ਚੰਡੀਗੜ੍ਹ, 5 ਮਾਰਚ, 2024:- ਡਾ: ਵਰਿੰਦਰ ਕੌਰ, ਕੈਮਿਸਟਰੀ ਵਿਭਾਗ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਨੂੰ ਵਿਗਿਆਨ ਅਤੇ ਇੰਜੀਨੀਅਰਿੰਗ ਖੋਜ ਬੋਰਡ, ਨਵੀਂ ਦਿੱਲੀ ਵੱਲੋਂ ਤਿੰਨ ਮਹੀਨਿਆਂ (5 ਮਾਰਚ ਤੋਂ 28 ਮਈ, 2024) ਲਈ SERB-POWER ਮੋਬਿਲਿਟੀ ਫੈਲੋਸ਼ਿਪ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਉਹ ਪ੍ਰੋਫੈਸਰ ਐਡਵਿਨ ਕ੍ਰੋਕ, ਕੈਮਿਸਟਰੀ ਵਿਭਾਗ, ਟੈਕਨੀਸ਼ ਯੂਨੀਵਰਸਿਟੀ ਬਰਗਾਕਾਡੇਮੀ, ਫਰੀਬਰਗ, ਜਰਮਨੀ ਦੀ ਖੋਜ ਲੈਬ ਦਾ ਦੌਰਾ ਕਰੇਗੀ। ਉਹ ਮੈਟਲ ਆਰਗੈਨਿਕ ਫਰੇਮਵਰਕ ਦੀ ਵਰਤੋਂ ਕਰਦੇ ਹੋਏ ਬਾਇਓਮਾਸ ਨੂੰ ਵੈਲਯੂ ਐਡਿਡ ਉਤਪਾਦਾਂ ਵਿੱਚ ਬਦਲਣ 'ਤੇ ਕੰਮ ਕਰੇਗੀ।