ਰਾਜਪੁਰਾ, 18 ਦਸੰਬਰ-  ਡੀ.ਪੀ.ਐਸ ਰਾਜਪੁਰਾ ਨੇ "ਦ ਸੋਲਫੁਲ ਸਟੈਚੂਜ਼" ਨਾਮਕ ਪ੍ਰੋਗਰਾਮ ਵਿਚ ਸੰਦੇਸ਼ ਭਰਪੂਰ  ਨਾਟਕ ਦੀ ਪ੍ਰਸਤੁਤੀ ਪੇਸ਼ ਕੀਤੀ । ਜਿਸ ਨੇ ਸ਼ਕਤੀਸ਼ਾਲੀ ਕਹਾਣੀ ਬਿਆਨੀ ਅਤੇ ਮੋਹਕ ਪ੍ਰਦਰਸ਼ਨ ਨਾਲ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰ ਦਿੱਤਾ। ਇਹ ਪ੍ਰਦਰਸ਼ਨ ਕਲਾਤਮਕਤਾ, ਭਾਵਨਾਵਾਂ ਅਤੇ ਰਚਨਾਤਮਕਤਾ ਦਾ ਸੁੰਦਰ ਮਿਸਾਲ ਸੀ। ਜਿਸ ਨੇ ਇੱਕ ਅਭੁੱਲਣਯੋਗ ਅਨੁਭਵ ਪ੍ਰਦਾਨ ਕੀਤਾ।
ਇਹ ਪ੍ਰਦਰਸ਼ਨ ਦੇ ਰੰਗ ਮੰਚ ਉੱਤੇ ਚਾਰ ਮੂਰਤੀਆਂ ਦੇ ਰੂਪ ਵਿੱਚ—ਇੱਕ ਜਿਮਨਾਸਟ, ਇੱਕ ਰਾਜ ਨੇਤਾ, ਇੱਕ ਗਾਇਕ ਅਤੇ ਇੱਕ ਫੌਜੀ ਦੇ ਜੀਵਨ ਵਿੱਚ ਹੋਏ ਸੰਘਰਸ਼ , ਸੁੱਖ- ਦੁੱਖ ਨੂੰ
 ਇੱਕ ਕਹਾਣੀ ਦੇ ਰੂਪ ਵਿੱਚ ਨਾਟਕੀ ਢੰਗ ਨਾਲ ਪੇਸ਼ ਕੀਤਾ।
ਝਿਲਮਿਲਾਉਦੀਆਂ ਰੌਸ਼ਨੀ ਅਤੇ ਸੰਗੀਤ ਦੇ ਗਤੀਸ਼ੀਲ ਮਿਸਰਣ ਨੇ ਇਸ ਪ੍ਰਦਰਸ਼ਨ ਨੂੰ ਜ਼ਿੰਦਾ ਕਰ ਦਿੱਤਾ।
ਪ੍ਰੀ-ਪ੍ਰਾਇਮਰੀ ਦੇ ਵਿਦਿਆਰਥੀਆਂ ਦੀਆਂ ਮਾਸੂਮ ਅਤੇ ਉਤਸ਼ਾਹ ਭਰੀਆਂ ਡਾਂਸ ਪ੍ਰਦਰਸ਼ਨਾਵਾਂ ਨੇ ਹਰੇਕ ਦਰਸ਼ਕਾਂ ਦੇ ਚਿਹਰੇ 'ਤੇ ਮੁਸਕਾਨ ਲਿਆ ਦਿੱਤੀ। ਜੋ ਨੰਨ੍ਹੇ ਡਿਪਸਾਇਟਸ ਦੀ ਵਧਦੀ ਪ੍ਰਤਿਭਾ ਅਤੇ ਆਤਮ ਵਿਸ਼ਵਾਸ ਨੂੰ ਪ੍ਰਦਰਸ਼ਿਤ ਕਰਦੀ ਹੈ|
ਇਸ ਮਹਾਨ ਸ਼ਾਮ ਨੂੰ ਵਿਸ਼ੇਸ਼ ਅਤਿਥੀ ਮਾਨਯੋਗ ਸ਼੍ਰੀਮਤੀ ਨੀਨਾ ਮਿੱਤਲ, ਵਿਧਾਇਕ ਰਾਜਪੁਰਾ ਅਤੇ ਰਾਜ ਖਜਾਨਚੀ (ਆਮ ਆਦਮੀ ਪਾਰਟੀ), ਅਤੇ ਸਨਮਾਨਿਤ ਮਹਿਮਾਨ ਸ਼੍ਰੀ ਅਵਿਕੇਸ਼ ਗੁਪਤਾ, ਐਸ.ਡੀ.ਐਮ ਰਾਜਪੁਰਾ ਦਾ ਅਭਿਨੰਦਨ ਕੀਤਾ । ਉਨ੍ਹਾਂ ਦੇ ਪ੍ਰੋਤਸਾਹਨ ਭਰੇ ਸ਼ਬਦਾਂ ਨੇ ਵਿਦਿਆਰਥੀਆਂ ਨੂੰ ਅਗਾਂਹ ਵਧਣ ਲਈ ਪ੍ਰੇਰਿਤ ਕੀਤਾ।
ਡਾ. ਗੁਨਮੀਤ ਬਿੰਦਰਾ, ਡੀ.ਪੀ.ਐਸ ਰਾਜਪੁਰਾ ਦੀ ਪ੍ਰੋ-ਵਾਈਸ ਚੇਅਰਪਰਸਨ ਨੇ ਕਿਹਾ:
"ਇਹ ਪ੍ਰਦਰਸ਼ਨ ਸਾਡੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੀ ਅਦਭੁੱਤ ਪ੍ਰਤਿਭਾ ਅਤੇ ਮਿਹਨਤ ਦਾ ਸਚਮੁੱਚ ਸ਼ਾਨਦਾਰ ਪ੍ਰਤੀਬਿੰਬ ਹੈ। ਇਹ ਸਾਨੂੰ ਡੀ.ਪੀ.ਐਸ ਰਾਜਪੁਰਾ ਦੇ ਪਰਿਵਾਰ ਦਾ ਗੌਰਵ ਮਹਿਸੂਸ ਕਰਵਾਉਂਦਾ ਹੈ, ਜੋ ਕਲਾ ਦੀ ਅਭੂਤਪੂਰਵਤਾ ਅਤੇ ਟੀਮਵਰਕ ਦੇ ਮੁੱਖ ਮੁੱਲਾਂ ਨੂੰ ਦਰਸਾਉਂਦਾ ਹੈ। ਮੈਨੂੰ ਮਾਤਾ-ਪਿਤਾ, ਅਧਿਆਪਕਾਂ ਅਤੇ ਸਾਡੇ ਆਦਰਸ਼ ਅਤਿਥੀਆਂ ਦਾ ਇਸ ਸਮਾਰੋਹ ਨੂੰ ਯਾਦਗਾਰੀ ਬਣਾਉਣ ਵਿੱਚ ਸਮਰਥਨ ਦੇਣ ਲਈ ਦਿਲੋਂ ਧੰਨਵਾਦ ਹੈ।"
ਡੀ.ਪੀ.ਐਸ ਰਾਜਪੁਰਾ ਦੀ ਪ੍ਰਿੰਸੀਪਲ, ਸ੍ਰੀਮਤੀ ਗੀਤਿਕਾ ਚੰਦਰਾ ਨੇ ਆਪਣੀ ਖੁਸ਼ੀ ਅਤੇ ਆਭਾਰ ਜ਼ਾਹਰ ਕੀਤਾ: ਸਭ ਤੋਂ ਪਹਿਲਾਂ ਉਹਨਾਂ ਨੇ ਮਾਪਿਆਂ ਦਾ ਪੂਰਨ ਸਹਿਯੋਗ ਦੇ ਲਈ ਧੰਨਵਾਦ ਕੀਤਾ ਅਤੇ ਸਾਰੇ ਬੱਚਿਆਂ ਦੀ ਲਗਨ ਅਤੇ ਮਿਹਨਤ ਦੀ ਪ੍ਰਸ਼ੰਸਾ ਕੀਤੀ। ਉਹਨਾਂ ਨੇ ਸਾਰੇ ਹੀ ਅਧਿਆਪਕਾਂ ਅਤੇ ਕਰਮਚਾਰੀਆਂ ਦੇ ਸਹਿਯੋਗ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉਨਾਂ ਦਾ ਧੰਨਵਾਦ ਕੀਤਾ।