ਨਵਾਂਸ਼ਹਿਰ - ਪੰਜਾਬ ਦੇ ਦਰਵੇਸ਼ ਸਿਆਸਤਦਾਨ ਟਕਸਾਲੀ ਆਗੂ ਹਲਕਾ ਬੰਗਾ ਸਵਰਗਵਾਸੀ ਸਰਦਾਰ ਪਾਖਰ ਸਿੰਘ ਨਿਮਾਣਾ ਯਾਦਗਾਰੀ ਫਾਉਂਡੇਸ਼ਨ ਹਲਕਾ ਬੰਗਾ ਦੀ ਅਹਿਮ ਮੀਟਿੰਗ ਪਿੰਡ ਚੱਕ ਗੁਰੂ ਵਿਖੇ ਨਿਮਾਣਾ ਨਿਵਾਸ ਤੇ ਹੋਈ। ਜਿਸ ਵਿੱਚ ਪ੍ਰਧਾਨ ਜੋਗਰਾਜ ਜੋਗੀ ਨਿਮਾਣਾ, ਚੇਅਰਮੈਨ ਅਮਰਜੀਤ ਸਿੰਘ ਪਰਹਾਰ, ਮਹਿੰਦਰ ਸਿੰਘ ਚੱਕ ਗੁਰੂ, ਬਲਵੀਰ ਮੰਢਾਲੀ, ਅਮਰੀਕ ਬੰਗਾ, ਬਲਵੰਤ ਸਿੰਘ, ਸ਼ੌਂਕੀ, ਰਾਮ ਲੁਭਾਇਆ, ਸਾਬੀ ਭਰੋ ਮਜਾਰਾ, ਰਾਣੂਆ ਵਿਜੇ ਕੁਮਾਰ ਚੱਕ ਮਾਈ ਦਾਸ, ਅਮਰਜੀਤ ਚੱਕਰਾਮੂ, ਜੈਰਾਮ ਸਿੰਘ, ਪ੍ਰਗਣ ਬੈਂਸ, ਹਰਪ੍ਰੀਤ ਸਿੰਘ ਆਦਿ ਹਾਜ਼ਰ ਹੋਏ। 
ਮੀਟਿੰਗ ਦੌਰਾਨ ਸਭ ਤੋਂ ਪਹਿਲਾਂ ਦੋ ਮਿੰਟ ਦਾ ਮੌਨ ਰੱਖਿਆ ਗਿਆ। ਸਵਰਗੀ ਸਰਦਾਰ ਪਾਖਰ ਸਿੰਘ ਨਿਮਾਣਾ ਜੀ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਉਪਰੰਤ ਆਉਣ ਵਾਲੇ ਸਮੇਂ ਵਿੱਚ ਸਵਰਗੀ ਪਾਖਰ ਸਿੰਘ ਨਿਮਾਣਾ ਦੀ ਯਾਦ ਵਿੱਚ ਉਲੀਕੇ ਜਾਣ ਵਾਲੇ ਪ੍ਰੋਗਰਾਮਾਂ ਵਾਰੇ ਵਿਸਥਾਰ ਸਹਿਤ ਚਰਚਾ ਕੀਤੀ ਗਈ। ਉਹਨਾਂ ਵਲੋਂ ਦਰਸਾਏ ਮਾਰਗ ਤੇ ਚੱਲਣ ਦਾ ਪ੍ਰਣ ਕੀਤਾ ਗਿਆ। ਜੋਗੀ ਨਿਮਾਣਾ ਨੇ ਕਿਹਾ ਕਿ ਉਹ ਆਪਣੇ ਸਤਿਕਾਰਯੋਗ ਪਿਤਾ ਜੀ ਸਰਦਾਰ ਪਾਖਰ ਸਿੰਘ ਨਿਮਾਣਾ ਜੀ ਦੇ ਨਕਸ਼ੇ ਕਦਮਾਂ ਤੇ ਚੱਲਕੇ ਹਲਕਾ ਬੰਗਾ ਦੇ ਲੋਕਾਂ ਦੇ ਦੁੱਖ ਸੁੱਖ ਵਿੱਚ ਹਰ ਵਕਤ ਹਾਜ਼ਰ ਰਹਿਣਗੇ ਅਤੇ ਆਏ ਹੋਏ ਸਾਥੀਆਂ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ ਗਿਆ।