ਚੰਡੀਗੜ੍ਹ, 7 ਨਵੰਬਰ 2024: ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡਿਮਡ ਯੂਨੀਵਰਸਿਟੀ), ਚੰਡੀਗੜ੍ਹ ਵਲੋਂ 8 ਤੋਂ 10 ਨਵੰਬਰ 2024 ਤੱਕ "ਡਿਜ਼ਾਈਨ ਅਤੇ ਮੈਨੂਫੈਕਚਰਿੰਗ ਟੈਕਨੋਲੋਜੀਜ਼" 'ਤੇ ਅੰਤਰਰਾਸ਼ਟਰੀ ਕਾਨਫਰੰਸ “ICDMT-2024” ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਕਾਨਫਰੰਸ ਦਾ ਮੁੱਖ ਵਿਸ਼ਾ "ਡਿਜ਼ਾਈਨ, ਡਿਵੈਲਪ ਅਤੇ ਮੈਨੂਫੈਕਚਰ" ਹੈ। ਇਸ ਮਹੱਤਵਪੂਰਨ ਸਮਾਗਮ ਦਾ ਉਦਘਾਟਨ ਟਰਾਈਡੈਂਟ ਗਰੁੱਪ ਇੰਡੀਆ ਦੇ ਚੇਅਰਮੈਨ ਅਤੇ ਪੀਈਸੀ ਦੇ ਬੋਰਡ ਆਫ ਗਵਰਨਰਜ਼ ਦੇ ਚੇਅਰਮੈਨ, ਪਦਮ ਸ਼੍ਰੀ ਰਾਜਿੰਦਰ ਗੁਪਤਾ ਜੀ, ਮੁੱਖ ਮਹਿਮਾਨ ਵਜੋਂ ਕਰਨਗੇ।
ਇਹ ਕਾਨਫਰੰਸ ਪੀਈਸੀ ਚੰਡੀਗੜ੍ਹ ਦੇ ਮੈਕਨੀਕਲ ਇੰਜੀਨੀਅਰਿੰਗ ਵਿਭਾਗ ਵੱਲੋਂ, ਆਈਆਈਟੀ ਰੁੜਕੀ ਦੇ ਡਿਜ਼ਾਈਨ ਵਿਭਾਗ ਅਤੇ ਸੀਐਸਆਈਓ-ਸੀਐਸਆਈਆਰ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਆਯੋਜਿਤ ਕੀਤੀ ਜਾ ਰਹੀ ਹੈ। ਇਸ ਕਾਨਫਰੰਸ ਦਾ ਮਕਸਦ ਵੱਖ-ਵੱਖ ਖੇਤਰਾਂ ਦੇ ਮਾਹਿਰਾਂ, ਰਿਸਰਚਰਸ ਅਤੇ ਇੰਡਸਟਰੀ ਪ੍ਰੋਫੈਸ਼ਨਲਜ਼ ਨੂੰ ਇੱਕ ਮੰਚ 'ਤੇ ਲੈ ਕੇ ਆਉਣਾ ਹੈ, ਤਾਂ ਜੋ ਉਹ ਆਪਣੇ ਗਿਆਨ ਅਤੇ ਖੋਜ ਨੂੰ ਆਪਸ ਵਿੱਚ ਸਾਂਝਾ ਕਰ ਸਕਣ, ਅਤੇ ਨਵੀਂ ਤਕਨੀਕੀ ਸਮੱਸਿਆਵਾਂ ਦੇ ਹੱਲ ਤੇ ਰਿਸਰਚ ਨੂੰ ਹੋਰ ਵੀ ਵਧਾ ਸਕਣ।
"ICDMT-2024" ਵਿੱਚ ਕਈ ਮਹੱਤਵਪੂਰਨ ਵਿਸ਼ਿਆਂ 'ਤੇ ਚਰਚਾ ਹੋਵੇਗੀ, ਜਿਵੇਂ ਕਿ ਮੈਟੀਰੀਅਲਜ਼, ਕੰਪੋਜ਼ਿਟਸ, ਡਿਜ਼ਾਈਨ, ਮੈਨੂਫੈਕਚਰਿੰਗ ਟੈਕਨੋਲੋਜੀਜ਼, ਰੋਬੋਟਿਕਸ, ਮਾਈਕਰੋਟ੍ਰੋਨਿਕਸ ਅਤੇ ਆਟੋਮੇਸ਼ਨ ਅਤੇ ਸਸਟੈਨੇਬਲ ਸਰਕੁਲਰ ਬਾਇਓ-ਇਕਾਨੋਮੀ ਆਦਿ। ਇਸ ਕਾਨਫਰੰਸ ਨਾਲ ਅੰਤਰਰਾਸ਼ਟਰੀ ਪਬਲਿਸ਼ਿੰਗ ਪਾਰਟਨਰ ਵਜੋਂ ਸਪ੍ਰਿੰਗਰ ਅਤੇ ਸੇਜ ਜੁੜੇ ਹੋਏ ਹਨ। ਇਹ ਤਿੰਨ ਦਿਨਾਂ ਦਾ ਸਮਾਗਮ, ਕਈ ਮਹੱਤਵਪੂਰਨ ਸੈਸ਼ਨਜ਼, ਮੌਖਿਕ ਅਤੇ ਪੋਸਟਰ ਪ੍ਰੇਸੇਂਟੇਸ਼ਨ ਨਾਲ ਭਰਪੂਰ ਹੋਵੇਗਾ, ਜੋ ਕਿ ਭਾਗੀਦਾਰਾਂ ਨੂੰ ਅੱਗੇ ਤੋਂ ਖੋਜ ਅਤੇ ਨਵੀਂ ਤਕਨੀਕਾਂ ਨੂੰ ਵੇਖਣ ਦੇ ਬੇਹਤਰੀਨ ਮੌਕੇ ਵੀ ਪ੍ਰਦਾਨ ਕਰੇਗਾ।
SERB-DST (ਨਵੀਂ ਦਿੱਲੀ), ਡੀਈਈ ਪਾਇਪਿੰਗ ਸਿਸਟਮਜ਼, DST ਚੰਡੀਗੜ੍ਹ ਅਤੇ ਪੰਜਾਬ ਸਟੇਟ ਕੌਂਸਲ ਫਾਰ ਸਾਇੰਸ ਐਂਡ ਟੈਕਨੋਲੋਜੀ ਵਲੋਂ ਪ੍ਰਾਯੋਜਿਤ ਇਹ ਕਾਨਫਰੰਸ, ਡਿਜ਼ਾਈਨ ਅਤੇ ਮੈਨੂਫੈਕਚਰਿੰਗ ਦੇ ਖੇਤਰ ਵਿੱਚ ਨਵੀਨਤਮ ਹੱਲਾਂ ਨੂੰ ਅੱਗੇ ਵਧਾਉਣ ਲਈ ਇੱਕ ਮਹੱਤਵਪੂਰਨ ਮੰਚ ਵਜੋਂ ਉਭਰ ਕੇ ਆਏਗੀ।