ਚੰਡੀਗੜ੍ਹ: 18 ਨਵੰਬਰ, 2024: ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਲਈ ਇਹ ਬਹੁਤ ਹੀ ਫ਼ਖ਼ਰ ਵਾਲੀ ਗੱਲ ਹੈ ਕਿ ਜਿਤੇਂਦਰ ਸਿੰਘ, ਜੋ ਕਿ ਪੇਕ ਦੇ ਏਅਰੋਸਪੇਸ ਇੰਜੀਨੀਅਰਿੰਗ (ਬੈਚ 1993-97) ਦੇ ਸਾਬਕਾ ਵਿਦਿਆਰਥੀ ਹਨ ਅਤੇ ਟੀ ਯੂ  ਡੇਲਫਟ ਅਤੇ ਆਈ ਐਸ ਏ ਈ,  ਐਸ ਯੂ ਪੀ ਏ ਈ ਆਰ ਓ ਤੋਂ ਏਅਰਕ੍ਰਾਫਟ ਪ੍ਰੋਪਲਸ਼ਨ ਅਤੇ ਫਲਾਈਟ ਟੈਸਟਿੰਗ ਦੇ ਮਾਹਿਰ ਹਨ, ਨੂੰ ਫਰਾਂਸ ਦੇ ਸਪੇਸਫਲਾਈਟ ਇੰਸਟਿਟਿਊਟ ਵਿੱਚ ਕਮਰਸ਼ਲ ਅਸ੍ਟ੍ਰੋਨੋਟ ਪ੍ਰੋਗਰਾਮ ਦੇ ਪਹਿਲੇ ਬੈਚ ਵਿੱਚ ਟ੍ਰੇਨਿੰਗ ਲਈ ਚੁਣਿਆ ਗਿਆ ਹੈ। ਉਹ ਇਸ ਪ੍ਰੋਗਰਾਮ ਦੇ ਪਹਿਲੇ ਕੋਹੋਰਟ ਵਿੱਚ ਭਾਰਤ ਦੇ ਪਹਿਲੇ ਉਮੀਦਵਾਰ ਹਨ।
ਉਹ ਹਾਲ ਹੀ ਵਿੱਚ ਟ੍ਰੈਕ 1 ਮੋਡੀਊਲ ਦੇ ਫੇਜ਼-1 ਵਿੱਚ ਭਾਗ ਲੈ ਰਹੇ ਹਨ, ਜਿਸ ਵਿੱਚ ਮਨੋਵਿਗਿਆਨ, ਇੱਕਲਤਾ, ਸੰਚਾਰ, ਅੰਤਰਿਕਸ਼ ਖੋਜ ਅਤੇ ਗੰਭੀਰ ਸਰਵਾਈਵਲ ਟ੍ਰੇਨਿੰਗ ਨਾਲ ਸੰਬੰਧਤ ਮੂਲ ਵਿਸ਼ੇ ਸ਼ਾਮਿਲ ਹਨ।
ਇਹ ਉਪਲਬਧੀ ਭਾਰਤ ਦੀ ਵਧਦੀਆਂ ਕਮਰਸ਼ਲ ਅੰਤਰਿਕਸ਼ ਉਡਾਣਾਂ ਵਿੱਚ ਭਾਗੀਦਾਰੀ ਲਈ ਇਕ ਇਤਿਹਾਸਿਕ ਮੀਲ ਦਾ ਪੱਥਰ ਹੈ। ਜਿਤੇਂਦਰ ਸਿੰਘ ਦੀ ਚੋਣ ਨਾ ਸਿਰਫ ਕਮਰਸ਼ਲ ਅੰਤਰਿਕਸ਼ ਖੋਜ ਵਿੱਚ ਵੱਧਦੇ ਮੌਕਿਆਂ ਨੂੰ ਦਰਸਾਉਂਦੀ ਹੈ, ਸਗੋਂ ਭਾਰਤ ਦੀ ਗਲੋਬਲ ਏਅਰੋਸਪੇਸ ਕਮਿਊਨਿਟੀ ਵਿੱਚ ਮੌਜੂਦਗੀ ਨੂੰ ਵੀ ਸਥਾਪਿਤ ਕਰਦੀ ਹੈ। ਇਹ ਪਹਿਲੀ ਕੋਸ਼ਿਸ਼ ਸਰਕਾਰ-ਪ੍ਰਧਾਨ ਅੰਤਰਿਕਸ਼ ਪ੍ਰੋਗਰਾਮਾਂ ਅਤੇ ਨਵੀਂ ਉਭਰ ਰਹੀ ਕਮਰਸ਼ਲ ਸਪੇਸਫਲਾਈਟ ਖੇਤਰ ਦਰਮਿਆਨ ਪੁਲ ਦਾ ਕੰਮ ਵੀ ਕਰਦੀ ਹੈ।
ਉਹ ਆਪਣੀ ਇਸ ਉਪਲੱਭਦੀ ਲਈ, ਪ੍ਰੇਰਨਾ ਸਦਕਾ ਕਲਪਨਾ ਚਾਵਲਾ, ਅੰਤਰਿਕਸ਼ ਯਾਤਰੀ ਅਤੇ ਪੇਕ ਦੀ ਸਾਬਕਾ ਵਿਦਿਆਰਥੀ, ਤੋਂ ਪ੍ਰੇਰਿਤ ਰਹੇ ਹਨ ਅਤੇ ਉਹ ਕਲਪਨਾ ਚਾਵਲਾ ਦੀ ਧਰੋਹੀ ਵਿਰਾਸਤ ਨੂੰ ਮਨੁੱਖਤਾ ਦੀ ਸੇਵਾ ਵਿੱਚ ਅੱਗੇ ਵਧਾਉਣ ਦੀ ਆਸ਼ਾ ਵੀ ਰੱਖਦੇ ਹਨ। ਉਹ ਆਪਣੀ ਇਸ ਸਫਲਤਾ ਦਾ ਮਾਣ ਆਪਣੇ ਅਲਮਾ ਮੈਟਰ ਪੰਜਾਬ ਇੰਜੀਨੀਅਰਿੰਗ ਕਾਲਜ ਨੂੰ ਦਿੰਦੇ ਹਨ।