ਚੰਡੀਗੜ੍ਹ, 26 ਸਤੰਬਰ 2024:- ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ‘ਚ 23 ਤੋਂ 27 ਸਤੰਬਰ 2024 ਤੱਕ ਇੰਡਸਟਰੀ-ਅਕੈਡਮੀਆ ਇੰਟਰੇਕਸ਼ਨ ਵੀਕ ਮਨਾਇਆ ਜਾ ਰਿਹਾ ਹੈ। ਇਸ ਇਵੈਂਟ ਦਾ ਮੁੱਖ ਮਕਸਦ ਹੈ, ਕਿ ਕਾਲਜ ਦੇ ਵਿਦਿਆਰਥੀਆਂ ਅਤੇ ਉਦਯੋਗ ਦੇ ਮਾਹਿਰਾਂ ਨੂੰ ਇੱਕੋ ਮੰਚ ‘ਤੇ ਲਿਆ ਕੇ, ਨਵੇਂ ਵਿਚਾਰਾਂ ਨੂੰ ਪ੍ਰੋਤਸਾਹਿਤ ਕੀਤਾ ਜਾਵੇ ਅਤੇ ਉਦਯੋਗ ਅਤੇ ਅਕੈਡਮਿਕ ਖੇਤਰ ਵਿਚਕਾਰ ਮੇਲ-ਮਿਲਾਪ ਨੂੰ ਮਜ਼ਬੂਤ ਕੀਤਾ ਜਾਵੇ। ਇਸ ਦੌਰਾਨ, ਸੈਂਟਰ ਆਫ ਮੈਨੇਜਮੈਂਟ ਐਂਡ ਹਿਊਮੈਨਿਟੀਜ਼ (CMH) ਵੱਲੋਂ ਕਈ ਪ੍ਰੇਰਣਾਦਾਇਕ ਸੈਸ਼ਨ ਕਰਵਾਏ ਜਾ ਰਹੇ ਹਨ।
26 ਸਤੰਬਰ ਨੂੰ, CMH ਨੇ “ਕਮਿਊਨਿਕੇਸ਼ਨ ਦੀਆਂ ਰੁਕਾਵਟਾਂ ਨੂੰ ਤੋੜਕੇ, ਵਿਸ਼ਵ ਨਾਲ ਬੇਫਿਕਰੀ ਨਾਲ ਰੁਬਰੂ ਹੋਣਾ” ਵਿਸ਼ੇ ‘ਤੇ ਇੱਕ ਵਿਸ਼ੇਸ਼ ਸੈਸ਼ਨ ਦਾ ਆਯੋਜਨ ਕੀਤਾ। ਇਸ ਸੈਸ਼ਨ ਦੀ ਮੁੱਖ ਵਕਤਾ ਸਨ, ਸ਼੍ਰੀਮਤੀ ਦਿਵਿਆ ਖੰਨਾ, ਜੋ ਕਿ ਚੰਡੀਗੜ੍ਹ ‘ਚ ਸਥਿਤ ਜੇਨਿਸਿਸ ਐਜੂਕੇਟਸ ਦੀ ਫਾਊਂਡਰ ਅਤੇ ਟ੍ਰਾਂਸਫਾਰਮੇਸ਼ਨਲ ਕੋਚ ਹਨ। ਸੈਸ਼ਨ ਦੀ ਸ਼ੁਰੂਆਤ CMH ਦੀ ਪ੍ਰਧਾਨ, ਪ੍ਰੋ. ਅੰਜੂ ਸਿੰਗਲਾ ਨੇ ਸ਼੍ਰੀਮਤੀ ਖੰਨਾ ਦਾ ਸਵਾਗਤ ਕੀਤਾ। ਦਿਵਿਆ ਜੀ ਨੇ ਆਪਣੇ ਜੀਵਨ ਦੇ ਤਜਰਬਿਆਂ ਨੂੰ ਸਾਂਝਾ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਸੰਚਾਰ ਨਿਪੁੰਨਤਾ ਅਤੇ ਆਤਮ-ਵਿਸ਼ਵਾਸ ਵਧਾਉਣ ਲਈ ਵੱਡੇ ਹੀ ਵਰਤੋਂਯੋਗ ਟਿੱਪਸ ਦਿੱਤੀਆਂ। ਉਨ੍ਹਾਂ ਨੇ ਸੰਚਾਰ ਦੇ ਦੌਰਾਨ ਆਉਣ ਵਾਲੀਆਂ ਰੁਕਾਵਟਾਂ ਤੋਂ ਬਚਣ ਦੇ ਤਰੀਕੇ, ਬਾਡੀ ਲੈਂਗਵੇਜ ਅਤੇ ਪਿਰਸਨਾਲਟੀ ਡਿਵੈਲਪਮੈਂਟ ਦੇ ਤਰੀਕਿਆਂ ਬਾਰੇ ਵੀ ਸਮਝਾਇਆ। 12 ਸਾਲਾਂ ਦੇ ਤਜਰਬੇ ਦੇ ਨਾਲ, ਦਿਵਿਆ ਜੀ ਨੇ 900 ਤੋਂ ਵੱਧ ਵਿਦਿਆਰਥੀਆਂ ਨੂੰ ਸਿੱਖਿਆ ਦਿੱਤੀ ਹੈ। ਆਪਣੇ ਸੈਸ਼ਨ ਦੇ ਅਖੀਰ ਵਿੱਚ, ਉਨ੍ਹਾਂ ਨੇ ਸਾਰੇ ਵਿਦਿਆਰਥੀਆਂ ਨੂੰ ਆਤਮ-ਵਿਸ਼ਵਾਸ ਅਤੇ ਸਹਿ-ਨਿਪੁੰਨਤਾ ਨਾਲ ਅੱਗੇ ਵੱਧਣ ਲਈ ਪ੍ਰੇਰਿਤ ਕੀਤਾ।
ਇਸ ਵੀਕ ਦੇ ਤੀਜੇ ਦਿਨ, ਡਾ. ਪਰਕਸ਼ਿਤ ਬੰਸਲ ਨੇ “ਇੰਟੈਲੇਕਚੁਅਲ ਪ੍ਰਾਪਰਟੀ ਰਾਈਟਸ ‘ਚ ਕਰੀਅਰ ਦੇ ਮੌਕੇ” ਵਿਸ਼ੇ ‘ਤੇ ਇੱਕ ਬਹੁਤ ਹੀ ਜਾਣਕਾਰੀਭਰਪੂਰ ਸੈਸ਼ਨ ਦਿੱਤਾ। ਡਾ. ਬੰਸਲ, ਜੋ ਕਿ ਇਸ ਖੇਤਰ ਦੇ ਮਾਹਿਰ ਹਨ, ਦਾ ਸਵਾਗਤ ਵੀ ਪ੍ਰੋ. ਅੰਜੂ ਸਿੰਗਲਾ ਨੇ ਕੀਤਾ। ਉਨ੍ਹਾਂ ਵਿਦਿਆਰਥੀਆਂ ਨਾਲ ਸਾਂਝਾ ਕੀਤਾ, “ਹਰ ਨਵੀਂ ਖੋਜ ਇੱਕ ਸਾਦੇ ਵਿਚਾਰ ਤੋਂ ਸ਼ੁਰੂ ਹੁੰਦੀ ਹੈ” ਅਤੇ ਇਹ ਸਮਝਾਇਆ ਕਿ ਕਿਵੇਂ ਇੱਕ ਆਮ ਜਿਹਾ ਵਿਚਾਰ ਵੀ ਬਾਜ਼ਾਰ ‘ਚ ਵੱਡੇ ਬਦਲਾਅ ਨੂੰ ਜਨਮ ਦੇ ਸਕਦਾ ਹੈ। ਉਨ੍ਹਾਂ ਨੇ ਪੇਟੈਂਟ, ਟ੍ਰੇਡਮਾਰਕ, ਕਾਪੀਰਾਈਟ ਅਤੇ ਡਿਜ਼ਾਈਨ ਵਰਗੀਆਂ ਬੌਦਿਕ ਸੰਪਤੀਆਂ ਦੇ ਵੱਖ-ਵੱਖ ਤਰੀਕਿਆਂ ਬਾਰੇ ਸਪਸ਼ਟ ਕੀਤਾ। ਡਾ. ਬੰਸਲ ਨੇ "ਤ੍ਰਿਸ਼ੂਲ ਟੈਸਟ" ਦਾ ਜ਼ਿਕਰ ਕੀਤਾ, ਜੋ ਇਹ ਨਿਰਧਾਰਤ ਕਰਦਾ ਹੈ ਕਿ ਕੋਈ ਵੀ ਵਿਚਾਰ ਨਵੀਂ, ਖੋਜ ਯੋਗ ਅਤੇ ਵਰਤੋਂਯੋਗ ਹੈ ਕਿ ਨਹੀਂ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਪੇਟੈਂਟ ਵਿਸ਼ਲੇਸ਼ਕ ਦੇ ਤੌਰ ਤੇ ਕਰੀਅਰ ਦੇ ਮੌਕਿਆਂ ਬਾਰੇ ਦੱਸਿਆ ਅਤੇ ਮਦਦ ਲਈ Google Patent ਵਰਗੇ ਆਨਲਾਈਨ ਰਿਸੋਰਸ ਦਾ ਪੂਰੀ ਤਰ੍ਹਾਂ ਵਰਤੋਂ ਕਰਨ ਦੀ ਸਲਾਹ ਦਿੱਤੀ।
ਇਸ ਸੈਸ਼ਨ ਦੀ ਲੜੀ ਦੇ ਅਗਲੇ ਹਿੱਸੇ ‘ਚ, CMH ਨੇ ਸ਼੍ਰੀ ਮਨੀਸ਼ ਸ਼ਰਮਾ ਦਾ ਸਵਾਗਤ ਕੀਤਾ, ਜੋ ਕਿ ਇੱਕ ਮਾਹਿਰ ਉਦਯੋਗਪਤੀ, ਕਾਪੋਰਟਰੇਟ ਟ੍ਰੇਨਰ ਅਤੇ ਮੈਨੇਜਮੈਂਟ ਕਨਸਲਟੈਂਟ ਹਨ, ਅਤੇ 27 ਸਾਲਾਂ ਦਾ ਉਦਯੋਗ ਤਜਰਬਾ ਰੱਖਦੇ ਹਨ। ਉਨ੍ਹਾਂ ਨੇ “ਸਟ੍ਰੈਟੇਜਿਕ ਡਿਸੀਸ਼ਨ ਮੇਕਿੰਗ” ‘ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਮਨੀਸ਼ ਜੀ ਨੇ ਵਿਦਿਆਰਥੀਆਂ ਨੂੰ ਸਹੀ ਕਰੀਅਰ ਚੋਣ ਅਤੇ ਵਿਅਕਤੀਗਤ ਫੈਸਲੇ ਕਰਨ ਬਾਰੇ ਦੱਸਿਆ ਅਤੇ ਇਹ ਸਮਝਾਇਆ ਕਿ ਕਿਵੇਂ ਆਪਣੇ ਨਿੱਜੀ ਸਿਧਾਂਤਾਂ ਨੂੰ ਪ੍ਰੋਫੈਸ਼ਨਲ ਇੱਛਾਵਾਂ ਦੇ ਨਾਲ ਸੰਤੁਲਿਤ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਨੇ ਇਕ ਮਹੱਤਵਪੂਰਨ ਸੁਨੇਹਾ ਦਿੱਤਾ, “ਤੁਹਾਡੇ ਵਿਸ਼ਵਾਸ ਹੀ ਤੁਹਾਡੇ ਭਵਿੱਖ ਦਾ ਨਿਰਧਾਰਨ ਕਰਦੇ ਹਨ,” ਅਤੇ ਸਾਰਿਆਂ ਨੂੰ ਸਫਲਤਾ ਲਈ ਸਹੀ ਸੋਚ ਅਤੇ ਦ੍ਰਿਸ਼ਟਿਕੋਣ ਵਿਕਸਿਤ ਕਰਨ ਲਈ ਪ੍ਰੇਰਿਤ ਕੀਤਾ। ਪ੍ਰੋ. ਅੰਜੂ ਸਿੰਗਲਾ ਨੇ ਮਨੀਸ਼ ਜੀ ਨੂੰ ਉਨ੍ਹਾਂ ਦੇ ਕੀਮਤੀ ਯੋਗਦਾਨ ਲਈ ਸਮ੍ਰਿਤੀ ਚਿੰਨ੍ਹ ਭੇਂਟ ਕਰਕੇ ਧੰਨਵਾਦ ਕੀਤਾ।
ਇਸ ਪੂਰੇ ਵੀਕ ਦੌਰਾਨ, ਇੰਡਸਟਰੀ-ਅਕੈਡਮੀਆ ਇੰਟਰੇਕਸ਼ਨ ਦੇ ਜਰੀਏ ਵਿਦਿਆਰਥੀਆਂ ਨੂੰ ਉਦਯੋਗ ਦੇ ਮਾਹਿਰਾਂ ਨਾਲ ਜੁੜਨ ਅਤੇ ਉਹਨਾਂ ਤੋਂ ਸਿੱਖਣ ਦਾ ਮੌਕਾ ਮਿਲ ਰਿਹਾ ਹੈ। ਇਸ ਨਾਲ ਵਿਦਿਆਰਥੀਆਂ ਨੂੰ ਨਵੀਂ ਸਿੱਖਿਆ ਪ੍ਰਾਪਤ ਹੋ ਰਹੀ ਹੈ, ਜੋ ਉਨ੍ਹਾਂ ਦੇ ਭਵਿੱਖ ਦੇ ਕਰੀਅਰ ਨੂੰ ਇੱਕ ਨਵੀਂ ਦਿਸ਼ਾ ਦੇਣ ‘ਚ ਮਦਦਗਾਰ ਸਾਬਤ ਹੋਵੇਗੀ।