੍ਰੋ. ਬੀਨੂ ਡੋਗਰਾ ਨੇ ਕੀਤਾ। ਉੱਥੇ ਵੀ ਉਨ੍ਹਾਂ ਨੇ 'ਇੱਕ ਪੇੜ ਮਾਂ ਦੇ ਨਾਮ' ਤਹਿਤ ਪੌਧਾਰੋਪਣ ਕੀਤਾ ਅਤੇ NSS ਦਿਵਸ ਸਮਾਰੋਹ ਦਾ ਉਦਘਾਟਨ ਕੀਤਾ। ਸਕੱਤਰ ਨੇ ਸਵੈੰਸੇਵਕਾਂ ਨਾਲ ਗੱਲਬਾਤ ਕੀਤੀ ਅਤੇ 'ਸਵੱਛਤਾ ਹੀ ਸੇਵਾ' ਪ੍ਰੋਗਰਾਮ ਵਿੱਚ ਸ਼ਮੂਲੀਅਤ ਕੀਤੀ। ਉਨ੍ਹਾਂ ਕਿਹਾ ਕਿ ਯੁਵਾ ਭਾਰਤ ਦਾ ਭਵਿੱਖ ਹਨ ਅਤੇ ਉਹ ਨਵੀਆਂ ਚੁਣੌਤੀਆਂ ਦਾ ਹੱਲ ਕਰਨ ਅਤੇ ਕਮਿਉਨਿਟੀ ਦੀ ਸੇਵਾ ਕਰਨ ਲਈ ਅੱਗੇ ਆਉਣ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ 'ਸਵੱਛਤਾ ਹੀ ਸੇਵਾ' ਪ੍ਰੋਗਰਾਮ ਹਰ ਸਵੈੰਸੇਵਕ ਦੀ ਨਿਯਮਤ ਗਤੀਵਿਧੀ ਹੋਣੀ ਚਾਹੀਦੀ ਹੈ ਅਤੇ ਹਰ ਸਵੈੰਸੇਵਕ ਨੂੰ 'ਮਾਈ ਭਾਰਤ ਪੋਰਟਲ' ਦੇ ਲਾਭ ਲੈਣੇ ਚਾਹੀਦੇ ਹਨ। ਡਾ. ਨੇਮੀ ਚੰਦ, ਸਟੇਟ ਲਾਇਜ਼ਨ ਅਫਸਰ ਨੇ ਸਾਰੇ ਕਾਰਜਕ੍ਰਮਾਂ ਦਾ ਸੰਯੋਜਨ ਕੀਤਾ ਅਤੇ ਸਕੱਤਰ ਦਾ ਦੌਰੇ ਅਤੇ ਪ੍ਰੇਰਣਾ ਲਈ ਧੰਨਵਾਦ ਕੀਤਾ।