ਮਾਹਿਲਪੁਰ, (17 ਦਸੰਬਰ) ਸ੍ਰੀਮਤੀ ਗੁਰਬਚਨ ਕੌਰ ਜੀ (90) ਪਤਨੀ ਸ਼੍ਰੀ ਬਿਸ਼ਨ ਚੰਦ ਜੀ, ਜੋ ਪਿਛਲੀ ਦਿਨੀ ਸਦੀਵੀ ਵਿਛੋੜਾ ਦੇ ਗਏ ਸਨl ਉਨਾਂ ਦੀ ਆਤਮਿਕ ਸ਼ਾਂਤੀ ਲਈ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦਾ ਭੋਗ ਅਤੇ ਅੰਤਿਮ ਅਰਦਾਸ ਅੱਜ ਗੁਰਦੁਆਰਾ ਸ਼੍ਰੀ ਗੁਰੂ ਰਵਿਦਾਸ ਜੀ ਪਿੰਡ ਆਲੋਵਾਲ (ਸ਼ਹੀਦ ਭਗਤ ਸਿੰਘ ਨਗਰ) ਵਿਖੇ ਕੀਤੀ ਗਈl ਇਸ ਮੌਕੇ ਸੰਗਤਾਂ ਦੇ ਹੋਏ ਭਰਵੇ ਇਕੱਠ ਦੌਰਾਨ ਪਿੰਡ ਦੇ ਸਰਪੰਚ ਤਿਲਕ ਰਾਜ ਜੀ ਨੇ ਕਿਹਾ ਕਿ ਮਾਤਾ ਗੁਰਬਚਨ ਕੌਰ ਜੀ ਇੱਕ ਦਿਆਲੂ ਸੁਭਾਅ ਦੇ ਮਾਲਕ ਸਨl ਉਹਨਾਂ ਨੇ ਆਪਣੇ ਬੱਚਿਆਂ ਨੂੰ ਹਮੇਸ਼ਾ ਹੀ ਚੰਗੇ ਸੰਸਕਾਰ ਦੇ ਕੇ ਜ਼ਿੰਦਗੀ ਵਿੱਚ ਕਾਮਯਾਬ ਬਣਾਇਆl ਉਹਨਾਂ ਕਿਹਾ ਕਿ ਉਨਾਂ ਦੇ ਸਪੁੱਤਰ ਪੀ.ਐਲ. ਸੂਦ. ਰਿਟਾਇਰਡ ਚੀਫ ਬੈਂਕ ਮੈਨੇਜਰ, ਰਾਜਿੰਦਰ ਪਾਲ ਸ਼ੌਪਕੀਪਰ ਅਤੇ ਉਹਨਾਂ ਦੀਆਂ ਦੋ ਬੇਟੀਆਂ ਪੁਸ਼ਪਾ ਅਤੇ ਜੋਗੇਸ਼ ਬਾਲਾ ਆਪਣੇ ਮਾਤਾ ਪਿਤਾ ਵੱਲੋ ਮਿਲੇ ਚੰਗੇ ਸੰਸਕਾਰਾਂ ਦੀ ਬਦੌਲਤ ਇੱਕ ਵਧੀਆ ਜੀਵਨ ਬਤੀਤ ਕਰ ਰਹੇ ਹਨl ਇਸ ਮੌਕੇ ਪਲਵਿੰਦਰ ਸਿੰਘ ਸੂਦ ਕਾਨੂਗੋ ਜਿਲਾ ਪ੍ਰਧਾਨ ਪਟਵਾਰ ਯੂਨੀਅਨ ਸ਼ਹੀਦ ਭਗਤ ਸਿੰਘ ਨਗਰ ਨੇ ਆਪਣੇ ਵਿਚਾਰਾਂ ਦੀ ਸਾਂਝ ਪਾਉਂਦਿਆਂ ਕਿਹਾ ਕਿ ਮਾਤਾ ਗੁਰਬਚਨ ਕੌਰ ਜੀ ਦੇ ਸਪੁੱਤਰ ਸ੍ਰੀ ਪੀ.ਐਲ. ਸੂਦ ਸੰਵਿਧਾਨ ਨਿਰਮਾਤਾ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਮਿਸ਼ਨ ਤੇ ਚਲਦੇ ਹੋਏ ਵੱਧ ਤੋਂ ਵੱਧ ਸਮਾਜ ਭਲਾਈ ਦੇ ਕਾਰਜਾਂ ਵਿੱਚ ਸਹਿਯੋਗ ਪਾ ਰਹੇ ਹਨl ਰਿਟਾਇਰਡ ਡੀ.ਓ. ਨਾਜਰ ਰਾਮ ਮਾਨ ਨੇ ਕਿਹਾ ਕਿ ਮੌਤ ਜ਼ਿੰਦਗੀ ਦੀ ਇੱਕ ਅਟੱਲ ਸੱਚਾਈ ਹੈl ਜ਼ਿੰਦਗੀ ਅਤੇ ਮੌਤ ਦੇ ਵਿਚਕਾਰਲੇ ਸਮੇਂ ਨੂੰ ਜੀਵਨ ਕਿਹਾ ਜਾਂਦਾ ਹੈl ਇਸ ਸਮੇਂ ਵਿੱਚ ਸਾਨੂੰ ਹਮੇਸ਼ਾ ਹੀ ਆਪਣੇ ਪਰਿਵਾਰ, ਆਪਣੇ ਆਂਢ ਗੁਆਂਢ ਅਤੇ ਸਮਾਜ ਨਾਲ ਚੰਗਾ ਵਰਤਾਓ ਕਰਦੇ ਹੋਏ ਹਰ ਤਰ੍ਹਾਂ ਦੇ ਨਸ਼ਿਆਂ ਅਤੇ ਸਮਾਜਿਕ ਬੁਰਾਈਆਂ ਤੋਂ ਦੂਰ ਹੁੰਦੇ ਹੋਏ ਧੰਨ ਧੰਨ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਵੱਲੋਂ ਦਰਸਾਏ ਮਾਰਗ ਤੇ ਚੱਲਣ ਲਈ ਹਮੇਸ਼ਾ ਹੀ ਯਤਨਸ਼ੀਲ ਰਹਿਣਾ ਚਾਹੀਦਾ ਹੈl ਸਮਾਗਮ ਦੇ ਅਖੀਰ ਵਿੱਚ ਰਿਟਾਇਰਡ ਚੀਫ ਬੈਂਕ ਮੈਨੇਜਰ ਪੀ.ਐਲ. ਸੂਦ. ਵੱਲੋਂ ਇਸ ਸ਼ਰਧਾਂਜਲੀ ਸਮਾਗਮ ਵਿੱਚ ਪਹੁੰਚੇ ਆਪਣੇ ਰਿਸ਼ਤੇਦਾਰਾ, ਸੱਜਣਾ -ਮਿੱਤਰਾ ਨਗਰ ਨਿਵਾਸੀਆ ਅਤੇ ਸਮੂਹ ਸੰਗਤਾਂ ਦਾ ਧੰਨਵਾਦ ਕੀਤਾ ਗਿਆl ਇਸ ਮੌਕੇ ਦਿਲਬਾਗ ਸਿੰਘ ਰਿਟਾਇਰਡ ਇੰਸਪੈਕਟਰ ਪੰਜਾਬ ਰੋਡਵੇਜ, ਮੋਹਣ ਲਾਲ ਬੈਂਕ ਮੁਲਾਜ਼ਮ, ਸੋਹਣ ਲਾਲ ਸਿੰਬਲੀ, ਨਰਾਇਣ ਦਾਸ ਨਵਾਂਸ਼ਹਿਰ ਰਾਜਿੰਦਰ ਪਾਲ ਆਲੋਵਾਲ ਸਮੇਤ   ਸਮਾਜਿਕ, ਰਾਜਨੀਤਿਕ ਅਤੇ ਧਾਰਮਿਕ ਖੇਤਰ ਨਾਲ ਜੁੜੀਆਂ ਸਨਮਾਨਯੋਗ ਸ਼ਖਸੀਅਤਾਂ ਹਾਜ਼ਰ ਸਨl ਸਮਾਗਮ ਦੇ ਅਖੀਰ ਵਿੱਚ ਗੁਰੂ ਕਾ ਲੰਗਰ ਅਤੁੱਟ ਚੱਲਿਆ l