ਹੁਸ਼ਿਆਰਪੁਰ- ਥਾਣਾ ਮਾਹਿਲਪੁਰ ਦੀ ਪੁਲਿਸ ਨੇ ਇੱਕ ਨੌਜਵਾਨ ਵਲੋਂ 26-27 ਲੱਖ  ਰੁਪਏ ਖਰਚ ਕੇ ਵਿਦੇਸ਼ ਕੈਨੇਡਾ ਭੇਜੀ ਮੰਗੇਤਰ ਵਲੋਂ ਉਸ ਨੂੰ ਵਿਦੇਸ਼ ਨਾ ਮਗਵਾਉਣ ’ਤੇ ਉਸ ਨੌਜਵਾਨ ਵਲੋਂ ਜ਼ਹਿਰੀਲੀ ਚੀਜ਼ ਖਾ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲੈਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। 
ਜਾਣਕਾਰੀ ਅਨੁਸਾਰ ਥਾਣਾ ਮੁੱਖੀ ਗਗਨਦੀਪ ਸਿੰਘ ਸੇਖੋਂ ਨੇ ਦੱਸਿਆ ਕਿ ਕੁਲਵਿੰਦਰ ਸਿੰਘ ਪੁੱਤਰ ਗੁਰਦੇਵ ਸਿੰਘ ਵਾਸੀ ਸੈਲਾਂ ਕਲਾਂ ਵਲੋਂ ਪੁਲਿਸ ਨੂੰ ਦਿੱਤੀ ਦਰਖਸ਼ਤ ’ਚ ਦੱਸਿਆ ਕਿ ਉਸ ਦਾ ਵੱਡਾ ਲੜਕਾ ਕਰਨਵੀਰ ਸਿੰਘ ਉਮਰ ਕਰੀਬ 24 ਸਾਲ ਦੀ ਮਿਤੀ 15.05.2022 ਨੂੰ ਕਸਬਾ ਟਾਂਡਾ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ ਨਵਜੋਤ ਕੌਰ ਪੁੱਤਰੀ ਬਲਵਿੰਦਰ ਸਿੰਘ ਵਾਸੀ ਬੁਰਜ ਅਰਾਈਆ ਥਾਣਾ ਕਿਲਾ ਲਾਲ ਸਿੰਘ ਜ਼ਿਲ੍ਹਾ ਬਟਾਲਾ ਨਾਲ ਮੰਗਣੀ ਹੋਈ ਸੀ ।
 ਜੋ ਇਸ ਮੰਗਣੀ ਦਾ ਸਾਰਾ ਖਰਚ ਕਰੀਬ 50,000 ਰੁਪਏ ਮੈਂ ਕੀਤੇ ਸਨ ਅਤੇ ਇਹ ਰਿਸ਼ਤਾ ਲਖਵਿੰਦਰ ਸਿੰਘ ਅਤੇ ਉਸ ਦੀ ਪਤਨੀ ਬੇਵੀ ਵਾਸੀਆਨ ਜੂਹਰਾ ਥਾਣਾ ਭੋਗਪੁਰ ਜ਼ਿਲ੍ਹਾ ਜਲੰਧਰ ਦਿਹਾਤੀ ਨੇ ਵਿਚੋਲੇ ਬਣ ਕੇ ਕਰਵਾਇਆ ਸੀ। ਉਨ੍ਹਾਂ ਦੱਸਿਆ ਕਿ ਨਵਜੋਤ ਕੌਰ ਨੇ ਆਈਲੈਟ ਕੀਤੀ ਹੋਈ ਸੀ, ਜਿਸਦੇ 6.5 ਬੈਂਡ ਸਨ, ਜੋ ਸਾਡਾ ਇਹਨਾਂ ਨਾਲ ਜ਼ਬਾਨੀ ਐਗਰੀਮੈਂਟ ਹੋਇਆ ਸੀ ਕਿ ਲੜਕੀ ਨਵਜੋਤ ਕੌਰ ਵਿਦੇਸ਼ ਕੈਨੇਡਾ ਜਾ ਕੇ ਉਸਦੇ ਲੜਕੇ ਕਰਨਵੀਰ ਸਿੰਘ ਨੂੰ ਵਿਦੇਸ਼ ਕੈਨੇਡਾ ਲੈ ਕੇ ਜਾਵੇਗੀ। 
ਉਨ੍ਹਾਂ ਦੱਸਿਆ ਕਿ ਲੜਕੀ ਨਵਜੋਤ ਕੌਰ ਨੂੰ ਵਿਦੇਸ਼ ਕੈਨੇਡਾ ਭੇਜਣ ਲਈ ਸਾਡਾ ਕਰੀਬ 26-27 ਲੱਖ ਰੁਪਏ ਲੱਗ ਗਏ। ਜੋ ਨਾ ਹੀ ਉਸਦਾ ਲੜਕਾ ਵਿਦੇਸ਼ ਲੈ ਕੇ ਗਈ ਨਾ ਹੀ ਉਸਦੇ ਪੈਸੇ ਵਾਪਸ ਕੀਤੇ ਹਨ। ਜਿਸਤੇ ਉਸਦਾ ਲੜਕਾ ਟੈਸ਼ਨ ਵਿੱਚ ਰਹਿਣ ਲੱਗ ਪਿਆ ਅਤੇ 19/20 ਜੂਨ ਦੀ ਦਰਮਿਆਨੀ ਰਾਤ ਨੂੰ ਕੋਈ ਜ਼ਹਿਰੀਲੀ ਚੀਜ਼ ਖਾ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ।
 ਜਿਸਦੇ ਲੜਕੇ ਨੇ ਨਵਜੋਤ ਕੌਰ ਪੁੱਤਰੀ ਬਲਵਿੰਦਰ ਸਿੰਘ, ਪਭਜੋਤ ਸਿਘ ਪੁੱਤਰ ਬਲਵਿੰਦਰ ਸਿੰਘ, ਬਲਵਿੰਦਰ ਸਿੰਘ ਪੁੱਤਰ ਗਿਆਨ ਸਿੰਘ, ਰਾਜਵਿੰਦਰ ਕੌਰ ਪਤਨੀ ਬਲਵਿੰਦਰ ਸਿੰਘ ਵਾਸੀਆਨ ਬੁਰਜ ਅਰਾਈਆ ਥਾਂਣਾ ਕਿਲ੍ਹਾ ਲਾਲ ਸਿੰਘ ਜ਼ਿਲ੍ਹਾਂ ਬਟਾਲਾ, ਲਖਵਿੰਦਰ ਸਿੰਘ ਅਤੇ ਉਸ ਦੀ ਪਤਨੀ ਬੇਵੀ ’ਤੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।