ਹੁਸ਼ਿਆਰਪੁਰ- ਮੈਨ ਐਡ ਨੇਚਰ ਫਾਉਂਡੇਸ਼ਨ ਦੀ ਪ੍ਰਧਾਨ ਸ੍ਰੀਮਤੀ ਮਨਜੀਤ ਕੌਰ ਅਤੇ ਵਾਈਸ ਪ੍ਰਧਾਨ ਸ੍ਰੀ ਸੁਰਿੰਦਰ ਪਾਲ ਦੀ ਅਗਵਾਈ ਹੇਠ ਭੰਗੀ ਚੋ ਨੇੜੇ ਮਾਡਲ ਟਾਊਨ ਹੁਸ਼ਿਆਰਪੁਰ ਵਿਖੇ, ਅੰਬ, ਪਿੱਪਲ, ਪਿਲਕਣ, ਤੁਣ, ਕਚਨਾਰ, ਗੁਲਰ ਅਤੇ ਹਰੜ ਆਦਿ ਲਗਭਗ 150 ਬੂਟੇ ਲਗਾਏ ਗਏ। 
ਅੱਜ ਦੀ ਪੌਦਾਰੋਪਣ ਮੁਹਿੰਮ ਵਿੱਚ, ਆਈ ਕੇ ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ, ਹੁਸ਼ਿਆਰਪੁਰ ਕੈਂਪਸ ਦੇ ਵਿਦਿਆਰਥੀਆਂ ਨੇ ਪ੍ਰੋਫ਼ੈਸਰ ਡਾਕਟਰ ਕੁਲਵਿੰਦਰ ਸਿੰਘ ਪਰਮਾਰ, ਡਾਕਟਰ ਬ੍ਰਿਜੇਸ਼ ਬਾਕੇਰੀਆ, ਸ੍ਰੀ ਰਾਜਿੰਦਰ ਕੁਮਾਰ, ਸ੍ਰੀ ਪੁਨੀਤ ਕੁਮਾਰ ਅਤੇ ਸ਼੍ਰੀਮਤੀ ਕੁਸ਼ਵਿੰਦਰ ਕੌਰ ਦੀ ਅਗਵਾਈ ਹੇਠ ਆਯੋਜਿਤ ਐਨ ਐਸ ਐਸ ਕੈਂਪ ਰਾਹੀਂ ਵਿਸ਼ੇਸ਼ ਯੋਗਦਾਨ ਪਾਇਆ । 
ਇਹ ਬੂਟੇ ਵਣ ਵਿਭਾਗ ਕਰਮਚਾਰੀ ਪਿੱਪਲ ਸਿੰਘ ਦੀ ਨਿਸ਼ਾਨਦੇਹੀ ਅਨੁਸਾਰ ਲਗਾਏ ਗਏ। ਮਨਜੀਤ ਕੌਰ ਨੇ ਜਿਥੇ ਵਿਦਿਆਰਥੀਆਂ ਨੂੰ ਵਾਤਾਵਰਨ ਪ੍ਰਤੀ ਜਾਗਰੂਕ ਹੋਣ ਲਈ ਕਿਹਾ ਉਥੇ ਨਾਲ ਹੀ ਦੇਸ ਦੀਆਂ ਔਰਤਾਂ ਨੂੰ ਵਾਤਾਵਰਨ ਦੀ ਸਾਂਭ ਸੰਭਾਲ ਲਈ ਅਗਾਂਹ ਆਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਕਾਲਜ ਸਟਾਫ ਵੱਲੋਂ ਮਨਜੀਤ ਕੌਰ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। 
ਇਸ ਮੌਕੇ ਫਾਉਂਡੇਸ਼ਨ ਦੇ ਮੈਂਬਰ ਸੰਦੀਪ ਕੁਮਾਰ, ਸੁਰਿੰਦਰ ਪਾਲ, ਮਨਜੀਤ ਸਿੰਘ, ਤੇਜੂ ਰਾਮ, ਸੁਰਜੀਤ ਸਿੰਘ, ਸੋਮ ਪਾਲ,ਕੀਮਤੀ ਲਾਲ, ਅਲਕਾ ਸ਼ਰਮਾ, ਜਰਨੈਲ ਸਿੰਘ, ਦੀਪਕ ਸ਼ਰਮਾ ਰਾਜਨਦੀਪ ਸਿੰਘ ਸੋਹਲ ਆਦਿ ਹਾਜ਼ਰ ਸਨ।