ਹੁਸ਼ਿਆਰਪੁਰ- ਡੀਏਵੀ ਕਾਲਜ ਹੋਸ਼ਿਆਰਪੁਰ ਦੇ ਇਤਿਹਾਸ ਵਿਭਾਗ ਵਿਚ ਐਸੋਸੀਏਟ ਪ੍ਰੋਫੈਸਰ  ਅਨਿਲ ਕੁਮਾਰ ਨੇ ਪੰਜਾਬ ਵਿਖੇ ਉੱਚ ਸਿੱਖਿਆ ਸੰਸਥਾਵਾਂ ਵਿੱਚ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਲਈ ਦਿਨਚਰੀ ਵਿੱਚ ਵਾਧਾ ਕਰਨ ਦੀ ਜ਼ਰੂਰਤ ਉਤੇ ਜ਼ੋਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਨਾਲ ਸਬੰਧਤ ਬਹੁਤ ਸਾਰੇ ਕਾਲਜ ਹੁਣੇ 5.5 ਘੰਟਿਆਂ ਦੀ ਅਕਾਦਮਿਕ ਹਾਜ਼ਰੀ ਦੇ ਢਾਂਚੇ ’ਤੇ ਕੰਮ ਕਰ ਰਹੇ ਹਨ, ਜੋ ਵਿਦਿਆਰਥੀਆਂ ਦੀ ਪੂਰੀ ਵਿਕਾਸਯੋਗਤਾ ਲਈ ਅਣਕਾਫ਼ੀ ਹੈ।
ਪ੍ਰੋਫੈਸਰ ਅਨਿਲ ਕੁਮਾਰ ਨੇ ਦੱਸਿਆ ਕਿ, “5.5 ਘੰਟਿਆਂ ਦੀ ਪਾਬੰਦੀ ਕਾਰਨ ਅਧਿਆਪਕਾਂ ਨੂੰ ਸਿਲੇਬਸ ਨੂੰ ਜਲਦੀ-ਜਲਦੀ ਸਮਝਾਉਣਾ ਪੈਂਦਾ ਹੈ। ਇਸ ਨਾਲ ਨਾ ਸਿਰਫ ਪਾਠ ਦੀ ਗੁਣਵੱਤਾ ਪ੍ਰਭਾਵਿਤ ਹੁੰਦੀ ਹੈ, ਸਗੋਂ ਵਿਦਿਆਰਥੀਆਂ ਨੂੰ ਆਪਣੇ ਸੰਦੇਹ ਦੂਰ ਕਰਨ, ਚਰਚਾ ਕਰਨ, ਲੈਬ ਵਰਕ, ਪ੍ਰਾਜੈਕਟ ਜਾਂ ਸਹਿਯੋਗੀ ਗਤੀਵਿਧੀਆਂ ਲਈ ਵੀ ਠੀਕ ਸਮਾਂ ਨਹੀਂ ਮਿਲਦਾ।”
ਉਨ੍ਹਾਂ ਅੱਗੇ ਕਿਹਾ ਕਿ ਜੇਕਰ ਦਿਨਚਰੀ ਨੂੰ ਘੱਟੋ-ਘੱਟ 7 ਘੰਟਿਆਂ ਤੱਕ ਵਧਾਇਆ ਜਾਵੇ ਤਾਂ ਅਧਿਆਪਕ ਆਸਾਨੀ ਨਾਲ ਇੰਟਰੈਕਟਿਵ ਅਤੇ ਵਿਸ਼ਲੇਸ਼ਣਾਤਮਕ ਢੰਗ ਨਾਲ ਪੜ੍ਹਾ ਸਕਣਗੇ। ਇਸ ਨਾਲ ਵਿਦਿਆਰਥੀਆਂ ਨੂੰ ਭਰਪੂਰ ਸਮਾਂ ਮਿਲੇਗਾ ਜੋ ਉਨ੍ਹਾਂ ਦੇ ਅੰਦਰੂਨੀ ਟੈਸਟਾਂ, ਪਰੇਖਣਾਂ, ਪ੍ਰਾਜੈਕਟ ਕੰਮ, ਹੋਰ ਗਤੀਵਿਧੀਆਂ ਅਤੇ ਮੁਕਾਬਲੇ ਦੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਲਈ ਲਾਭਕਾਰੀ ਹੋਵੇਗਾ।
ਪ੍ਰੋਫੈਸਰ ਅਨਿਲ ਕੁਮਾਰ ਨੇ ਕਿਹਾ, “ਇਹ ਸੋਧ ਅਜੋਕੇ ਸਮੇਂ ਦੀ ਲੋੜ ਹੈ। 7 ਘੰਟਿਆਂ ਦੀ ਦਿਨਚਰੀ ਨਾਲ ਸਿੱਖਿਆ ਦੀ ਗੁਣਵੱਤਾ ਵਿਧਿਆਰਥੀਆਂ ਦੇ ਭਵਿੱਖ ਨੂੰ ਨਿਕਾਰ ਸਕਦੀ ਹੈ।”
ਉਨ੍ਹਾਂ ਦੀ ਇਹ ਗੱਲ ਹੁਣ ਪੰਜਾਬ ਦੇ ਸਿੱਖਿਆ ਖੇਤਰ ਵਿੱਚ ਵਿਚਾਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ ਅਤੇ ਕਈ ਅਕਾਦਮਿਕ ਵਿਅਕਤੀਆਂ ਨੇ ਇਸ ਨੂੰ ਲਾਭਕਾਰੀ ਅਤੇ ਸਮੇਂ ਦੀ ਮੰਗ ਦੱਸਿਆ ਹੈ।