ਐਸ. ਏ. ਐਸ. ਨਗਰ, 7 ਨਵੰਬਰ - ਪੰਜਾਬ ਤਾਇਕਵਾਂਡੋ ਐਸ਼ੋਸ਼ੀਏਸ਼ਨ ਵਲੋਂ 26ਵੀਂ ਜ਼ਿਲਾ ਤਾਇਕਵਾਂਡੋ ਚੈਂਪੀਅਨਸ਼ਿਪ ਦਾ ਆਯੋਜਨ ਗੁਰੂ ਨਾਨਕ ਵੀ. ਬੀ. ਟੀ. ਪੋਲੀਟੈਕਨਿਕ, ਉਦਯੋਗਿਕ ਖੇਤਰ, ਫੇਜ਼ 1 ਮੁਹਾਲੀ ਵਿਖੇ ਕੀਤਾ ਗਿਆ ਜਿਸ ਵਿੱਚ ਜਿਲ੍ਹੇ ਦੇ ਵੱਖ-2 ਟਰੇਨਿੰਗ ਸੈਂਟਰਾਂ ਅਤੇ ਸਕੂਲਾਂ ਦੇ ਖਿਡਾਰੀਆਂ ਨੇ ਭਾਗ ਲਿਆ। ਖੇਡ ਮੁਕਾਬਲਿਆਂ ਦਾ ਉਦਘਾਟਨ ਉੱਘੇ ਗਾਇਕ ਤੇ ਸੰਗੀਤਕਾਰ ਸ਼੍ਰੀ ਮਦਨ ਸ਼ੌਂਕੀ, ਸ. ਕੰਵਲਜੀਤ ਸਿੰਘ ਵਾਲੀਆ (ਚੇਅਰਮੈਨ, ਔਰਗੇਨਾਇਜਿੰਗ ਕਮੇਟੀ ਤੇ ਸੀਨੀਅਰ ਉਪ ਪ੍ਰਧਾਨ, ਪੰਜਾਬ ਤਾਇਕਵਾਂਡੋ ਐਸੋਸੀਏਸ਼ਨ), ਸ਼੍ਰੀ ਸੁਬੋਧ ਸ਼ਰਮਾ (ਪ੍ਰਬੰਧਕ ਗੁਰੂ ਨਾਨਕ ਵੀ. ਬੀ. ਟੀ. ਪੋਲੀਟੈਕਨਿਕ) ਅਤੇ ਹਰਵਿੰਦਰ ਸਿੰਘ ਜਵੰਧਾ (ਮੀਤ ਪ੍ਰਧਾਨ, ਜਿਲ੍ਹਾ ਤਾਇਕਵਾਂਡੋ ਐਸੋਸੀਏਸ਼ਨ) ਨੇ ਸੰਯੁਕਤ ਰੂਪ ਵਿਚ ਕੀਤਾ।

ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਪੰਜਾਬ ਤਾਇਕਵਾਂਡੋ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ-ਤਕਨੀਕੀ ਡਾਇਰੈਕਟਰ, ਇੰਜੀ. ਸਤਪਾਲ ਸਿੰਘ ਰੀਹਲ ਨੇ ਦੱਸਿਆ ਕਿ ਮਾਤਾ ਸਾਹਿਬ ਕੌਰ ਪਬਲਿਕ ਸਕੂਲ, ਸਵਾੜਾ ਦੇ ਖਿਡਾਰੀਆਂ ਨੇ ਸਭ ਤੋਂ ਵੱਧ ਤਮਗੇ (13 ਸੋਨ, 8 ਚਾਂਦੀ ਅਤੇ 2 ਕਾਂਸੇ) ਪ੍ਰਾਪਤ ਕਰਕੇ ਪਹਿਲਾ, ਜ਼ੀਰਕਪੁਰ ਦੀ ਟੀਮ ਨੇ 11 ਸੋਨ, 9 ਚਾਂਦੀ ਅਤੇ 4 ਕਾਂਸੇ ਦੇ ਤਮਗੇ ਜਿੱਤ ਕੇ ਦੂਜਾ ਅਤੇ ਮੁਹਾਲੀ ਤਾਇਕਵਾਂਡੋ ਅਕੈਡਮੀ ਦੇ ਖਿਡਾਰੀਆਂ ਨੇ 10 ਸੋਨ, 3 ਚਾਂਦੀ ਅਤੇ 2 ਕਾਂਸੇ ਦੇ ਤਮਗੇ ਜਿੱਤ ਕੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।

ਉਹਨਾਂ ਦੱਸਿਆ ਕਿ ਇਨਾਮ ਵੰਡ ਤੇ ਸਮਾਪਨ ਸਮਾਰੋਹ ਮੌਕੇ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ ਪੰਜਾਬ ਤਾਇਕਵਾਂਡੋ ਐਸੋਸੀਏਸ਼ਨ ਦੇ ਪੈਟਰਨ ਸ. ਸੁਖਦੇਵ ਸਿੰਘ ਬਰਾੜ (ਐਸ. ਐਸ. ਪੀ. ਰਿਟਾ.), ਸz ਜੋਰਾਵਰ ਸਿੰਘ, ਸ. ਕੰਵਲਜੀਤ ਸਿੰਘ ਵਾਲੀਆ, ਸ਼੍ਰੀ ਮਦਨ ਸ਼ੌਂਕੀ, ਸ਼੍ਰੀ ਹਰਵਿੰਦਰ ਸਿੰਘ, ਮਨਦੀਪ ਸਿੰਘ, ਅਤੇ ਦਲਜਿੰਦਰ ਸਿੰਘ ਮਲ੍ਹੀ ਨੇ ਸੰਯੁਕਤ ਰੂਪ ਵਿਚ ਜੇਤੂ ਖਿਡਾਰੀਆਂ ਨੂੰ ਇਨਾਮ ਵੰਡੇ।