ਹੁਸ਼ਿਆਰਪੁਰ: ਗਰਾਮ ਪੰਚਾਇਤ ਰਨਿਆਲਾ ਸ਼ਾਹਪੁਰ ਬਲਾਕ ਭੂੰਗਾ (ਹੁਸ਼ਿਆਰਪੁਰ) ਦੀ ਸਰਪੰਚ ਦਵਿੰਦਰ ਕੌਰ ਪਤਨੀ ਉੱਘੇ ਸਮਾਜ ਸੇਵਕ ਠੇਕੇਦਾਰ ਉਂਕਾਰ ਸਿੰਘ ਵਲੋਂ ਮਾਨਵਤਾ ਦੀ ਸੇਵਾ ਲਈ ਪਹਿਲਾ ਕਦਮ ਚੁੱਕਦਿਆਂ ਆਪਣੇ ਪਿੰਡ ਦੇ ਲੋੜਵੰਦ ਪਰਿਵਾਰ ਦੀ ਲੜਕੀ ਦੇ ਵਿਆਹ ਲਈ ਆਪਣੇ ਕੋਲੋਂ 5100 ਰੁਪਏ ਦੀ ਨਕਦ ਵਿੱਤੀ ਸਹਾਇਤਾ ਭੇਂਟ ਕਰਕੇ ਅਸੀਰਵਾਦ ਦਿੱਤਾ। 
ਉਸ ਬੱਚੀ ਦੇ ਸੁਖੀ ਜੀਵਨ ਲਈ ਕਾਮਨਾ ਕੀਤੀ। ਲੜਕੀ ਦੇ ਮਾਤਾ ਪਿਤਾ ਨੇ ਇਸ ਉਪਰਾਲੇ ਲਈ  ਸਰਪੰਚ ਸਾਹਿਬ ਦਾ ਦਿਲੋਂ ਧੰਨਵਾਦ ਕੀਤਾ। ਇਸ ਮੋਕੇ ਤੇ ਸਰਪੰਚ ਦਵਿੰਦਰ ਕੌਰ ਤੇ ਠੇਕੇਦਾਰ ਉਂਕਾਰ ਸਿੰਘ ਤੋਂ ਇਲਾਵਾ ਮੈਂਬਰ ਪੰਚਾਇਤ  ਸੀਤਲ ਸਿੰਘ, ਕੁਲਦੀਪ ਕੌਰ, ਰਸ਼ਪਾਲ ਸਿੰਘ, ਨਸੀਬ ਸਿੰਘ, ਹੁਸ਼ਿਆਰ ਸਿੰਘ, ਜੋਗਾ ਸਿੰਘ ਅਤੇ ਰਾਜਿੰਦਰ ਸਿੰਘ (ਚੁਲੰਗੀ) ਆਦਿ ਹਾਜਰ ਸਨ। 
ਸਰਪੰਚ ਦਵਿੰਦਰ ਕੌਰ ਨੇ ਕਿਹਾ ਕਿ ਆਪਣੇ ਪਿੰਡ ਦੇ ਲੋੜਵੰਦਾਂ ਲਈ ਅਜਿਹੇ ਉਪਰਾਲੇ ਉਹਨਾਂ ਵੱਲੋਂ ਨਿਰੰਤਰ ਜਾਰੀ ਰਹਿਣਗੇ। ਪੜ੍ਹਾਈ ਵਿੱਚ ਹੁਸ਼ਿਆਰ ਲੋੜਵੰਦ ਬੱਚਿਆ ਦੀ ਵੀ ਸਹਾਇਤਾ ਕੀਤੀ ਜਾਵੇਗੀ।