ਨਵਾਂਸ਼ਹਿਰ- ਅਸੈਸਮੇਂਟ ਕੈਂਪ - ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ
ਮਿਤੀ  20 ਅਗਸਤ 2025 ਨੂੰ  ਜਿਲ੍ਹਾ ਸਿੱਖਿਆ ਅਫ਼ਸਰ ਅਨੀਤਾ ਸ਼ਰਮਾ ਦੀ ਅਗਵਾਈ ਹੇਠ  ਸਿੱਖਿਆ ਵਿਭਾਗ ਦੇ ਆਈ. ਈ. ਡੀ. ਕੰਪੋਨੈਂਟ ਅਤੇ ਅਲਿਮਕੋ ਦੇ ਤਾਲਮੇਲ ਨਾਲ  ਦਿਵਆਂਗ ਬੱਚਿਆਂ ਦਾ  ਅਸੈਸਮੇਂਟ  ਕੈਂਪ  ਬੀ.ਆਰ. ਸੀ.ਸਿਆਣਾ  ਬਲਾਕ ਬਲਾਚੌਰ 2 ਵਿਖੇ ਲਗਾਇਆ ਗਿਆ।  
ਇਸ ਕੈਂਪ ਵਿੱਚ 56 ਦਿਵਆਂਗ ਬੱਚਿਆਂ ਨੂੰ 81 ਸਹਾਇਕ ਉਪਕਰਣ  ਦੇਣ ਲਈ ਸੂਚੀਬੱਧ ਕੀਤਾ ਗਿਆ।ਜਿਸ ਵਿੱਚ ਅਲਿਮਕੋ ਦੀ ਡਾਕਟਰ ਟੀਮ ਵਿੱਚ ਸ਼੍ਰੀ ਸੂਰ‌ਆ ਪਾਂਡੇ,ਸ਼੍ਰੀ ਅਕਾਸ਼, ਸ਼੍ਰੀ ਰਾਜ ਰਾਘਵ ਅਤੇ ਸ਼੍ਰੀ ਅਮਰਜੀਤ ਸਿੰਘ ਹਾਜ਼ਰ ਸਨ। ਸਿਵਿਲ ਹਸਪਤਾਲ ਵੱਲੋਂ ਡਾ. ਜਤਿਨ ਭੱਲਾ, ਡਾ.ਮਨਦੀਪ ਕੌਰ, ਡਾ. ਪ੍ਰਿਯੰਕਾ ਹਾਜ਼ਰ ਸਨ।
 ਡਾ.ਰਵਿੰਦਰ ਕੁਮਾਰ ਫਿਸਿਓਥੈਰਾਪਿਸਟ ਵੱਲੋਂ ਆਰਥੋ ਦੇ ਬੱਚਿਆਂ ਦੀ ਅਸੈਸਮੇਂਟ ਕੀਤੀ ਗਈ।ਆਈ.ਈ.ਆਰ.ਟੀ. ਕੁਲਦੀਪ ਕੁਮਾਰ,ਅੰਕੁਰ ਮਲਿਕ, ਰਾਕੇਸ਼ ਕੁਮਾਰ, ਸੰਦੀਪ ਕੁਮਾਰ, ਰਚਨਾ, ਸੰਦੀਪ, ਅੰਜੂ, ਰੂਹੀ , ਗਗਨਦੀਪ ਕੌਰ ਅਕਾਊਂਟੈਂਟ ਨੇ ਵਿਭਾਗ ਵੱਲੋਂ ਲਗਾਈ ਗਈ ਡਿਊਟੀ ਨੂੰ ਸਫਲਤਾਪੂਰਵਕ ਨਿਭਾਇਆ ਗਿਆ। ਦਿਵ‌ਆਂਗ ਬੱਚਿਆਂ ਦਾ ਅਸੈਸਮੇਂਟ  ਕੈਂਪ ਡੀ.ਐੱਸ.ਈ. ਨਰਿੰਦਰ ਕੌਰ ਅਤੇ ਡੀ.ਐੱਸ.ਈ. ਟੀ . ਰਜਨੀ ਦੀ ਦੇਖ ਰੇਖ ਵਿੱਚ ਸਫਲਤਾਪੂਰਨ ਮੁਕੰਮਲ ਕੀਤਾ ਗਿਆ।
        ਜਿਲ੍ਹਾ ਸਿੱਖਿਆ ਅਫ਼ਸਰ ਅਨੀਤਾ ਸ਼ਰਮਾ ਵੱਲੋਂ ਦੱਸਿਆ ਗਿਆ ਕਿ  ਸਿੱਖਿਆ ਵਿਭਾਗ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਦਾ ਬੱਚੇ ਓਦੋਂ ਹੀ ਲਾਭ ਲੈ ਸਕਦੇ ਹਨ, ਜਦੋਂ ਉਹ ਸਰਕਾਰੀ ਸਕੂਲ ਵਿੱਚ ਦਾਖਲਾ ਲੈਂਦੇ ਹਨ। ਦਿਵ‌ਆਂਗ ਬੱਚੇ ਸਾਡੇ ਸਮਾਜ ਦਾ ਅਨਿੱਖੜਵਾਂ ਅੰਗ ਹਨ। ਸਰਕਾਰ ਅਤੇ ਸਿੱਖਿਆ ਵਿਭਾਗ ਵੱਲੋਂ ਇਹਨਾਂ ਬੱਚਿਆਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਲਈ ਅਤੇ ਸਕੂਲਾਂ ਵਿੱਚ ਦਿਵ‌ਆਂਗ ਬੱਚਿਆਂ ਦੀ ਪਹੁੰਚ ਲਈ ਬਹੁਤ ਉੱਤਮ ਉਪਰਾਲੇ ਕੀਤੇ ਜਾ ਰਹੇ ਹਨ।