ਐਸ ਏ ਐਸ ਨਗਰ, 6 ਨਵੰਬਰ - ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ ਦੇ ਝੰਜੇੜੀ ਕੈਂਪਸ ਵੱਲੋਂ ਦੀਵਾਲੀ ਦੇ ਤਿਉਹਾਰ ਮੌਕੇ ਕੈਂਪਸ ਵਿਚ ਇਕ ਰੰਗਾਰੰਗ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਕੈਂਪਸ ਵਿੱਚ ਖਾਣ ਪੀਣ ਦੇ ਖ਼ੂਬਸੂਰਤ ਸਟਾਲ ਵੀ ਸਜਾਏ ਗਏ। ਇਸ ਦੇ ਨਾਲ ਨਾਲ ਵਿਦਿਆਰਥੀਆਂ ਨੇ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਦੇ ਹੋਏ ਖ਼ੂਬਸੂਰਤ ਪੇਸ਼ਕਾਰੀਆਂ ਵੀ ਦਿੱਤੀਆਂ।

ਇਸ ਮੌਕੇ ਵਿਦਿਆਰਥੀਆਂ ਵੱਲੋਂ ਕੈਂਪਸ ਨੂੰ ਆਪਣੇ ਹੱਥਾਂ ਨਾਲ ਬਣਾਈ ਗਈ ਖ਼ੂਬਸੂਰਤ ਰੰਗੋਲੀ ਨਾਲ ਸਜਾਇਆ ਗਿਆ। ਵਿਦਿਆਰਥੀਆਂ ਵੱਲੋਂ ਆਪਣੇ ਹੱਥਾਂ ਨਾਲ ਸਜਾਏ ਗਏ ਲਿਬਾਸ, ਗਹਿਣਿਆਂ, ਘਰੇਲੂ ਸਜਾਵਟ, ਹੱਥਾਂ ਨਾਲ ਬਣੇ ਦੀਵੇ, ਗ੍ਰੀਟਿੰਗ ਕਾਰਡ, ਸ਼ਿੰਗਾਰ ਸਮਾਨ, ਪੇਪਰ ਬੈਗ, ਬੈਗ ਅਤੇ ਹੋਰ ਕਈ ਜੀਵਨ ਸ਼ੈਲੀ ਦੇ ਉਤਪਾਦਾਂ ਦੀ ਪ੍ਰਦਰਸ਼ਨੀ ਵੀ ਲਗਾਈ ਗਈ।

ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਤੰਬੋਲਾ, ਲੱਡੂ, ਬਲੱਸ਼ ਗੇਮਜ਼ ਅਤੇ ਸੰਗੀਤ ਕੁਰਸੀਆਂ ਜਿਹੀਆਂ ਮੌਨਰੰਜਕ ਖੇਡਾਂ ਵਿਚ ਖੂਬ ਜ਼ੋਰ ਸ਼ੋਰ ਨਾਲ ਹਿੱਸਾ ਲਿਆ। ਇਸ ਦੇ ਇਲਾਵਾ ਖਾਣ ਪੀਣ ਦੇ ਸਾਮਾਨ ਕਬਾਬ, ਰੋਲ, ਪੀਜ਼ਾ, ਇੰਡੀਅਨ ਸਟਰੀਟ ਫੂਡ ਸਮੇਤ ਕਈ ਹੋਰ ਵਿਅੰਜਨਾਂ ਦੇ ਸਟਾਲ ਲਗਾਏ ਗਏ। ਪ੍ਰੈਜ਼ੀਡੈਂਟ ਰਛਪਾਲ ਸਿੰਘ ਧਾਲੀਵਾਲ ਅਤੇ ਐਮ ਡੀ ਅਰਸ਼ ਧਾਲੀਵਾਲ ਨੇ ਸਭ ਨੂੰ ਦੀਵਾਲੀ ਦੀ ਵਧਾਈ ਦਿੰਦੇ ਹੋਏ ਸਰਬਤ ਦੇ ਭਲੇ ਦੀ ਕਾਮਨਾ ਕੀਤੀ।